{"id":"sn35.1","title":"The Interior as Impermanent","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.1","title":"The Interior as Impermanent","units":[{"id":"sn35.1:0","sourceIds":["sn35.1:0.1","sn35.1:0.2","sn35.1:0.3"],"kind":"text","text":{"pi":"Saṁyutta Nikāya 35.1\n1. Aniccavagga\nAjjhattāniccasutta","en":"Linked Discourses 35.1\n1. Impermanence\nThe Interior as Impermanent"}},{"id":"sn35.1:1","sourceIds":["sn35.1:1.1","sn35.1:1.2","sn35.1:1.3","sn35.1:1.4","sn35.1:1.5","sn35.1:1.6"],"kind":"text","text":{"pi":"Evaṁ me sutaṁ.\nEkaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"sn35.1:2","sourceIds":["sn35.1:2.1","sn35.1:2.2","sn35.1:2.3","sn35.1:2.4","sn35.1:2.5","sn35.1:2.6","sn35.1:2.7","sn35.1:2.8","sn35.1:2.9","sn35.1:2.10","sn35.1:2.11","sn35.1:2.12","sn35.1:2.13","sn35.1:2.14","sn35.1:2.15","sn35.1:2.16","sn35.1:2.17","sn35.1:2.18","sn35.1:2.19","sn35.1:2.20","sn35.1:2.21","sn35.1:2.22"],"kind":"text","text":{"pi":"“Cakkhuṁ, bhikkhave, aniccaṁ.\nYadaniccaṁ taṁ dukkhaṁ;\nyaṁ dukkhaṁ tadanattā.\nYadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.\nSotaṁ aniccaṁ.\nYadaniccaṁ …pe…\nghānaṁ aniccaṁ.\nYadaniccaṁ …pe…\njivhā aniccā.\nYadaniccaṁ taṁ dukkhaṁ;\nyaṁ dukkhaṁ tadanattā.\nYadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.\nKāyo anicco.\nYadaniccaṁ …pe…\nmano anicco.\nYadaniccaṁ taṁ dukkhaṁ;\nyaṁ dukkhaṁ tadanattā.\nYadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.\nEvaṁ passaṁ, bhikkhave, sutavā ariyasāvako cakkhusmimpi nibbindati, sotasmimpi nibbindati, ghānasmimpi nibbindati, jivhāyapi nibbindati, kāyasmimpi nibbindati, manasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nPaṭhamaṁ.","en":"“Mendicants, the eye is impermanent.\nWhat’s impermanent is suffering.\nWhat’s suffering is not-self.\nAnd what’s not-self should be truly seen with right understanding like this: ‘This is not mine, I am not this, this is not my self.’\nThe ear is impermanent. …\nThe nose is impermanent. …\nThe tongue is impermanent. …\nThe body is impermanent. …\nThe mind is impermanent.\nWhat’s impermanent is suffering.\nWhat’s suffering is not-self.\nAnd what’s not-self should be truly seen with right understanding like this: ‘This is not mine, I am not this, this is not my self.’\nSeeing this, a learned noble disciple grows disillusioned with the eye, ear, nose, tongue, body, and mind.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}