{"id":"sn35.18","title":"If There Were No Gratification (Exterior)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.18","title":"If There Were No Gratification (Exterior)","units":[{"id":"sn35.18:0","sourceIds":["sn35.18:0.1","sn35.18:0.2","sn35.18:0.3"],"kind":"text","text":{"pi":"Saṁyutta Nikāya 35.18\n2. Yamakavagga\nDutiyanoceassādasutta","en":"Linked Discourses 35.18\n2. Pairs\nIf There Were No Gratification (Exterior)"}},{"id":"sn35.18:1","sourceIds":["sn35.18:1.1","sn35.18:1.2","sn35.18:1.3","sn35.18:1.4","sn35.18:1.5","sn35.18:1.6","sn35.18:1.7","sn35.18:1.8","sn35.18:1.9","sn35.18:1.10","sn35.18:1.11","sn35.18:1.12","sn35.18:1.13","sn35.18:1.14","sn35.18:1.15","sn35.18:1.16"],"kind":"text","text":{"pi":"“No cedaṁ, bhikkhave, rūpānaṁ assādo abhavissa, nayidaṁ sattā rūpesu sārajjeyyuṁ.\nYasmā ca kho, bhikkhave, atthi rūpānaṁ assādo, tasmā sattā rūpesu sārajjanti.\nNo cedaṁ, bhikkhave, rūpānaṁ ādīnavo abhavissa, nayidaṁ sattā rūpesu nibbindeyyuṁ.\nYasmā ca kho, bhikkhave, atthi rūpānaṁ ādīnavo, tasmā sattā rūpesu nibbindanti.\nNo cedaṁ, bhikkhave, rūpānaṁ nissaraṇaṁ abhavissa, nayidaṁ sattā rūpehi nissareyyuṁ.\nYasmā ca kho, bhikkhave, atthi rūpānaṁ nissaraṇaṁ, tasmā sattā rūpehi nissaranti.\nNo cedaṁ, bhikkhave, saddānaṁ …\ngandhānaṁ …\nrasānaṁ …\nphoṭṭhabbānaṁ …\ndhammānaṁ assādo abhavissa, nayidaṁ sattā dhammesu sārajjeyyuṁ.\nYasmā ca kho, bhikkhave, atthi dhammānaṁ assādo, tasmā sattā dhammesu sārajjanti.\nNo cedaṁ, bhikkhave, dhammānaṁ ādīnavo abhavissa, nayidaṁ sattā dhammesu nibbindeyyuṁ.\nYasmā ca kho, bhikkhave, atthi dhammānaṁ ādīnavo, tasmā sattā dhammesu nibbindanti.\nNo cedaṁ, bhikkhave, dhammānaṁ nissaraṇaṁ abhavissa, nayidaṁ sattā dhammehi nissareyyuṁ.\nYasmā ca kho, bhikkhave, atthi dhammānaṁ nissaraṇaṁ, tasmā sattā dhammehi nissaranti.","en":"“Mendicants, if there were no gratification in sights, sentient beings wouldn’t be aroused by them. …”"}},{"id":"sn35.18:2","sourceIds":["sn35.18:2.1","sn35.18:2.2","sn35.18:2.3"],"kind":"text","text":{"pi":"Yāvakīvañca, bhikkhave, sattā imesaṁ channaṁ bāhirānaṁ āyatanānaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññaṁsu, neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā vihariṁsu.\nYato ca kho, bhikkhave, sattā imesaṁ channaṁ bāhirānaṁ āyatanānaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ abbhaññaṁsu, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā viharantī”ti.\nChaṭṭhaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.18/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}