{"id":"sn35.15","title":"In Search of Gratification (Interior)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.15","title":"In Search of Gratification (Interior)","units":[{"id":"sn35.15:0","sourceIds":["sn35.15:0.1","sn35.15:0.2","sn35.15:0.3"],"kind":"text","text":{"pi":"Saṁyutta Nikāya 35.15\n2. Yamakavagga\nPaṭhamaassādapariyesanasutta","en":"Linked Discourses 35.15\n2. Pairs\nIn Search of Gratification (Interior)"}},{"id":"sn35.15:1","sourceIds":["sn35.15:1.1","sn35.15:1.2","sn35.15:1.3","sn35.15:1.4","sn35.15:1.5","sn35.15:1.6","sn35.15:1.7","sn35.15:1.8","sn35.15:1.9","sn35.15:1.10","sn35.15:1.11","sn35.15:1.12","sn35.15:1.13","sn35.15:1.14","sn35.15:1.15","sn35.15:1.16","sn35.15:1.17","sn35.15:1.18","sn35.15:1.19","sn35.15:1.20","sn35.15:1.21","sn35.15:1.22","sn35.15:1.23","sn35.15:1.24","sn35.15:1.25","sn35.15:1.26","sn35.15:1.27","sn35.15:1.28","sn35.15:1.29"],"kind":"text","text":{"pi":"“Cakkhussāhaṁ, bhikkhave, assādapariyesanaṁ acariṁ.\nYo cakkhussa assādo tadajjhagamaṁ.\nYāvatā cakkhussa assādo paññāya me so sudiṭṭho.\nCakkhussāhaṁ, bhikkhave, ādīnavapariyesanaṁ acariṁ.\nYo cakkhussa ādīnavo tadajjhagamaṁ.\nYāvatā cakkhussa ādīnavo paññāya me so sudiṭṭho.\nCakkhussāhaṁ, bhikkhave, nissaraṇapariyesanaṁ acariṁ.\nYaṁ cakkhussa nissaraṇaṁ tadajjhagamaṁ.\nYāvatā cakkhussa nissaraṇaṁ, paññāya me taṁ sudiṭṭhaṁ.\nSotassāhaṁ, bhikkhave …\nghānassāhaṁ, bhikkhave …\njivhāyāhaṁ bhikkhave, assādapariyesanaṁ acariṁ.\nYo jivhāya assādo tadajjhagamaṁ.\nYāvatā jivhāya assādo paññāya me so sudiṭṭho.\nJivhāyāhaṁ, bhikkhave, ādīnavapariyesanaṁ acariṁ.\nYo jivhāya ādīnavo tadajjhagamaṁ.\nYāvatā jivhāya ādīnavo paññāya me so sudiṭṭho.\nJivhāyāhaṁ, bhikkhave, nissaraṇapariyesanaṁ acariṁ.\nYaṁ jivhāya nissaraṇaṁ tadajjhagamaṁ.\nYāvatā jivhāya nissaraṇaṁ, paññāya me taṁ sudiṭṭhaṁ …pe…\nmanassāhaṁ, bhikkhave, assādapariyesanaṁ acariṁ.\nYo manassa assādo tadajjhagamaṁ.\nYāvatā manassa assādo paññāya me so sudiṭṭho.\nManassāhaṁ, bhikkhave, ādīnavapariyesanaṁ acariṁ.\nYo manassa ādīnavo tadajjhagamaṁ.\nYāvatā manassa ādīnavo paññāya me so sudiṭṭho.\nManassāhaṁ, bhikkhave, nissaraṇapariyesanaṁ acariṁ.\nYaṁ manassa nissaraṇaṁ tadajjhagamaṁ.\nYāvatā manassa nissaraṇaṁ, paññāya me taṁ sudiṭṭhaṁ.","en":"“Mendicants, I went in search of the eye’s gratification,\nand I found it.\nI’ve seen clearly with wisdom the full extent of the eye’s gratification.\nI went in search of the eye’s drawback,\nand I found it.\nI’ve seen clearly with wisdom the full extent of the eye’s drawback.\nI went in search of escape from the eye,\nand I found it.\nI’ve seen clearly with wisdom the full extent of escape from the eye.\nI went in search of the ear’s …\nnose’s …\ntongue’s …\nbody’s …\nmind’s gratification,\nand I found it.\nI’ve seen clearly with wisdom the full extent of the mind’s gratification.\nI went in search of the mind’s drawback,\nand I found it.\nI’ve seen clearly with wisdom the full extent of the mind’s drawback.\nI went in search of escape from the mind,\nand I found it.\nI’ve seen clearly with wisdom the full extent of escape from the mind."}},{"id":"sn35.15:2","sourceIds":["sn35.15:2.1","sn35.15:2.2","sn35.15:2.3","sn35.15:2.4","sn35.15:2.5"],"kind":"text","text":{"pi":"Yāvakīvañcāhaṁ, bhikkhave, imesaṁ channaṁ ajjhattikānaṁ āyatanānaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññāsiṁ …pe…\npaccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nTatiyaṁ.","en":"As long as I didn’t truly understand these six interior sense fields’ gratification, drawback, and escape for what they are, I didn’t announce my supreme perfect awakening …\nBut when I did truly understand …\nKnowledge and vision arose in me:\n‘My freedom is unshakable; this is my last rebirth; now there’ll be no more future lives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}