{"id":"sn35.16","title":"In Search of Gratification (Exterior)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.16","title":"In Search of Gratification (Exterior)","units":[{"id":"sn35.16:0","sourceIds":["sn35.16:0.1","sn35.16:0.2","sn35.16:0.3"],"kind":"text","text":{"pi":"Saṁyutta Nikāya 35.16\n2. Yamakavagga\nDutiyaassādapariyesanasutta","en":"Linked Discourses 35.16\n2. Pairs\nIn Search of Gratification (Exterior)"}},{"id":"sn35.16:1","sourceIds":["sn35.16:1.1","sn35.16:1.2","sn35.16:1.3","sn35.16:1.4","sn35.16:1.5","sn35.16:1.6","sn35.16:1.7","sn35.16:1.8","sn35.16:1.9","sn35.16:1.10","sn35.16:1.11","sn35.16:1.12","sn35.16:1.13","sn35.16:1.14","sn35.16:1.15","sn35.16:1.16","sn35.16:1.17","sn35.16:1.18","sn35.16:1.19","sn35.16:1.20","sn35.16:1.21","sn35.16:1.22"],"kind":"text","text":{"pi":"“Rūpānāhaṁ, bhikkhave, assādapariyesanaṁ acariṁ.\nYo rūpānaṁ assādo tadajjhagamaṁ.\nYāvatā rūpānaṁ assādo paññāya me so sudiṭṭho.\nRūpānāhaṁ, bhikkhave, ādīnavapariyesanaṁ acariṁ.\nYo rūpānaṁ ādīnavo tadajjhagamaṁ.\nYāvatā rūpānaṁ ādīnavo paññāya me so sudiṭṭho.\nRūpānāhaṁ, bhikkhave, nissaraṇapariyesanaṁ acariṁ.\nYaṁ rūpānaṁ nissaraṇaṁ tadajjhagamaṁ.\nYāvatā rūpānaṁ nissaraṇaṁ, paññāya me taṁ sudiṭṭhaṁ.\nSaddānāhaṁ, bhikkhave …\ngandhānāhaṁ, bhikkhave …\nrasānāhaṁ, bhikkhave …\nphoṭṭhabbānāhaṁ, bhikkhave …\ndhammānāhaṁ, bhikkhave, assādapariyesanaṁ acariṁ.\nYo dhammānaṁ assādo tadajjhagamaṁ.\nYāvatā dhammānaṁ assādo paññāya me so sudiṭṭho.\nDhammānāhaṁ, bhikkhave, ādīnavapariyesanaṁ acariṁ.\nYo dhammānaṁ ādīnavo tadajjhagamaṁ.\nYāvatā dhammānaṁ ādīnavo paññāya me so sudiṭṭho.\nDhammānāhaṁ, bhikkhave, nissaraṇapariyesanaṁ acariṁ.\nYaṁ dhammānaṁ nissaraṇaṁ tadajjhagamaṁ.\nYāvatā dhammānaṁ nissaraṇaṁ, paññāya me taṁ sudiṭṭhaṁ.","en":"“Mendicants, I went in search of the gratification of sights,\nand I found it. …”"}},{"id":"sn35.16:2","sourceIds":["sn35.16:2.1","sn35.16:2.2","sn35.16:2.3","sn35.16:2.4"],"kind":"text","text":{"pi":"Yāvakīvañcāhaṁ, bhikkhave, imesaṁ channaṁ bāhirānaṁ āyatanānaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññāsiṁ …pe… paccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nCatutthaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.16/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}