{"id":"sn35.127","title":"With Bhāradvāja","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.127","title":"With Bhāradvāja","units":[{"id":"sn35.127:0","sourceIds":["sn35.127:0.1","sn35.127:0.2","sn35.127:0.3"],"kind":"text","text":{"pi":"Saṁyutta Nikāya 35.127\n13. Gahapativagga\nBhāradvājasutta","en":"Linked Discourses 35.127\n13. Householders\nWith Bhāradvāja"}},{"id":"sn35.127:1","sourceIds":["sn35.127:1.1","sn35.127:1.2","sn35.127:1.3","sn35.127:1.4","sn35.127:1.5","sn35.127:1.6","sn35.127:1.7"],"kind":"text","text":{"pi":"Ekaṁ samayaṁ āyasmā piṇḍolabhāradvājo kosambiyaṁ viharati ghositārāme.\nAtha kho rājā udeno yenāyasmā piṇḍolabhāradvājo tenupasaṅkami; upasaṅkamitvā āyasmatā piṇḍolabhāradvājena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho rājā udeno āyasmantaṁ piṇḍolabhāradvājaṁ etadavoca:\n“ko nu kho, bho bhāradvāja, hetu ko paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṁ paripuṇṇaṁ parisuddhaṁ brahmacariyaṁ caranti, addhānañca āpādentī”ti?\n“Vuttaṁ kho etaṁ, mahārāja, tena bhagavatā jānatā passatā arahatā sammāsambuddhena:\n‘etha tumhe, bhikkhave, mātumattīsu mātucittaṁ upaṭṭhapetha, bhaginimattīsu bhaginicittaṁ upaṭṭhapetha, dhītumattīsu dhītucittaṁ upaṭṭhapethā’ti.\nAyaṁ kho, mahārāja, hetu, ayaṁ paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṁ paripuṇṇaṁ parisuddhaṁ brahmacariyaṁ caranti, addhānañca āpādentī”ti.","en":"At one time Venerable Bhāradvāja the Alms-Gatherer was staying near Kosambī in Ghosita’s monastery.\nThen King Udena went up to Bhāradvāja the Alms-Gatherer and exchanged greetings with him.\nWhen the greetings and polite conversation were over, he sat down to one side, and said to him:\n“Worthy Bhāradvāja, there are these young monks who are youthful, with pristine black hair, blessed with youth, in the prime of life; and they’ve never played around with sensual pleasures. What is the cause, what is the reason why they practice the full and pure spiritual life as long as they live, maintaining it for a long time?”\n“Great king, this has been stated by the Blessed One, who knows and sees, the perfected one, the fully awakened Buddha:\n‘Please, monks, think of women your mother’s age as your mother. Think of women your sister’s age as your sister. And think of women your daughter’s age as your daughter.’\nThis is a cause, Great King, this is a reason why these young monks practice the full and pure spiritual life as long as they live, maintaining it for a long time.”"}},{"id":"sn35.127:2","sourceIds":["sn35.127:2.1","sn35.127:2.2","sn35.127:2.3"],"kind":"text","text":{"pi":"“Lolaṁ kho, bho bhāradvāja, cittaṁ.\nAppekadā mātumattīsupi lobhadhammā uppajjanti, bhaginimattīsupi lobhadhammā uppajjanti, dhītumattīsupi lobhadhammā uppajjanti.\nAtthi nu kho, bho bhāradvāja, añño ca hetu, añño ca paccayo yenime daharā bhikkhū susū kāḷakesā …pe… addhānañca āpādentī”ti?","en":"“But worthy Bhāradvāja, the mind is wanton.\nSometimes thoughts of desire come up even for women your mother’s age, your sister’s age, or your daughter’s age.\nIs there another cause, another reason why these young monks live the full and pure spiritual life for their entire life?”"}},{"id":"sn35.127:3","sourceIds":["sn35.127:3.1","sn35.127:3.2","sn35.127:3.3","sn35.127:3.4","sn35.127:3.5","sn35.127:3.6","sn35.127:3.7","sn35.127:3.8"],"kind":"text","text":{"pi":"“Vuttaṁ kho etaṁ, mahārāja, tena bhagavatā jānatā passatā arahatā sammāsambuddhena:\n‘etha tumhe, bhikkhave, imameva kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhatha—\natthi imasmiṁ kāye kesā lomā nakhā dantā taco maṁsaṁ nhāru aṭṭhi aṭṭhimiñjaṁ vakkaṁ hadayaṁ yakanaṁ kilomakaṁ pihakaṁ papphāsaṁ antaṁ antaguṇaṁ udariyaṁ karīsaṁ pittaṁ semhaṁ pubbo lohitaṁ sedo medo assu vasā kheḷo siṅghāṇikā lasikā muttan’ti.\nAyampi kho, mahārāja, hetu, ayaṁ paccayo yenime daharā bhikkhū susū kāḷakesā …pe… addhānañca āpādentī”ti.\n“Ye te, bho bhāradvāja, bhikkhū bhāvitakāyā bhāvitasīlā bhāvitacittā bhāvitapaññā, tesaṁ taṁ sukaraṁ hoti.\nYe ca kho te, bho bhāradvāja, bhikkhū abhāvitakāyā abhāvitasīlā abhāvitacittā abhāvitapaññā, tesaṁ taṁ dukkaraṁ hoti.\nAppekadā, bho bhāradvāja, asubhato manasi karissāmīti subhatova āgacchati.\nAtthi nu kho, bho bhāradvāja, añño ca kho hetu añño ca paccayo yenime daharā bhikkhū susū kāḷakesā …pe… addhānañca āpādentī”ti?","en":"“Great king, this has been stated by the Blessed One, who knows and sees, the perfected one, the fully awakened Buddha:\n‘Please, monks, examine your own body up from the soles of the feet and down from the tips of the hairs, wrapped in skin and full of many kinds of filth.\nIn this body there is head hair, body hair, nails, teeth, skin, flesh, sinews, bones, bone marrow, kidneys, heart, liver, diaphragm, spleen, lungs, intestines, mesentery, undigested food, feces, bile, phlegm, pus, blood, sweat, fat, tears, grease, saliva, snot, synovial fluid, urine.’\nThis is also a cause, Great King, this is a reason why these young monks live the full and pure spiritual life for their entire life, maintaining it for a long time.”\n“This is easy to do for those mendicants who have developed their physical endurance, ethics, mind, and wisdom.\nBut it’s hard to do for those mendicants who have not developed their physical endurance, ethics, mind, and wisdom.\nSometimes I plan to focus on something as ugly, but only its beauty comes to mind.\nIs there another cause, another reason why these young monks live the full and pure spiritual life for their entire life?”"}},{"id":"sn35.127:4","sourceIds":["sn35.127:4.1","sn35.127:4.2","sn35.127:4.3","sn35.127:4.4","sn35.127:4.5","sn35.127:4.6","sn35.127:4.7","sn35.127:4.8","sn35.127:4.9","sn35.127:4.10","sn35.127:4.11"],"kind":"text","text":{"pi":"“Vuttaṁ kho etaṁ, mahārāja, tena bhagavatā jānatā passatā arahatā sammāsambuddhena:\n‘etha tumhe, bhikkhave, indriyesu guttadvārā viharatha.\nCakkhunā rūpaṁ disvā mā nimittaggāhino ahuvattha, mānubyañjanaggāhino.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjatha. Rakkhatha cakkhundriyaṁ; cakkhundriye saṁvaraṁ āpajjatha.\nSotena saddaṁ sutvā …pe…\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya mā nimittaggāhino ahuvattha, mānubyañjanaggāhino.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjatha. Rakkhatha manindriyaṁ; manindriye saṁvaraṁ āpajjathā’ti.\nAyampi kho, mahārāja, hetu ayaṁ paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṁ paripuṇṇaṁ parisuddhaṁ brahmacariyaṁ caranti, addhānañca āpādentī”ti.","en":"“Great king, this has been stated by the Blessed One, who knows and sees, the perfected one, the fully awakened Buddha:\n‘Please, monks, live with sense doors guarded.\nWhen you see a sight with your eyes, don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, practice restraint, protect the faculty of sight, and achieve its restraint.\nWhen you hear a sound with your ears …\nWhen you smell an odor with your nose …\nWhen you taste a flavor with your tongue …\nWhen you feel a touch with your body …\nWhen you know an idea with your mind, don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, practice restraint, protect the faculty of mind, and achieve its restraint.’\nThis is also a cause, Great King, this is a reason why these young monks practice the full and pure spiritual life as long as they live, maintaining it for a long time.”"}},{"id":"sn35.127:5","sourceIds":["sn35.127:5.1","sn35.127:5.2","sn35.127:5.3","sn35.127:5.4","sn35.127:5.5","sn35.127:5.6","sn35.127:5.7","sn35.127:5.8","sn35.127:5.9","sn35.127:5.10"],"kind":"text","text":{"pi":"“Acchariyaṁ, bho bhāradvāja; abbhutaṁ, bho bhāradvāja.\nYāva subhāsitañcidaṁ, bho bhāradvāja, tena bhagavatā jānatā passatā arahatā sammāsambuddhena.\nEsova kho, bho bhāradvāja, hetu, esa paccayo yenime daharā bhikkhū susū kāḷakesā bhadrena yobbanena samannāgatā paṭhamena vayasā anikīḷitāvino kāmesu yāvajīvaṁ paripuṇṇaṁ parisuddhaṁ brahmacariyaṁ caranti, addhānañca āpādentīti.\nAhampi kho, bho bhāradvāja, yasmiṁ samaye arakkhiteneva kāyena, arakkhitāya vācāya, arakkhitena cittena, anupaṭṭhitāya satiyā, asaṁvutehi indriyehi antepuraṁ pavisāmi, ativiya maṁ tasmiṁ samaye lobhadhammā parisahanti.\nYasmiñca khvāhaṁ, bho bhāradvāja, samaye rakkhiteneva kāyena, rakkhitāya vācāya, rakkhitena cittena, upaṭṭhitāya satiyā, saṁvutehi indriyehi antepuraṁ pavisāmi, na maṁ tathā tasmiṁ samaye lobhadhammā parisahanti.\nAbhikkantaṁ, bho bhāradvāja, abhikkantaṁ, bho bhāradvāja.\nSeyyathāpi, bho bhāradvāja, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā bhāradvājena anekapariyāyena dhammo pakāsito.\nEsāhaṁ, bho bhāradvāja, taṁ bhagavantaṁ saraṇaṁ gacchāmi, dhammañca, bhikkhusaṅghañca.\nUpāsakaṁ maṁ bhavaṁ bhāradvājo dhāretu ajjatagge pāṇupetaṁ saraṇaṁ gatan”ti.\nCatutthaṁ.","en":"“It’s incredible, worthy Bhāradvāja, it’s amazing!\nHow well this was said by the Buddha!\nThis is the real cause, this is the reason why these young monks practice the full and pure spiritual life as long as they live, maintaining it for a long time.\nFor sometimes I too enter the harem with unprotected body, speech, mind, mindfulness, and sense faculties. At those times powerful thoughts of desire get the better of me.\nBut sometimes I enter the harem with protected body, speech, mind, mindfulness, and sense faculties. At those times such thoughts of desire don’t get the better of me.\nExcellent, worthy Bhāradvāja! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, the worthy Bhāradvāja has made the teaching clear in many ways.\nI go for refuge to the Buddha, to the teaching, and to the mendicant Saṅgha.\nFrom this day forth, may the worthy Bhāradvāja remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.127/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}