{"id":"sn35.13","title":"Before My Awakening (Interior)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.13","title":"Before My Awakening (Interior)","units":[{"id":"sn35.13:0","sourceIds":["sn35.13:0.1","sn35.13:0.2","sn35.13:0.3"],"kind":"text","text":{"pi":"Saṁyutta Nikāya 35.13\n2. Yamakavagga\nPaṭhamapubbesambodhasutta","en":"Linked Discourses 35.13\n2. Pairs\nBefore My Awakening (Interior)"}},{"id":"sn35.13:1","sourceIds":["sn35.13:1.1","sn35.13:1.2","sn35.13:1.3","sn35.13:1.4","sn35.13:1.5","sn35.13:1.6","sn35.13:1.7","sn35.13:1.8","sn35.13:1.9","sn35.13:1.10","sn35.13:1.11","sn35.13:1.12","sn35.13:1.13","sn35.13:1.14","sn35.13:1.15","sn35.13:1.16","sn35.13:1.17","sn35.13:1.18","sn35.13:1.19","sn35.13:1.20","sn35.13:1.21"],"kind":"text","text":{"pi":"Sāvatthinidānaṁ.\n“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho cakkhussa assādo, ko ādīnavo, kiṁ nissaraṇaṁ?\nKo sotassa …pe…\nko ghānassa …\nko jivhāya …\nko kāyassa …\nko manassa assādo, ko ādīnavo, kiṁ nissaraṇan’ti?\nTassa mayhaṁ, bhikkhave, etadahosi:\n‘yaṁ kho cakkhuṁ paṭicca uppajjati sukhaṁ somanassaṁ, ayaṁ cakkhussa assādo.\nYaṁ cakkhuṁ aniccaṁ dukkhaṁ vipariṇāmadhammaṁ, ayaṁ cakkhussa ādīnavo.\nYo cakkhusmiṁ chandarāgavinayo chandarāgappahānaṁ, idaṁ cakkhussa nissaraṇaṁ.\nYaṁ sotaṁ …pe…\nyaṁ ghānaṁ …pe…\nyaṁ jivhaṁ paṭicca uppajjati sukhaṁ somanassaṁ, ayaṁ jivhāya assādo.\nYaṁ jivhā aniccā dukkhā vipariṇāmadhammā, ayaṁ jivhāya ādīnavo.\nYo jivhāya chandarāgavinayo chandarāgappahānaṁ, idaṁ jivhāya nissaraṇaṁ.\nYaṁ kāyaṁ …pe…\nyaṁ manaṁ paṭicca uppajjati sukhaṁ somanassaṁ, ayaṁ manassa assādo.\nYaṁ mano anicco dukkho vipariṇāmadhammo, ayaṁ manassa ādīnavo.\nYo manasmiṁ chandarāgavinayo chandarāgappahānaṁ, idaṁ manassa nissaraṇan’ti.","en":"At Sāvatthī.\n“Mendicants, before my awakening—when I was still unawakened but intent on awakening—I thought:\n‘What’s the gratification, the drawback, and the escape when it comes to the eye …\near …\nnose …\ntongue …\nbody …\nand mind?’\nThen it occurred to me:\n‘The pleasure and happiness that arise from the eye: this is its gratification.\nThat the eye is impermanent, suffering, and perishable: this is its drawback.\nRemoving and giving up desire and greed for the eye: this is its escape.\nThe pleasure and happiness that arise from the ear …\nnose …\ntongue …\nbody …\nmind: this is its gratification.\nThat the mind is impermanent, suffering, and perishable: this is its drawback.\nRemoving and giving up desire and greed for the mind: this is its escape.’"}},{"id":"sn35.13:2","sourceIds":["sn35.13:2.1","sn35.13:2.2","sn35.13:2.3","sn35.13:2.4","sn35.13:2.5"],"kind":"text","text":{"pi":"Yāvakīvañcāhaṁ, bhikkhave, imesaṁ channaṁ ajjhattikānaṁ āyatanānaṁ evaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññāsiṁ, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nYato ca khvāhaṁ, bhikkhave, imesaṁ channaṁ ajjhattikānaṁ āyatanānaṁ evaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ abbhaññāsiṁ, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nPaṭhamaṁ.","en":"As long as I didn’t truly understand these six interior sense fields’ gratification, drawback, and escape in this way for what they are, I didn’t announce my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nBut when I did truly understand these six interior sense fields’ gratification, drawback, and escape in this way for what they are, I announced my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nKnowledge and vision arose in me:\n‘My freedom is unshakable; this is my last rebirth; now there’ll be no more future lives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}