{"id":"sn35.152","title":"What’s the Goal of the Spiritual Life?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.152","title":"What’s the Goal of the Spiritual Life?","units":[{"id":"sn35.152:0","sourceIds":["sn35.152:0.1","sn35.152:0.2","sn35.152:0.3"],"kind":"text","text":{"pi":"Saṁyutta Nikāya 35.152\n15. Navapurāṇavagga\nKimatthiyabrahmacariyasutta","en":"Linked Discourses 35.152\n15. The Old and the New\nWhat’s the Goal of the Spiritual Life?"}},{"id":"sn35.152:1","sourceIds":["sn35.152:1.1","sn35.152:1.2","sn35.152:1.3","sn35.152:1.4","sn35.152:1.5","sn35.152:1.6","sn35.152:1.7"],"kind":"text","text":{"pi":"“Sace vo, bhikkhave, aññatitthiyā paribbājakā evaṁ puccheyyuṁ:\n‘kimatthiyaṁ, āvuso, samaṇe gotame brahmacariyaṁ vussatī’ti?\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:\n‘dukkhassa kho, āvuso, pariññāya bhagavati brahmacariyaṁ vussatī’ti.\nSace pana vo, bhikkhave, aññatitthiyā paribbājakā evaṁ puccheyyuṁ:\n‘katamaṁ panāvuso, dukkhaṁ, yassa pariññāya samaṇe gotame brahmacariyaṁ vussatī’ti?\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:","en":"“Mendicants, if wanderers who follow another religion were to ask you:\n‘Reverends, what’s the goal of leading the spiritual life under the ascetic Gotama?’\nYou should answer them:\n‘The goal of leading the spiritual life under the Buddha is to completely understand suffering.’\nIf wanderers of other religions were to ask you:\n‘Reverends, what is that suffering?’\nYou should answer them:"}},{"id":"sn35.152:2","sourceIds":["sn35.152:2.1","sn35.152:2.2","sn35.152:2.3","sn35.152:2.4","sn35.152:2.5","sn35.152:2.6","sn35.152:2.7","sn35.152:2.8","sn35.152:2.9","sn35.152:2.10","sn35.152:2.11","sn35.152:2.12","sn35.152:2.13","sn35.152:2.14","sn35.152:2.15","sn35.152:2.16","sn35.152:2.17","sn35.152:2.18","sn35.152:2.19"],"kind":"text","text":{"pi":"‘Cakkhu kho, āvuso, dukkhaṁ;\ntassa pariññāya bhagavati brahmacariyaṁ vussati.\nRūpā dukkhā;\ntesaṁ pariññāya bhagavati brahmacariyaṁ vussati.\nCakkhuviññāṇaṁ dukkhaṁ;\ntassa pariññāya bhagavati brahmacariyaṁ vussati.\nCakkhusamphasso dukkho;\ntassa pariññāya bhagavati brahmacariyaṁ vussati.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi dukkhaṁ;\ntassa pariññāya bhagavati brahmacariyaṁ vussati …pe…\njivhā dukkhā …\nmano dukkho;\ntassa pariññāya bhagavati brahmacariyaṁ vussati …\nyampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi dukkhaṁ;\ntassa pariññāya bhagavati brahmacariyaṁ vussati.\nIdaṁ kho, āvuso, dukkhaṁ;\nyassa pariññāya bhagavati brahmacariyaṁ vussatī’ti.\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyāthā”ti.\nSattamaṁ.","en":"‘The eye is suffering.\nThe goal of leading the spiritual life under the Buddha is to completely understand this.\nSights …\nEye consciousness …\nEye contact …\nThe pleasant, painful, or neutral feeling that arises dependent on eye contact is also suffering.\nThe goal of leading the spiritual life under the Buddha is to completely understand this.\nThe ear … nose … tongue … body …\nmind …\nThe pleasant, painful, or neutral feeling that arises dependent on mind contact is also suffering.\nThe goal of leading the spiritual life under the Buddha is to completely understand this.\nThis is that suffering.\nThe goal of leading the spiritual life under the Buddha is to completely understand this.’\nWhen questioned by wanderers of other religions, that’s how you should answer them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.152/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}