{"id":"sn35.24","title":"Giving Up","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.24","title":"Giving Up","units":[{"id":"sn35.24:0","sourceIds":["sn35.24:0.1","sn35.24:0.2","sn35.24:0.3"],"kind":"text","text":{"pi":"Saṁyutta Nikāya 35.24\n3. Sabbavagga\nPahānasutta","en":"Linked Discourses 35.24\n3. All\nGiving Up"}},{"id":"sn35.24:1","sourceIds":["sn35.24:1.1","sn35.24:1.2","sn35.24:1.3","sn35.24:1.4","sn35.24:1.5","sn35.24:1.6","sn35.24:1.7","sn35.24:1.8","sn35.24:1.9","sn35.24:1.10"],"kind":"text","text":{"pi":"“Sabbappahānāya vo, bhikkhave, dhammaṁ desessāmi.\nTaṁ suṇātha.\nKatamo ca, bhikkhave, sabbappahānāya dhammo?\nCakkhuṁ, bhikkhave, pahātabbaṁ, rūpā pahātabbā, cakkhuviññāṇaṁ pahātabbaṁ, cakkhusamphasso pahātabbo, yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi pahātabbaṁ …pe…\njivhā pahātabbā, rasā pahātabbā, jivhāviññāṇaṁ pahātabbaṁ, jivhāsamphasso pahātabbo, yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi pahātabbaṁ.\nKāyo pahātabbo …\nmano pahātabbo, dhammā pahātabbā, manoviññāṇaṁ pahātabbaṁ, manosamphasso pahātabbo, yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi pahātabbaṁ.\nAyaṁ kho, bhikkhave, sabbappahānāya dhammo”ti.\nDutiyaṁ.","en":"“Mendicants, I will teach you the principle for giving up the all.\nListen …\nAnd what is the principle for giving up the all?\nThe eye should be given up. Sights should be given up. Eye consciousness should be given up. Eye contact should be given up. The painful, pleasant, or neutral feeling that arises dependent on eye contact should also be given up.\nThe ear … nose …\ntongue …\nbody …\nmind should be given up. Ideas should be given up. Mind consciousness should be given up. Mind contact should be given up. The painful, pleasant, or neutral feeling that arises dependent on mind contact should be given up.\nThis is the principle for giving up the all.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.24/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}