{"id":"sn35.113","title":"Listening In","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.113","title":"Listening In","units":[{"id":"sn35.113:0","sourceIds":["sn35.113:0.1","sn35.113:0.2","sn35.113:0.3"],"kind":"text","text":{"pi":"Saṁyutta Nikāya 35.113\n11. Yogakkhemivagga\nUpassutisutta","en":"Linked Discourses 35.113\n11. Sanctuary from the Yoke\nListening In"}},{"id":"sn35.113:1","sourceIds":["sn35.113:1.1","sn35.113:1.2","sn35.113:1.3","sn35.113:1.4","sn35.113:1.5","sn35.113:1.6","sn35.113:1.7","sn35.113:1.8","sn35.113:1.9","sn35.113:1.10","sn35.113:1.11","sn35.113:1.12","sn35.113:1.13","sn35.113:1.14","sn35.113:1.15","sn35.113:1.16","sn35.113:1.17","sn35.113:1.18","sn35.113:1.19"],"kind":"text","text":{"pi":"Ekaṁ samayaṁ bhagavā nātike viharati giñjakāvasathe.\nAtha kho bhagavā rahogato paṭisallīno imaṁ dhammapariyāyaṁ abhāsi:\n“cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso.\nPhassapaccayā vedanā;\nvedanāpaccayā taṇhā;\ntaṇhāpaccayā upādānaṁ;\nupādānapaccayā bhavo;\nbhavapaccayā jāti;\njātipaccayā jarāmaraṇaṁ sokaparidevadukkhadomanassupāyāsā sambhavanti.\nEvametassa kevalassa dukkhakkhandhassa samudayo hoti.\nJivhañca paṭicca rase ca uppajjati …pe…\nmanañca paṭicca dhamme ca uppajjati manoviññāṇaṁ. Tiṇṇaṁ saṅgati phasso.\nPhassapaccayā vedanā;\nvedanāpaccayā taṇhā;\ntaṇhāpaccayā upādānaṁ;\nupādānapaccayā bhavo;\nbhavapaccayā jāti;\njātipaccayā jarāmaraṇaṁ sokaparidevadukkhadomanassupāyāsā sambhavanti.\nEvametassa kevalassa dukkhakkhandhassa samudayo hoti.","en":"At one time the Buddha was staying at Ñātika in the brick house.\nThen while the Buddha was in private retreat he spoke this exposition of the teaching:\n“Eye consciousness arises dependent on the eye and sights. The meeting of the three is contact.\nContact is a requirement for feeling.\nFeeling is a requirement for craving.\nCraving is a requirement for grasping.\nGrasping is a requirement for continued existence.\nContinued existence is a requirement for rebirth.\nRebirth is a requirement for old age and death, sorrow, lamentation, pain, sadness, and distress to come to be.\nThat is how this entire mass of suffering originates.\nEar … nose … tongue … body …\nMind consciousness arises dependent on the mind and ideas. The meeting of the three is contact.\nContact is a requirement for feeling.\nFeeling is a requirement for craving.\nCraving is a requirement for grasping.\nGrasping is a requirement for continued existence.\nContinued existence is a requirement for rebirth.\nRebirth is a requirement for old age and death, sorrow, lamentation, pain, sadness, and distress to come to be.\nThat is how this entire mass of suffering originates."}},{"id":"sn35.113:2","sourceIds":["sn35.113:2.1","sn35.113:2.2","sn35.113:2.3","sn35.113:2.4","sn35.113:2.5","sn35.113:2.6","sn35.113:2.7","sn35.113:2.8","sn35.113:2.9","sn35.113:2.10","sn35.113:2.11","sn35.113:2.12","sn35.113:2.13","sn35.113:2.14","sn35.113:2.15"],"kind":"text","text":{"pi":"Cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso.\nPhassapaccayā vedanā;\nvedanāpaccayā taṇhā.\nTassāyeva taṇhāya asesavirāganirodhā upādānanirodho;\nupādānanirodhā bhavanirodho;\nbhavanirodhā jātinirodho;\njātinirodhā jarāmaraṇaṁ sokaparidevadukkhadomanassupāyāsā nirujjhanti.\nEvametassa kevalassa dukkhakkhandhassa nirodho hoti …pe…\njivhañca paṭicca rase ca uppajjati …pe…\nmanañca paṭicca dhamme ca uppajjati manoviññāṇaṁ. Tiṇṇaṁ saṅgati phasso.\nPhassapaccayā vedanā;\nvedanāpaccayā taṇhā.\nTassāyeva taṇhāya asesavirāganirodhā upādānanirodho;\nupādānanirodhā …pe…\nevametassa kevalassa dukkhakkhandhassa nirodho hotī”ti.","en":"Eye consciousness arises dependent on the eye and sights. The meeting of the three is contact.\nContact is a requirement for feeling.\nFeeling is a requirement for craving.\nWhen that craving fades away and ceases no residue left behind, grasping ceases.\nWhen grasping ceases, continued existence ceases.\nWhen continued existence ceases, rebirth ceases.\nWhen rebirth ceases, old age and death, sorrow, lamentation, pain, sadness, and distress cease.\nThat is how this entire mass of suffering ceases.\nEar … nose … tongue … body …\nMind consciousness arises dependent on the mind and ideas. The meeting of the three is contact.\nContact is a requirement for feeling.\nFeeling is a requirement for craving.\nWhen that craving fades away and ceases no residue left behind, grasping ceases.\nWhen grasping ceases …\nThat is how this entire mass of suffering ceases.”"}},{"id":"sn35.113:3","sourceIds":["sn35.113:3.1","sn35.113:3.2","sn35.113:3.3","sn35.113:3.4","sn35.113:3.5","sn35.113:3.6","sn35.113:3.7","sn35.113:3.8","sn35.113:3.9","sn35.113:3.10","sn35.113:3.11"],"kind":"text","text":{"pi":"Tena kho pana samayena aññataro bhikkhu bhagavato upassuti ṭhito hoti.\nAddasā kho bhagavā taṁ bhikkhuṁ upassuti ṭhitaṁ.\nDisvāna taṁ bhikkhuṁ etadavoca:\n“assosi no tvaṁ, bhikkhu, imaṁ dhammapariyāyan”ti?\n“Evaṁ, bhante”.\n“Uggaṇhāhi tvaṁ, bhikkhu, imaṁ dhammapariyāyaṁ.\nPariyāpuṇāhi tvaṁ, bhikkhu, imaṁ dhammapariyāyaṁ.\nDhārehi tvaṁ, bhikkhu, imaṁ dhammapariyāyaṁ.\nAtthasañhitoyaṁ, bhikkhu, dhammapariyāyo ādibrahmacariyako”ti.\nDasamaṁ.\nYogakkhemivaggo paṭhamo.","en":"Now at that time a certain monk was standing listening in on the Buddha.\nThe Buddha saw him\nand said,\n“Monk, did you hear that exposition of the teaching?”\n“Yes, sir.”\n“Learn that exposition of the teaching,\nmemorize it,\nand remember it.\nThat exposition of the teaching is beneficial and relevant to the fundamentals of the spiritual life.”"}},{"id":"sn35.113:4","sourceIds":["sn35.113:4.0","sn35.113:4.1","sn35.113:4.2","sn35.113:4.3","sn35.113:4.4"],"kind":"text","text":{"pi":"Tassuddānaṁ\nYogakkhemi upādāya,\nDukkhaṁ loko ca seyyo ca;\nSaṁyojanaṁ upādānaṁ,\nDve parijānaṁ upassutīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.113/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}