{"id":"sn35.235","title":"The Exposition on Burning","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.235","title":"The Exposition on Burning","units":[{"id":"sn35.235:0","sourceIds":["sn35.235:0.1","sn35.235:0.2","sn35.235:0.3"],"kind":"text","text":{"pi":"Saṁyutta Nikāya 35.235\n18. Samuddavagga\nĀdittapariyāyasutta","en":"Linked Discourses 35.235\n18. The Ocean\nThe Exposition on Burning"}},{"id":"sn35.235:1","sourceIds":["sn35.235:1.1","sn35.235:1.2","sn35.235:1.3","sn35.235:1.4","sn35.235:1.5","sn35.235:1.6","sn35.235:1.7"],"kind":"text","text":{"pi":"“Ādittapariyāyaṁ vo, bhikkhave, dhammapariyāyaṁ desessāmi.\nTaṁ suṇātha.\nKatamo ca, bhikkhave, ādittapariyāyo, dhammapariyāyo?\nVaraṁ, bhikkhave, tattāya ayosalākāya ādittāya sampajjalitāya sajotibhūtāya cakkhundriyaṁ sampalimaṭṭhaṁ, na tveva cakkhuviññeyyesu rūpesu anubyañjanaso nimittaggāho.\nNimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya, ṭhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—\nnirayaṁ vā, tiracchānayoniṁ vā.\nImaṁ khvāhaṁ, bhikkhave, ādīnavaṁ disvā evaṁ vadāmi.","en":"“Mendicants, I will teach you an exposition of the teaching on burning.\nListen …\nAnd what is the exposition of the teaching on burning?\nYou’d be better off mutilating your eye faculty with a red-hot iron nail, burning, blazing, and glowing, than getting caught up in the features by way of the details in sights known by the eye.\nShould consciousness tied to gratification in the features or details continue to remain, and you were to die at that time, it’s possible you would go to one of two destinations:\nhell or the animal realm.\nI speak having seen this drawback."}},{"id":"sn35.235:2","sourceIds":["sn35.235:2.1","sn35.235:2.2","sn35.235:2.3","sn35.235:2.4"],"kind":"text","text":{"pi":"Varaṁ, bhikkhave, tiṇhena ayosaṅkunā ādittena sampajjalitena sajotibhūtena sotindriyaṁ sampalimaṭṭhaṁ, na tveva sotaviññeyyesu saddesu anubyañjanaso nimittaggāho.\nNimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya, ṭhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—\nnirayaṁ vā tiracchānayoniṁ vā.\nImaṁ khvāhaṁ, bhikkhave, ādīnavaṁ disvā evaṁ vadāmi.","en":"You’d be better off mutilating your ear faculty with a sharp iron spike …"}},{"id":"sn35.235:3","sourceIds":["sn35.235:3.1","sn35.235:3.2","sn35.235:3.3","sn35.235:3.4","sn35.235:3.5"],"kind":"text","text":{"pi":"Varaṁ, bhikkhave, tiṇhena nakhacchedanena ādittena sampajjalitena sajotibhūtena ghānindriyaṁ sampalimaṭṭhaṁ, na tveva ghānaviññeyyesu gandhesu anubyañjanaso nimittaggāho.\nNimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya.\nṬhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—\nnirayaṁ vā tiracchānayoniṁ vā.\nImaṁ khvāhaṁ, bhikkhave, ādīnavaṁ disvā evaṁ vadāmi.","en":"You’d be better off mutilating your nose faculty with a sharp nail cutter …"}},{"id":"sn35.235:4","sourceIds":["sn35.235:4.1","sn35.235:4.2","sn35.235:4.3","sn35.235:4.4","sn35.235:4.5"],"kind":"text","text":{"pi":"Varaṁ, bhikkhave, tiṇhena khurena ādittena sampajjalitena sajotibhūtena jivhindriyaṁ sampalimaṭṭhaṁ, na tveva jivhāviññeyyesu rasesu anubyañjanaso nimittaggāho.\nNimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya.\nṬhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—\nnirayaṁ vā tiracchānayoniṁ vā.\nImaṁ khvāhaṁ, bhikkhave, ādīnavaṁ disvā evaṁ vadāmi.","en":"You’d be better off mutilating your tongue faculty with a sharp razor …"}},{"id":"sn35.235:5","sourceIds":["sn35.235:5.1","sn35.235:5.2","sn35.235:5.3","sn35.235:5.4","sn35.235:5.5"],"kind":"text","text":{"pi":"Varaṁ, bhikkhave, tiṇhāya sattiyā ādittāya sampajjalitāya sajotibhūtāya kāyindriyaṁ sampalimaṭṭhaṁ, na tveva kāyaviññeyyesu phoṭṭhabbesu anubyañjanaso nimittaggāho.\nNimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya.\nṬhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—\nnirayaṁ vā tiracchānayoniṁ vā.\nImaṁ khvāhaṁ, bhikkhave, ādīnavaṁ disvā evaṁ vadāmi.","en":"You’d be better off mutilating your body faculty with a sharp spear, burning, blazing, and glowing, than getting caught up in the features by way of the details in touches known by the body.\nShould consciousness tied to gratification in the features or details continue to remain, and you were to die at that time, it’s possible you would go to one of two destinations:\nhell or the animal realm.\nI speak having seen this drawback."}},{"id":"sn35.235:6","sourceIds":["sn35.235:6.1","sn35.235:6.2","sn35.235:6.3"],"kind":"text","text":{"pi":"Varaṁ, bhikkhave, sottaṁ.\nSottaṁ kho panāhaṁ, bhikkhave, vañjhaṁ jīvitānaṁ vadāmi, aphalaṁ jīvitānaṁ vadāmi, momūhaṁ jīvitānaṁ vadāmi, na tveva tathārūpe vitakke vitakkeyya yathārūpānaṁ vitakkānaṁ vasaṁ gato saṅghaṁ bhindeyya.\nImaṁ khvāhaṁ, bhikkhave, vañjhaṁ jīvitānaṁ ādīnavaṁ disvā evaṁ vadāmi.","en":"You’d be better off sleeping.\nFor I say that sleep is useless, fruitless, and folly for the living. But while you’re asleep you won’t fall under the sway of such thoughts that would make you create a schism in the Saṅgha.\nI speak having seen this drawback."}},{"id":"sn35.235:7","sourceIds":["sn35.235:7.1","sn35.235:7.2","sn35.235:7.3","sn35.235:7.4"],"kind":"text","text":{"pi":"Tattha, bhikkhave, sutavā ariyasāvako iti paṭisañcikkhati:\n‘tiṭṭhatu tāva tattāya ayosalākāya ādittāya sampajjalitāya sajotibhūtāya cakkhundriyaṁ sampalimaṭṭhaṁ.\nHandāhaṁ idameva manasi karomi—\niti cakkhu aniccaṁ, rūpā aniccā, cakkhuviññāṇaṁ aniccaṁ, cakkhusamphasso anicco, yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ’.","en":"A learned noble disciple reflects on this:\n‘Forget mutilating the eye faculty with a red-hot iron nail, burning, blazing, and glowing!\nI’d better focus on the fact that\nthe eye, sights, eye consciousness, and eye contact are impermanent. And the painful, pleasant, or neutral feeling that arises dependent on eye contact is also impermanent."}},{"id":"sn35.235:8","sourceIds":["sn35.235:8.1","sn35.235:8.2","sn35.235:8.3"],"kind":"text","text":{"pi":"Tiṭṭhatu tāva tiṇhena ayosaṅkunā ādittena sampajjalitena sajotibhūtena sotindriyaṁ sampalimaṭṭhaṁ.\nHandāhaṁ idameva manasi karomi—\niti sotaṁ aniccaṁ, saddā aniccā, sotaviññāṇaṁ aniccaṁ, sotasamphasso anicco, yampidaṁ sotasamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ.","en":"Forget mutilating the ear faculty with a sharp iron spike, burning, blazing, and glowing!\nI’d better focus on the fact that\nthe ear, sounds, ear consciousness, and ear contact are impermanent. And the painful, pleasant, or neutral feeling that arises dependent on ear contact is also impermanent."}},{"id":"sn35.235:9","sourceIds":["sn35.235:9.1","sn35.235:9.2","sn35.235:9.3"],"kind":"text","text":{"pi":"Tiṭṭhatu tāva tiṇhena nakhacchedanena ādittena sampajjalitena sajotibhūtena ghānindriyaṁ sampalimaṭṭhaṁ.\nHandāhaṁ idameva manasi karomi—\niti ghānaṁ aniccaṁ, gandhā aniccā, ghānaviññāṇaṁ aniccaṁ, ghānasamphasso anicco, yampidaṁ ghānasamphassapaccayā uppajjati vedayitaṁ …pe… tampi aniccaṁ.","en":"Forget mutilating the nose faculty with a sharp nail cutter, burning, blazing, and glowing!\nI’d better focus on the fact that\nthe nose, smells, nose consciousness, and nose contact are impermanent. And the painful, pleasant, or neutral feeling that arises dependent on nose contact is also impermanent."}},{"id":"sn35.235:10","sourceIds":["sn35.235:10.1","sn35.235:10.2","sn35.235:10.3"],"kind":"text","text":{"pi":"Tiṭṭhatu tāva tiṇhena khurena ādittena sampajjalitena sajotibhūtena jivhindriyaṁ sampalimaṭṭhaṁ.\nHandāhaṁ idameva manasi karomi—\niti jivhā aniccā, rasā aniccā, jivhāviññāṇaṁ aniccaṁ, jivhāsamphasso anicco, yampidaṁ jivhāsamphassapaccayā uppajjati …pe… tampi aniccaṁ.","en":"Forget mutilating the tongue faculty with a sharp razor, burning, blazing, and glowing!\nI’d better focus on the fact that\nthe tongue, tastes, tongue consciousness, and tongue contact are impermanent. And the painful, pleasant, or neutral feeling that arises dependent on tongue contact is also impermanent."}},{"id":"sn35.235:11","sourceIds":["sn35.235:11.1","sn35.235:11.2","sn35.235:11.3"],"kind":"text","text":{"pi":"Tiṭṭhatu tāva tiṇhāya sattiyā ādittāya sampajjalitāya sajotibhūtāya kāyindriyaṁ sampalimaṭṭhaṁ.\nHandāhaṁ idameva manasi karomi—\niti kāyo anicco, phoṭṭhabbā aniccā, kāyaviññāṇaṁ aniccaṁ, kāyasamphasso anicco, yampidaṁ kāyasamphassapaccayā uppajjati vedayitaṁ …pe… tampi aniccaṁ.","en":"Forget mutilating the body faculty with a sharp spear, burning, blazing, and glowing!\nI’d better focus on the fact that\nthe body, touches, body consciousness, and body contact are impermanent. And the painful, pleasant, or neutral feeling that arises dependent on body contact is also impermanent."}},{"id":"sn35.235:12","sourceIds":["sn35.235:12.1","sn35.235:12.2","sn35.235:12.3"],"kind":"text","text":{"pi":"Tiṭṭhatu tāva sottaṁ.\nHandāhaṁ idameva manasi karomi—\niti mano anicco, dhammā aniccā, manoviññāṇaṁ aniccaṁ, manosamphasso anicco, yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi aniccaṁ’.","en":"Forget sleeping!\nI’d better focus on the fact that\nthe mind, ideas, mind consciousness, and mind contact are impermanent. And the painful, pleasant, or neutral feeling that arises dependent on mind contact is also impermanent.’"}},{"id":"sn35.235:13","sourceIds":["sn35.235:13.1","sn35.235:13.2","sn35.235:13.3","sn35.235:13.4","sn35.235:13.5","sn35.235:13.6"],"kind":"text","text":{"pi":"Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati …pe…\nyampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.\nAyaṁ kho, bhikkhave, ādittapariyāyo, dhammapariyāyo”ti.\nAṭṭhamaṁ.","en":"Seeing this, a learned noble disciple grows disillusioned with the eye, sights, eye consciousness, and eye contact. And they grow disillusioned with the painful, pleasant, or neutral feeling that arises dependent on eye contact.\nThey grow disillusioned with the ear … nose … tongue … body … mind … painful, pleasant, or neutral feeling that arises dependent on mind contact.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’\nThis is the exposition of the teaching on burning.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.235/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}