{"id":"sn35.162","title":"With Koṭṭhita on Impermanence","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.162","title":"With Koṭṭhita on Impermanence","units":[{"id":"sn35.162:0","sourceIds":["sn35.162:0.1","sn35.162:0.2","sn35.162:0.3"],"kind":"text","text":{"pi":"Saṁyutta Nikāya 35.162\n16. Nandikkhayavagga\nKoṭṭhikaaniccasutta","en":"Linked Discourses 35.162\n16. The End of Relishing\nWith Koṭṭhita on Impermanence"}},{"id":"sn35.162:1","sourceIds":["sn35.162:1.1","sn35.162:1.2"],"kind":"text","text":{"pi":"Atha kho āyasmā mahākoṭṭhiko yena bhagavā tenupasaṅkami …pe… ekamantaṁ nisinno kho āyasmā koṭṭhiko bhagavantaṁ etadavoca:\n“sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.","en":"Then Venerable Mahākoṭṭhita went up to the Buddha … and asked him,\n“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”"}},{"id":"sn35.162:2","sourceIds":["sn35.162:2.1","sn35.162:2.2","sn35.162:2.3","sn35.162:2.4","sn35.162:2.5","sn35.162:2.6","sn35.162:2.7","sn35.162:2.8","sn35.162:2.9","sn35.162:2.10","sn35.162:2.11","sn35.162:2.12","sn35.162:2.13","sn35.162:2.14","sn35.162:2.15","sn35.162:2.16","sn35.162:2.17","sn35.162:2.18","sn35.162:2.19"],"kind":"text","text":{"pi":"“Yaṁ kho, koṭṭhika, aniccaṁ tatra te chando pahātabbo.\nKiñca, koṭṭhika, aniccaṁ?\nCakkhu kho, koṭṭhika, aniccaṁ; tatra te chando pahātabbo.\nRūpā aniccā; tatra te chando pahātabbo.\nCakkhuviññāṇaṁ aniccaṁ; tatra te chando pahātabbo.\nCakkhusamphasso anicco; tatra te chando pahātabbo.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ; tatra te chando pahātabbo …pe…\njivhā aniccā; tatra te chando pahātabbo.\nRasā aniccā; tatra te chando pahātabbo.\nJivhāviññāṇaṁ aniccaṁ; tatra te chando pahātabbo.\nJivhāsamphasso anicco; tatra te chando pahātabbo.\nYampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ; tatra te chando pahātabbo …pe…\nmano anicco; tatra te chando pahātabbo.\nDhammā aniccā; tatra te chando pahātabbo.\nManoviññāṇaṁ aniccaṁ; tatra te chando pahātabbo.\nManosamphasso anicco; tatra te chando pahātabbo.\nYampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ; tatra te chando pahātabbo.\nYaṁ kho, koṭṭhika, aniccaṁ tatra te chando pahātabbo”ti.\nSattamaṁ.","en":"“Koṭṭhita, you should give up desire for what is impermanent.\nAnd what is impermanent?\nThe eye,\nsights,\neye consciousness,\nand eye contact are impermanent: you should give up desire for them.\nThe pleasant, painful, or neutral feeling that arises dependent on eye contact is also impermanent: you should give up desire for it.\nThe ear … nose … tongue … body ….\nThe mind,\nideas,\nmind consciousness,\nand mind contact are impermanent: you should give up desire for them.\nThe pleasant, painful, or neutral feeling that arises dependent on mind contact is also impermanent: you should give up desire for it.\nKoṭṭhita, you should give up desire for what is impermanent.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.162/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}