{"id":"sn35.116","title":"Traveling to the End of the World","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.116","title":"Traveling to the End of the World","units":[{"id":"sn35.116:0","sourceIds":["sn35.116:0.1","sn35.116:0.2","sn35.116:0.3"],"kind":"text","text":{"pi":"Saṁyutta Nikāya 35.116\n12. Lokakāmaguṇavagga\nLokantagamanasutta","en":"Linked Discourses 35.116\n12. The World and the Kinds of Sensual Stimulation\nTraveling to the End of the World"}},{"id":"sn35.116:1","sourceIds":["sn35.116:1.1","sn35.116:1.2","sn35.116:1.3","sn35.116:1.4","sn35.116:1.5","sn35.116:1.6","sn35.116:1.7","sn35.116:1.8"],"kind":"text","text":{"pi":"“Nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī”ti.\nIdaṁ vatvā bhagavā uṭṭhāyāsanā vihāraṁ pāvisi.\nAtha kho tesaṁ bhikkhūnaṁ acirapakkantassa bhagavato etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘“nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyan”ti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?","en":"“Mendicants, I say it’s not possible to know or see or reach the end of the world by traveling.\nBut I also say there’s no making an end of suffering without reaching the end of the world.”\nWhen he had spoken, the Blessed One rose from his seat and entered his dwelling.\nSoon after the Buddha left, those mendicants considered,\n“The Buddha gave this brief summary recital, then entered his dwelling without explaining the meaning in detail. …\nWho can explain in detail the meaning of this brief summary recital given by the Buddha?”"}},{"id":"sn35.116:2","sourceIds":["sn35.116:2.1","sn35.116:2.2","sn35.116:2.3","sn35.116:2.4"],"kind":"text","text":{"pi":"Atha kho tesaṁ bhikkhūnaṁ etadahosi:\n“ayaṁ kho āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā”ti.","en":"Then those mendicants thought,\n“This Venerable Ānanda is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nLet’s go to him, and ask him about this matter.”"}},{"id":"sn35.116:3","sourceIds":["sn35.116:3.1","sn35.116:3.2"],"kind":"text","text":{"pi":"Atha kho te bhikkhū yenāyasmā ānando tenupasaṅkamiṁsu; upasaṅkamitvā āyasmatā ānandena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ ānandaṁ etadavocuṁ:","en":"Then those mendicants went to Ānanda and exchanged greetings with him.\nWhen the greetings and polite conversation were over, they sat down to one side. They told him what had happened, and said,"}},{"id":"sn35.116:4","sourceIds":["sn35.116:4.1","sn35.116:4.2","sn35.116:4.3","sn35.116:4.4","sn35.116:4.5","sn35.116:4.6","sn35.116:4.7","sn35.116:4.8","sn35.116:4.9","sn35.116:4.10","sn35.116:4.11","sn35.116:4.12","sn35.116:4.13"],"kind":"text","text":{"pi":"“Idaṁ kho no, āvuso ānanda, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī’ti.\nTesaṁ no, āvuso, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nnāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmīti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, āvuso, amhākaṁ etadahosi:\n‘ayaṁ kho, āvuso, āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā’ti.\nVibhajatāyasmā ānando”ti.","en":"“May Venerable Ānanda please explain this.”"}},{"id":"sn35.116:5","sourceIds":["sn35.116:5.1","sn35.116:5.2","sn35.116:5.3","sn35.116:5.4","sn35.116:5.5","sn35.116:5.6"],"kind":"text","text":{"pi":"“Seyyathāpi, āvuso, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva, mūlaṁ atikkammeva, khandhaṁ sākhāpalāse sāraṁ pariyesitabbaṁ maññeyya;\nevaṁ sampadamidaṁ āyasmantānaṁ satthari sammukhībhūte taṁ bhagavantaṁ atisitvā amhe etamatthaṁ paṭipucchitabbaṁ maññatha.\nSo hāvuso, bhagavā jānaṁ jānāti, passaṁ passati—\ncakkhubhūto, ñāṇabhūto, dhammabhūto, brahmabhūto, vattā, pavattā, atthassa ninnetā, amatassa dātā, dhammassāmī, tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyātha.\nYathā vo bhagavā byākareyya tathā vo dhāreyyāthā”ti.","en":"“Reverends, suppose there was a person in need of heartwood. And while wandering in search of heartwood he’d come across a large tree standing with heartwood. But he’d pass over the roots and trunk, imagining that the heartwood should be sought in the branches and leaves.\nSuch is the consequence for the venerables. Though you were face to face with the Buddha, you bypassed him, imagining that you should ask me about this matter.\nFor he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nYou should have remembered it in line with the Buddha’s answer.”"}},{"id":"sn35.116:6","sourceIds":["sn35.116:6.1","sn35.116:6.2","sn35.116:6.3","sn35.116:6.4","sn35.116:6.5","sn35.116:6.6","sn35.116:6.7"],"kind":"text","text":{"pi":"“Addhāvuso ānanda, bhagavā jānaṁ jānāti, passaṁ passati—\ncakkhubhūto, ñāṇabhūto, dhammabhūto, brahmabhūto, vattā, pavattā, atthassa ninnetā, amatassa dātā, dhammassāmī, tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyāma.\nYathā no bhagavā byākareyya tathā naṁ dhāreyyāma.\nApi cāyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nVibhajatāyasmā ānando agaruṁ karitvā”ti.","en":"“Certainly he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nWe should have remembered it in line with the Buddha’s answer.\nStill, Venerable Ānanda is praised by the Buddha and esteemed by his sensible spiritual companions.\nYou are capable of explaining in detail the meaning of this brief summary recital given by the Buddha.\nPlease explain this, if it’s no trouble.”"}},{"id":"sn35.116:7","sourceIds":["sn35.116:7.1","sn35.116:7.2","sn35.116:7.3"],"kind":"text","text":{"pi":"“Tenahāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato ānandassa paccassosuṁ.\nĀyasmā ānando etadavoca:","en":"“Then listen and apply your mind well, I will speak.”\n“Yes, reverend,” they replied.\nĀnanda said this:"}},{"id":"sn35.116:8","sourceIds":["sn35.116:8.1","sn35.116:8.2","sn35.116:8.3","sn35.116:8.4","sn35.116:8.5","sn35.116:8.6","sn35.116:8.7","sn35.116:8.8","sn35.116:8.9","sn35.116:8.10","sn35.116:8.11","sn35.116:8.12","sn35.116:8.13","sn35.116:8.14","sn35.116:8.15","sn35.116:8.16","sn35.116:8.17","sn35.116:8.18","sn35.116:8.19","sn35.116:8.20","sn35.116:8.21"],"kind":"text","text":{"pi":"“Yaṁ kho vo, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī’ti,\nimassa khvāhaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ ājānāmi.\nYena kho, āvuso, lokasmiṁ lokasaññī hoti lokamānī—\nayaṁ vuccati ariyassa vinaye loko.\nKena cāvuso, lokasmiṁ lokasaññī hoti lokamānī?\nCakkhunā kho, āvuso, lokasmiṁ lokasaññī hoti lokamānī.\nSotena kho, āvuso …\nghānena kho, āvuso …\njivhāya kho, āvuso, lokasmiṁ lokasaññī hoti lokamānī.\nKāyena kho, āvuso …\nmanena kho, āvuso, lokasmiṁ lokasaññī hoti lokamānī.\nYena kho, āvuso, lokasmiṁ lokasaññī hoti lokamānī—\nayaṁ vuccati ariyassa vinaye loko.\nYaṁ kho vo, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī’ti,\nimassa khvāhaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe āyasmanto bhagavantaṁyeva upasaṅkamitvā etamatthaṁ paṭipuccheyyātha.\nYathā vo bhagavā byākaroti tathā naṁ dhāreyyāthā”ti.","en":"“Reverends, the Buddha gave this brief summary recital, then entered his dwelling without explaining the meaning in detail:\n‘Mendicants, I say it’s not possible to know or see or reach the end of the world by traveling.\nBut I also say there’s no making an end of suffering without reaching the end of the world.’\nThis is how I understand the detailed meaning of this summary recital.\nWhatever in the world through which you perceive the world and conceive the world\nis called the world in the training of the Noble One.\nAnd through what in the world do you perceive the world and conceive the world?\nThrough the eye in the world you perceive the world and conceive the world.\nThrough the ear …\nnose …\ntongue …\nbody …\nmind in the world you perceive the world and conceive the world.\nWhatever in the world through which you perceive the world and conceive the world\nis called the world in the training of the Noble One.\nReverends, the Buddha gave this brief summary, then entered his dwelling without explaining the meaning in detail:\n‘Mendicants, I say it’s not possible to know or see or reach the end of the world by traveling.\nBut I also say there’s no making an end of suffering without reaching the end of the world.’\nThat is how I understand the detailed meaning of this summary.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"sn35.116:9","sourceIds":["sn35.116:9.1"],"kind":"text","text":{"pi":"“Evamāvuso”ti kho te bhikkhū āyasmato ānandassa paṭissutvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"“Yes, reverend,” replied those mendicants. Then they rose from their seats and went to the Buddha, bowed, sat down to one side, and told him what had happened."}},{"id":"sn35.116:10","sourceIds":["sn35.116:10.1","sn35.116:10.2","sn35.116:10.3","sn35.116:10.4","sn35.116:10.5","sn35.116:10.6","sn35.116:10.7","sn35.116:10.8","sn35.116:10.9","sn35.116:10.10","sn35.116:10.11","sn35.116:10.12","sn35.116:10.13","sn35.116:10.14"],"kind":"text","text":{"pi":"“Yaṁ kho no, bhante, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘nāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmī’ti.\nTesaṁ no, bhante, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nnāhaṁ, bhikkhave, gamanena lokassa antaṁ ñāteyyaṁ, daṭṭheyyaṁ, patteyyanti vadāmi.\nNa ca panāhaṁ, bhikkhave, appatvā lokassa antaṁ dukkhassa antakiriyaṁ vadāmīti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, bhante, amhākaṁ etadahosi:\n‘ayaṁ kho āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā’ti.\nAtha kho mayaṁ, bhante, yenāyasmā ānando tenupasaṅkamimha; upasaṅkamitvā āyasmantaṁ ānandaṁ etamatthaṁ paṭipucchimha.\nTesaṁ no, bhante, āyasmatā ānandena imehi ākārehi imehi padehi imehi byañjanehi attho vibhatto”ti.","en":"Then they said, “And Ānanda explained the meaning to us in this manner, with these words and phrases.”"}},{"id":"sn35.116:11","sourceIds":["sn35.116:11.1","sn35.116:11.2","sn35.116:11.3","sn35.116:11.4"],"kind":"text","text":{"pi":"“Paṇḍito, bhikkhave, ānando; mahāpañño, bhikkhave, ānando.\nMañcepi tumhe, bhikkhave, etamatthaṁ paṭipuccheyyātha, ahampi taṁ evamevaṁ byākareyyaṁ yathā taṁ ānandena byākataṁ.\nEso cevetassa attho, evañca naṁ dhāreyyāthā”ti.\nTatiyaṁ.","en":"“Mendicants, Ānanda is astute, he has great wisdom.\nIf you came to me and asked this question, I would answer it in exactly the same way as Ānanda.\nThat is what it means, and that’s how you should remember it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.116/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}