{"id":"sn35.232","title":"With Koṭṭhita","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.232","title":"With Koṭṭhita","units":[{"id":"sn35.232:0","sourceIds":["sn35.232:0.1","sn35.232:0.2","sn35.232:0.3"],"kind":"text","text":{"pi":"Saṁyutta Nikāya 35.232\n18. Samuddavagga\nKoṭṭhikasutta","en":"Linked Discourses 35.232\n18. The Ocean\nWith Koṭṭhita"}},{"id":"sn35.232:1","sourceIds":["sn35.232:1.1","sn35.232:1.2","sn35.232:1.3"],"kind":"text","text":{"pi":"Ekaṁ samayaṁ āyasmā ca sāriputto āyasmā ca mahākoṭṭhiko bārāṇasiyaṁ viharanti isipatane migadāye.\nAtha kho āyasmā mahākoṭṭhiko sāyanhasamayaṁ paṭisallānā vuṭṭhito yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā mahākoṭṭhiko āyasmantaṁ sāriputtaṁ etadavoca:","en":"At one time Venerable Sāriputta and Venerable Mahākoṭṭhita were staying near Varanasi in the deer park at Isipatana.\nThen in the late afternoon, Venerable Mahākoṭṭhita came out of retreat, went to Venerable Sāriputta, and exchanged greetings with him.\nWhen the greetings and polite conversation were over, he sat down to one side and said to Sāriputta:"}},{"id":"sn35.232:2","sourceIds":["sn35.232:2.1","sn35.232:2.2","sn35.232:2.3"],"kind":"text","text":{"pi":"“Kiṁ nu kho, āvuso sāriputta, cakkhu rūpānaṁ saṁyojanaṁ, rūpā cakkhussa saṁyojanaṁ …pe…\njivhā rasānaṁ saṁyojanaṁ, rasā jivhāya saṁyojanaṁ …pe…\nmano dhammānaṁ saṁyojanaṁ, dhammā manassa saṁyojanan”ti?","en":"“Reverend Sāriputta, which is it? Is the eye the fetter of sights, or are sights the fetter of the eye?\nIs the ear … nose … tongue … body …\nmind the fetter of ideas, or are ideas the fetter of the mind?”"}},{"id":"sn35.232:3","sourceIds":["sn35.232:3.1","sn35.232:3.2","sn35.232:3.3","sn35.232:3.4","sn35.232:3.5","sn35.232:3.6"],"kind":"text","text":{"pi":"“Na kho, āvuso koṭṭhika, cakkhu rūpānaṁ saṁyojanaṁ, na rūpā cakkhussa saṁyojanaṁ.\nYañca tattha tadubhayaṁ paṭicca uppajjati chandarāgo taṁ tattha saṁyojanaṁ …pe…\nna jivhā rasānaṁ saṁyojanaṁ, na rasā jivhāya saṁyojanaṁ.\nYañca tattha tadubhayaṁ paṭicca uppajjati chandarāgo taṁ tattha saṁyojanaṁ …pe…\nna mano dhammānaṁ saṁyojanaṁ, na dhammā manassa saṁyojanaṁ.\nYañca tattha tadubhayaṁ paṭicca uppajjati chandarāgo taṁ tattha saṁyojanaṁ.","en":"“Reverend Koṭṭhita, the eye is not the fetter of sights, nor are sights the fetter of the eye.\nThe fetter there is the desire and greed that arises from the pair of them.\nThe ear … nose … tongue … body …\nmind is not the fetter of ideas, nor are ideas the fetter of the mind.\nThe fetter there is the desire and greed that arises from the pair of them."}},{"id":"sn35.232:4","sourceIds":["sn35.232:4.1","sn35.232:4.2","sn35.232:4.3","sn35.232:4.4","sn35.232:4.5","sn35.232:4.6"],"kind":"text","text":{"pi":"Seyyathāpi, āvuso, kāḷo ca balībaddo odāto ca balībaddo ekena dāmena vā yottena vā saṁyuttā assu.\nYo nu kho evaṁ vadeyya:\n‘kāḷo balībaddo odātassa balībaddassa saṁyojanaṁ, odāto balībaddo kāḷassa balībaddassa saṁyojanan’ti, sammā nu kho so vadamāno vadeyyā”ti?\n“No hetaṁ, āvuso”.\n“Na kho, āvuso, kāḷo balībaddo odātassa balībaddassa saṁyojanaṁ, na odāto balībaddo kāḷassa balībaddassa saṁyojanaṁ.\nYena ca kho te ekena dāmena vā yottena vā saṁyuttā taṁ tattha saṁyojanaṁ.","en":"Suppose there was a black ox and a white ox yoked by a single harness or yoke.\nWould it be right to say that\nthe black ox is the yoke of the white ox, or the white ox is the yoke of the black ox?”\n“No, reverend.\nThe black ox is not the yoke of the white ox, nor is the white ox the yoke of the black ox.\nThe yoke there is the single harness or yoke that they’re yoked by.”"}},{"id":"sn35.232:5","sourceIds":["sn35.232:5.1","sn35.232:5.2","sn35.232:5.3","sn35.232:5.4","sn35.232:5.5"],"kind":"text","text":{"pi":"Evameva kho, āvuso, na cakkhu rūpānaṁ saṁyojanaṁ, na rūpā cakkhussa saṁyojanaṁ.\nYañca tattha tadubhayaṁ paṭicca uppajjati chandarāgo taṁ tattha saṁyojanaṁ …pe…\nna jivhā rasānaṁ saṁyojanaṁ …pe…\nna mano dhammānaṁ saṁyojanaṁ, na dhammā manassa saṁyojanaṁ.\nYañca tattha tadubhayaṁ paṭicca uppajjati chandarāgo, taṁ tattha saṁyojanaṁ.","en":"“In the same way, the eye is not the fetter of sights, nor are sights the fetter of the eye.\nThe fetter there is the desire and greed that arises from the pair of them.\nThe ear … nose … tongue … body …\nmind is not the fetter of ideas, nor are ideas the fetter of the mind.\nThe fetter there is the desire and greed that arises from the pair of them."}},{"id":"sn35.232:6","sourceIds":["sn35.232:6.1","sn35.232:6.2","sn35.232:6.3"],"kind":"text","text":{"pi":"Cakkhu vā, āvuso, rūpānaṁ saṁyojanaṁ abhavissa, rūpā vā cakkhussa saṁyojanaṁ, nayidaṁ brahmacariyavāso paññāyetha sammā dukkhakkhayāya.\nYasmā ca kho, āvuso, na cakkhu rūpānaṁ saṁyojanaṁ, na rūpā cakkhussa saṁyojanaṁ;\nyañca tattha tadubhayaṁ paṭicca uppajjati chandarāgo, taṁ tattha saṁyojanaṁ, tasmā brahmacariyavāso paññāyati sammā dukkhakkhayāya …pe….","en":"If the eye were the fetter of sights, or if sights were the fetter of the eye, this living of the spiritual life for the complete ending of suffering would not be found.\nHowever, since this is not the case, but\nthe fetter there is the desire and greed that arises from the pair of them, this living of the spiritual life for the complete ending of suffering is found."}},{"id":"sn35.232:7","sourceIds":["sn35.232:7.1","sn35.232:7.2"],"kind":"text","text":{"pi":"Jivhā, āvuso, rasānaṁ saṁyojanaṁ abhavissa, rasā vā jivhāya saṁyojanaṁ, nayidaṁ brahmacariyavāso paññāyetha sammā dukkhakkhayāya.\nYasmā ca kho, āvuso, na jivhā rasānaṁ saṁyojanaṁ, na rasā jivhāya saṁyojanaṁ; yañca tattha tadubhayaṁ paṭicca uppajjati chandarāgo, taṁ tattha saṁyojanaṁ, tasmā brahmacariyavāso paññāyati sammā dukkhakkhayāya …pe….","en":"If the ear … nose … tongue … body …"}},{"id":"sn35.232:8","sourceIds":["sn35.232:8.1","sn35.232:8.2","sn35.232:8.3"],"kind":"text","text":{"pi":"Mano vā, āvuso, dhammānaṁ saṁyojanaṁ abhavissa, dhammā vā manassa saṁyojanaṁ, nayidaṁ brahmacariyavāso paññāyetha sammā dukkhakkhayāya.\nYasmā ca kho, āvuso, na mano dhammānaṁ saṁyojanaṁ, na dhammā manassa saṁyojanaṁ;\nyañca tattha tadubhayaṁ paṭicca uppajjati chandarāgo, taṁ tattha saṁyojanaṁ, tasmā brahmacariyavāso paññāyati sammā dukkhakkhayāya.","en":"mind were the fetter of ideas, or if ideas were the fetter of the mind, this living of the spiritual life for the complete ending of suffering would not be found.\nHowever, since this is not the case, but\nthe fetter there is the desire and greed that arises from the pair of them, this living of the spiritual life for the complete ending of suffering is found."}},{"id":"sn35.232:9","sourceIds":["sn35.232:9.1","sn35.232:9.2","sn35.232:9.3","sn35.232:9.4","sn35.232:9.5"],"kind":"text","text":{"pi":"Imināpetaṁ, āvuso, pariyāyena veditabbaṁ yathā na cakkhu rūpānaṁ saṁyojanaṁ, na rūpā cakkhussa saṁyojanaṁ.\nYañca tattha tadubhayaṁ paṭicca uppajjati chandarāgo, taṁ tattha saṁyojanaṁ …pe…\nna jivhā rasānaṁ saṁyojanaṁ …pe…\nna mano dhammānaṁ saṁyojanaṁ, na dhammā manassa saṁyojanaṁ.\nYañca tattha tadubhayaṁ paṭicca uppajjati chandarāgo, taṁ tattha saṁyojanaṁ.","en":"This too is a way to understand how this is so."}},{"id":"sn35.232:10","sourceIds":["sn35.232:10.1","sn35.232:10.2","sn35.232:10.3","sn35.232:10.4","sn35.232:10.5","sn35.232:10.6","sn35.232:10.7","sn35.232:10.8","sn35.232:10.9","sn35.232:10.10","sn35.232:10.11","sn35.232:10.12","sn35.232:10.13","sn35.232:10.14","sn35.232:10.15","sn35.232:10.16","sn35.232:10.17","sn35.232:10.18","sn35.232:10.19","sn35.232:10.20","sn35.232:10.21","sn35.232:10.22","sn35.232:10.23","sn35.232:10.24"],"kind":"text","text":{"pi":"Saṁvijjati kho, āvuso, bhagavato cakkhu.\nPassati bhagavā cakkhunā rūpaṁ.\nChandarāgo bhagavato natthi.\nSuvimuttacitto bhagavā.\nSaṁvijjati kho, āvuso, bhagavato sotaṁ.\nSuṇāti bhagavā sotena saddaṁ.\nChandarāgo bhagavato natthi.\nSuvimuttacitto bhagavā.\nSaṁvijjati kho, āvuso, bhagavato ghānaṁ.\nGhāyati bhagavā ghānena gandhaṁ.\nChandarāgo bhagavato natthi.\nSuvimuttacitto bhagavā.\nSaṁvijjati kho, āvuso, bhagavato jivhā.\nSāyati bhagavā jivhāya rasaṁ.\nChandarāgo bhagavato natthi.\nSuvimuttacitto bhagavā.\nSaṁvijjati kho, āvuso, bhagavato kāyo.\nPhusati bhagavā kāyena phoṭṭhabbaṁ.\nChandarāgo bhagavato natthi.\nSuvimuttacitto bhagavā.\nSaṁvijjati kho, āvuso, bhagavato mano.\nVijānāti bhagavā manasā dhammaṁ.\nChandarāgo bhagavato natthi.\nSuvimuttacitto bhagavā.","en":"The Buddha has an eye\nwith which he sees a sight.\nBut he has no desire and greed,\nfor his mind is well freed.\nThe Buddha has an ear …\nnose …\ntongue …\nThe Buddha has a body\nwith which he senses touch.\nBut he has no desire and greed,\nfor his mind is well freed.\nThe Buddha has a mind\nwith which he knows ideas.\nBut he has no desire and greed,\nfor his mind is well freed."}},{"id":"sn35.232:11","sourceIds":["sn35.232:11.1","sn35.232:11.2","sn35.232:11.3","sn35.232:11.4","sn35.232:11.5","sn35.232:11.6","sn35.232:11.7","sn35.232:11.8","sn35.232:11.9","sn35.232:11.10"],"kind":"text","text":{"pi":"Iminā kho etaṁ, āvuso, pariyāyena veditabbaṁ yathā na cakkhu rūpānaṁ saṁyojanaṁ, na rūpā cakkhussa saṁyojanaṁ;\nyañca tattha tadubhayaṁ paṭicca uppajjati chandarāgo, taṁ tattha saṁyojanaṁ.\nNa sotaṁ …\nna ghānaṁ …\nna jivhā rasānaṁ saṁyojanaṁ, na rasā jivhāya saṁyojanaṁ;\nyañca tattha tadubhayaṁ paṭicca uppajjati chandarāgo taṁ tattha saṁyojanaṁ.\nNa kāyo …\nna mano dhammānaṁ saṁyojanaṁ, na dhammā manassa saṁyojanaṁ;\nyañca tattha tadubhayaṁ paṭicca uppajjati chandarāgo, taṁ tattha saṁyojanan”ti.\nPañcamaṁ.","en":"This too is a way to understand how the eye is not the fetter of sights, nor are sights the fetter of the eye.\nThe fetter there is the desire and greed that arises from the pair of them.\nThe ear …\nnose …\ntongue …\nbody …\nmind is not the fetter of ideas, nor are ideas the fetter of the mind.\nThe fetter there is the desire and greed that arises from the pair of them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.232/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}