{"id":"sn35.129","title":"With Ghosita","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.129","title":"With Ghosita","units":[{"id":"sn35.129:0","sourceIds":["sn35.129:0.1","sn35.129:0.2","sn35.129:0.3"],"kind":"text","text":{"pi":"Saṁyutta Nikāya 35.129\n13. Gahapativagga\nGhositasutta","en":"Linked Discourses 35.129\n13. Householders\nWith Ghosita"}},{"id":"sn35.129:1","sourceIds":["sn35.129:1.1","sn35.129:1.2","sn35.129:1.3","sn35.129:1.4","sn35.129:1.5","sn35.129:1.6","sn35.129:1.7","sn35.129:1.8","sn35.129:1.9","sn35.129:1.10","sn35.129:1.11","sn35.129:1.12","sn35.129:1.13","sn35.129:1.14","sn35.129:1.15","sn35.129:1.16","sn35.129:1.17","sn35.129:1.18","sn35.129:1.19","sn35.129:1.20","sn35.129:1.21","sn35.129:1.22","sn35.129:1.23","sn35.129:1.24"],"kind":"text","text":{"pi":"Ekaṁ samayaṁ āyasmā ānando kosambiyaṁ viharati ghositārāme.\nAtha kho ghosito gahapati yenāyasmā ānando tenupasaṅkami …pe… ekamantaṁ nisinno kho ghosito gahapati āyasmantaṁ ānandaṁ etadavoca:\n“‘dhātunānattaṁ, dhātunānattan’ti, bhante ānanda, vuccati.\nKittāvatā nu kho, bhante, dhātunānattaṁ vuttaṁ bhagavatā”ti?\n“Saṁvijjati kho, gahapati, cakkhudhātu, rūpā ca manāpā, cakkhuviññāṇañca sukhavedaniyaṁ.\nPhassaṁ paṭicca uppajjati sukhā vedanā.\nSaṁvijjati kho, gahapati, cakkhudhātu, rūpā ca amanāpā, cakkhuviññāṇañca dukkhavedaniyaṁ.\nPhassaṁ paṭicca uppajjati dukkhā vedanā.\nSaṁvijjati kho, gahapati, cakkhudhātu, rūpā ca manāpā upekkhāvedaniyā, cakkhuviññāṇañca adukkhamasukhavedaniyaṁ.\nPhassaṁ paṭicca uppajjati adukkhamasukhā vedanā …pe…\nsaṁvijjati kho, gahapati, jivhādhātu, rasā ca manāpā, jivhāviññāṇañca sukhavedaniyaṁ.\nPhassaṁ paṭicca uppajjati sukhā vedanā.\nSaṁvijjati kho, gahapati, jivhādhātu, rasā ca amanāpā, jivhāviññāṇañca dukkhavedaniyaṁ.\nPhassaṁ paṭicca uppajjati dukkhā vedanā.\nSaṁvijjati kho, gahapati, jivhādhātu, rasā ca upekkhāvedaniyā, jivhāviññāṇañca adukkhamasukhavedaniyaṁ.\nPhassaṁ paṭicca uppajjati adukkhamasukhā vedanā …pe…\nsaṁvijjati kho, gahapati, manodhātu, dhammā ca manāpā, manoviññāṇañca sukhavedaniyaṁ.\nPhassaṁ paṭicca uppajjati sukhā vedanā.\nSaṁvijjati kho, gahapati, manodhātu, dhammā ca amanāpā, manoviññāṇañca dukkhavedaniyaṁ.\nPhassaṁ paṭicca uppajjati dukkhā vedanā.\nSaṁvijjati kho, gahapati, manodhātu, dhammā ca upekkhāvedaniyā, manoviññāṇañca adukkhamasukhavedaniyaṁ.\nPhassaṁ paṭicca uppajjati adukkhamasukhā vedanā.\nEttāvatā kho, gahapati, dhātunānattaṁ vuttaṁ bhagavatā”ti.\nChaṭṭhaṁ.","en":"At one time Venerable Ānanda was staying near Kosambī in Ghosita’s monastery.\nThen the householder Ghosita went up to Venerable Ānanda, and said to him:\n“Honorable Ānanda, they speak of ‘the diversity of elements’.\nIn what way did the Buddha speak of the diversity of elements?”\n“Householder, the eye element is found, as are agreeable sights, and eye consciousness.\nPleasant feeling arises dependent on a contact to be experienced as pleasant.\nThe eye element is found, as are disagreeable sights, and eye consciousness.\nPainful feeling arises dependent on a contact to be experienced as painful.\nThe eye element is found, as are sights that are a basis for equanimity, and eye consciousness.\nNeutral feeling arises dependent on a contact to be experienced as neutral.\nThe ear … nose … tongue … body …\nmind element is found, as are agreeable ideas, and mind consciousness.\nPleasant feeling arises dependent on a contact to be experienced as pleasant.\nThe mind element is found, as are disagreeable ideas, and mind consciousness.\nPainful feeling arises dependent on a contact to be experienced as painful.\nThe mind element is found, as are ideas that are a basis for equanimity, and mind consciousness.\nNeutral feeling arises dependent on a contact to be experienced as neutral.\nThis is how the Buddha spoke of the diversity of elements.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.129/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}