{"id":"sn35.14","title":"Before My Awakening (Exterior)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.14","title":"Before My Awakening (Exterior)","units":[{"id":"sn35.14:0","sourceIds":["sn35.14:0.1","sn35.14:0.2","sn35.14:0.3"],"kind":"text","text":{"pi":"Saṁyutta Nikāya 35.14\n2. Yamakavagga\nDutiyapubbesambodhasutta","en":"Linked Discourses 35.14\n2. Pairs\nBefore My Awakening (Exterior)"}},{"id":"sn35.14:1","sourceIds":["sn35.14:1.1","sn35.14:1.2","sn35.14:1.3","sn35.14:1.4","sn35.14:1.5","sn35.14:1.6","sn35.14:1.7","sn35.14:1.8","sn35.14:1.9","sn35.14:1.10","sn35.14:1.11","sn35.14:1.12","sn35.14:1.13","sn35.14:1.14","sn35.14:1.15","sn35.14:1.16","sn35.14:1.17","sn35.14:1.18"],"kind":"text","text":{"pi":"“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho rūpānaṁ assādo, ko ādīnavo, kiṁ nissaraṇaṁ?\nKo saddānaṁ …pe…\nko gandhānaṁ …\nko rasānaṁ …\nko phoṭṭhabbānaṁ …\nko dhammānaṁ assādo, ko ādīnavo, kiṁ nissaraṇan’ti?\nTassa mayhaṁ, bhikkhave, etadahosi:\n‘yaṁ kho rūpe paṭicca uppajjati sukhaṁ somanassaṁ, ayaṁ rūpānaṁ assādo.\nYaṁ rūpā aniccā dukkhā vipariṇāmadhammā, ayaṁ rūpānaṁ ādīnavo.\nYo rūpesu chandarāgavinayo chandarāgappahānaṁ, idaṁ rūpānaṁ nissaraṇaṁ.\nYaṁ sadde …\ngandhe …\nrase …\nphoṭṭhabbe …\nyaṁ dhamme paṭicca uppajjati sukhaṁ somanassaṁ, ayaṁ dhammānaṁ assādo.\nYaṁ dhammā aniccā dukkhā vipariṇāmadhammā, ayaṁ dhammānaṁ ādīnavo.\nYo dhammesu chandarāgavinayo chandarāgappahānaṁ, idaṁ dhammānaṁ nissaraṇan’ti.","en":"“Mendicants, before my awakening—when I was still unawakened but intent on awakening—I thought:\n‘What’s the gratification, the drawback, and the escape when it comes to sights …\nsounds …\nsmells …\ntastes …\ntouches …\nand ideas?’ …”"}},{"id":"sn35.14:2","sourceIds":["sn35.14:2.1","sn35.14:2.2","sn35.14:2.3","sn35.14:2.4","sn35.14:2.5"],"kind":"text","text":{"pi":"Yāvakīvañcāhaṁ, bhikkhave, imesaṁ channaṁ bāhirānaṁ āyatanānaṁ evaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññāsiṁ, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nYato ca khvāhaṁ, bhikkhave, imesaṁ channaṁ bāhirānaṁ āyatanānaṁ evaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ abbhaññāsiṁ, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nDutiyaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}