{"id":"sn35.120","title":"Sāriputta and the Protégé","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.120","title":"Sāriputta and the Protégé","units":[{"id":"sn35.120:0","sourceIds":["sn35.120:0.1","sn35.120:0.2","sn35.120:0.3"],"kind":"text","text":{"pi":"Saṁyutta Nikāya 35.120\n12. Lokakāmaguṇavagga\nSāriputtasaddhivihārikasutta","en":"Linked Discourses 35.120\n12. The World and the Kinds of Sensual Stimulation\nSāriputta and the Protégé"}},{"id":"sn35.120:1","sourceIds":["sn35.120:1.1","sn35.120:1.2","sn35.120:1.3","sn35.120:1.4"],"kind":"text","text":{"pi":"Ekaṁ samayaṁ āyasmā sāriputto sāvatthiyaṁ viharati jetavane anāthapiṇḍikassa ārāme.\nAtha kho aññataro bhikkhu yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho so bhikkhu āyasmantaṁ sāriputtaṁ etadavoca:\n“saddhivihāriko, āvuso sāriputta, bhikkhu sikkhaṁ paccakkhāya hīnāyāvatto”ti.","en":"At one time Venerable Sāriputta was staying near Sāvatthī in Jeta’s Grove, Anāthapiṇḍika’s monastery.\nThen a certain mendicant went up to Venerable Sāriputta, and exchanged greetings with him.\nWhen the greetings and polite conversation were over, he sat down to one side, and said to him,\n“Reverend Sāriputta, a mendicant protégé of mine has resigned the training and returned to a lesser life.”"}},{"id":"sn35.120:2","sourceIds":["sn35.120:2.1","sn35.120:2.2","sn35.120:2.3"],"kind":"text","text":{"pi":"“Evametaṁ, āvuso, hoti indriyesu aguttadvārassa, bhojane amattaññuno, jāgariyaṁ ananuyuttassa.\n‘So vatāvuso, bhikkhu indriyesu aguttadvāro bhojane amattaññū jāgariyaṁ ananuyutto yāvajīvaṁ paripuṇṇaṁ parisuddhaṁ brahmacariyaṁ santānessatī’ti netaṁ ṭhānaṁ vijjati.\n‘So vatāvuso, bhikkhu indriyesu guttadvāro, bhojane mattaññū, jāgariyaṁ anuyutto yāvajīvaṁ paripuṇṇaṁ parisuddhaṁ brahmacariyaṁ santānessatī’ti ṭhānametaṁ vijjati.","en":"“That’s how it is, reverend, when someone doesn’t guard the sense doors, eats too much, and is not committed to wakefulness.\nIt is quite impossible for such a mendicant to maintain the full and pure spiritual life for the rest of their life.\nBut it is quite possible for a mendicant to maintain the full and pure spiritual life for the rest of their life if they guard the sense doors, eat in moderation, and are committed to wakefulness."}},{"id":"sn35.120:3","sourceIds":["sn35.120:3.1","sn35.120:3.2","sn35.120:3.3","sn35.120:3.4","sn35.120:3.5","sn35.120:3.6","sn35.120:3.7","sn35.120:3.8","sn35.120:3.9","sn35.120:3.10"],"kind":"text","text":{"pi":"Kathañcāvuso, indriyesu guttadvāro hoti?\nIdhāvuso, bhikkhu cakkhunā rūpaṁ disvā na nimittaggāhī hoti nānubyañjanaggāhī.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.\nSotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na nimittaggāhī hoti nānubyañjanaggāhī.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.\nEvaṁ kho, āvuso, indriyesu guttadvāro hoti.","en":"And how does someone guard the sense doors?\nWhen a mendicant sees a sight with the eyes, they don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving its restraint.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nThat’s how someone guards the sense doors."}},{"id":"sn35.120:4","sourceIds":["sn35.120:4.1","sn35.120:4.2","sn35.120:4.3","sn35.120:4.4"],"kind":"text","text":{"pi":"Kathañcāvuso, bhojane mattaññū hoti?\nIdhāvuso, bhikkhu paṭisaṅkhā yoniso āhāraṁ āhāreti:\n‘neva davāya, na madāya, na maṇḍanāya, na vibhūsanāya, yāvadeva imassa kāyassa ṭhitiyā yāpanāya, vihiṁsūparatiyā, brahmacariyānuggahāya. Iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati, anavajjatā ca phāsuvihāro cā’ti.\nEvaṁ kho, āvuso, bhojane mattaññū hoti.","en":"And how does someone eat in moderation?\nIt’s when a mendicant reflects rationally on the food that they eat:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nThat’s how someone eats in moderation."}},{"id":"sn35.120:5","sourceIds":["sn35.120:5.1","sn35.120:5.2","sn35.120:5.3","sn35.120:5.4","sn35.120:5.5","sn35.120:5.6","sn35.120:5.7","sn35.120:5.8","sn35.120:5.9","sn35.120:5.10"],"kind":"text","text":{"pi":"Kathañcāvuso, jāgariyaṁ anuyutto hoti?\nIdhāvuso, bhikkhu divasaṁ caṅkamena nisajjāya āvaraṇīyehi dhammehi cittaṁ parisodheti.\nRattiyā paṭhamaṁ yāmaṁ caṅkamena nisajjāya āvaraṇīyehi dhammehi cittaṁ parisodheti.\nRattiyā majjhimaṁ yāmaṁ dakkhiṇena passena sīhaseyyaṁ kappeti pāde pādaṁ accādhāya sato sampajāno, uṭṭhānasaññaṁ manasi karitvā.\nRattiyā pacchimaṁ yāmaṁ paccuṭṭhāya caṅkamena nisajjāya āvaraṇīyehi dhammehi cittaṁ parisodheti.\nEvaṁ kho, āvuso, jāgariyaṁ anuyutto hoti.\nTasmātihāvuso, evaṁ sikkhitabbaṁ:\n‘indriyesu guttadvārā bhavissāma, bhojane mattaññuno, jāgariyaṁ anuyuttā’ti.\nEvañhi vo, āvuso, sikkhitabban”ti.\nSattamaṁ.","en":"And how is someone committed to wakefulness?\nIt’s when a mendicant practices walking and sitting meditation by day, purifying their mind from obstacles.\nIn the first watch of the night, they continue to practice walking and sitting meditation.\nIn the middle watch, they lie down in the lion’s posture—on the right side, placing one foot on top of the other—mindful and aware, and focused on the time of getting up.\nIn the last watch, they get up and continue to practice walking and sitting meditation, purifying their mind from obstacles.\nThat’s how someone is committed to wakefulness.\nSo you should train like this:\n‘We will guard the sense doors, eat in moderation, and be committed to wakefulness.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.120/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}