{"id":"sn35.244","title":"Entailing Suffering","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.244","title":"Entailing Suffering","units":[{"id":"sn35.244:0","sourceIds":["sn35.244:0.1","sn35.244:0.2","sn35.244:0.3"],"kind":"text","text":{"pi":"Saṁyutta Nikāya 35.244\n19. Āsīvisavagga\nDukkhadhammasutta","en":"Linked Discourses 35.244\n19. The Simile of the Vipers\nEntailing Suffering"}},{"id":"sn35.244:1","sourceIds":["sn35.244:1.1","sn35.244:1.2","sn35.244:1.3"],"kind":"text","text":{"pi":"“Yato kho, bhikkhave, bhikkhu sabbesaṁyeva dukkhadhammānaṁ samudayañca atthaṅgamañca yathābhūtaṁ pajānāti.\nTathā kho panassa kāmā diṭṭhā honti, yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti.\nTathā kho panassa cāro ca vihāro ca anubuddho hoti, yathā carantaṁ viharantaṁ abhijjhādomanassā pāpakā akusalā dhammā nānusenti.","en":"“Mendicants, when a mendicant truly understands the origin and disappearance of all things that entail suffering,\nthen they’ve seen sensual pleasures in such a way that they have no underlying tendency for desire, affection, infatuation, and passion for sensual pleasures.\nAnd they’ve awakened to a way of conduct and a way of living such that, when they live in that way, bad, unskillful qualities of covetousness and displeasure don’t overwhelm them."}},{"id":"sn35.244:2","sourceIds":["sn35.244:2.1","sn35.244:2.2","sn35.244:2.3","sn35.244:2.4","sn35.244:2.5","sn35.244:2.6","sn35.244:2.7"],"kind":"text","text":{"pi":"Kathañca, bhikkhave, sabbesaṁyeva dukkhadhammānaṁ samudayañca atthaṅgamañca yathābhūtaṁ pajānāti?\n‘Iti rūpaṁ, iti rūpassa samudayo, iti rūpassa atthaṅgamo;\niti vedanā …\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti—\nevaṁ kho, bhikkhave, bhikkhu sabbesaṁyeva dukkhadhammānaṁ samudayañca atthaṅgamañca yathābhūtaṁ pajānāti.","en":"And how does a mendicant truly understand the origin and disappearance of all things that entail suffering?\n‘Such is form, such is the origin of form, such is the disappearance of form.\nSuch is feeling …\nperception …\nchoices …\nconsciousness, such is the origin of consciousness, such is the disappearance of consciousness.’\nThat’s how a mendicant truly understands the origin and disappearance of all things that entail suffering."}},{"id":"sn35.244:3","sourceIds":["sn35.244:3.1","sn35.244:3.2","sn35.244:3.3","sn35.244:3.4","sn35.244:3.5"],"kind":"text","text":{"pi":"Kathañca, bhikkhave, bhikkhuno kāmā diṭṭhā honti? Yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti.\nSeyyathāpi, bhikkhave, aṅgārakāsu sādhikaporisā puṇṇā aṅgārānaṁ vītaccikānaṁ vītadhūmānaṁ. Atha puriso āgaccheyya jīvitukāmo amaritukāmo sukhakāmo dukkhapaṭikūlo. Tamenaṁ dve balavanto purisā nānābāhāsu gahetvā, taṁ aṅgārakāsuṁ upakaḍḍheyyuṁ. So iticīticeva kāyaṁ sannāmeyya.\nTaṁ kissa hetu?\nÑātañhi, bhikkhave, tassa purisassa imañcāhaṁ aṅgārakāsuṁ papatissāmi, tatonidānaṁ maraṇaṁ vā nigacchissāmi maraṇamattaṁ vā dukkhanti.\nEvameva kho, bhikkhave, bhikkhuno aṅgārakāsūpamā kāmā diṭṭhā honti, yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti.","en":"And how has a mendicant seen sensual pleasures in such a way that they have no underlying tendency for desire, affection, infatuation, and passion for sensual pleasures?\nSuppose there was a pit of glowing coals deeper than a man’s height, filled with glowing coals that neither flamed nor smoked. Then a person would come along who wants to live and doesn’t want to die, who wants to be happy and recoils from pain. Two strong men would grab each arm and drag them toward the pit of glowing coals. They’d writhe and struggle to and fro.\nWhy is that?\nFor that person knows, ‘If I fall in that pit of glowing coals, that will result in my death or deadly pain.’\nIn the same way, when a mendicant has seen sensual pleasures as like a pit of glowing coals, they have no underlying tendency for desire, affection, infatuation, and passion for sensual pleasures."}},{"id":"sn35.244:4","sourceIds":["sn35.244:4.1","sn35.244:4.2","sn35.244:4.3","sn35.244:4.4"],"kind":"text","text":{"pi":"Kathañca, bhikkhave, bhikkhuno cāro ca vihāro ca anubuddho hoti, yathā carantaṁ viharantaṁ abhijjhādomanassā pāpakā akusalā dhammā nānussavanti?\nSeyyathāpi, bhikkhave, puriso bahukaṇṭakaṁ dāyaṁ paviseyya. Tassa puratopi kaṇṭako, pacchatopi kaṇṭako, uttaratopi kaṇṭako, dakkhiṇatopi kaṇṭako, heṭṭhatopi kaṇṭako, uparitopi kaṇṭako. So satova abhikkameyya, satova paṭikkameyya: ‘mā maṁ kaṇṭako’ti.\nEvameva kho, bhikkhave, yaṁ loke piyarūpaṁ sātarūpaṁ, ayaṁ vuccati ariyassa vinaye kaṇṭako”ti.\nIti viditvā saṁvaro ca asaṁvaro ca veditabbo.","en":"And how has a mendicant awakened to a way of conduct and a way of living such that, when they live in that way, bad, unskillful qualities of covetousness and displeasure don’t overwhelm them?\nSuppose a person was to enter a thicket full of thorns. They’d have thorns before and behind, to the left and right, below and above. So they’d go forward mindfully and come back mindfully, thinking, ‘May I not get any thorns!’\nIn the same way, whatever in the world seems nice and pleasant is called a thorn in the training of the Noble One.\nUnderstanding that this is a thorn, they should understand restraint and lack of restraint."}},{"id":"sn35.244:5","sourceIds":["sn35.244:5.1","sn35.244:5.2","sn35.244:5.3","sn35.244:5.4","sn35.244:5.5","sn35.244:5.6","sn35.244:5.7"],"kind":"text","text":{"pi":"Kathañca, bhikkhave, asaṁvaro hoti?\nIdha, bhikkhave, bhikkhu cakkhunā rūpaṁ disvā piyarūpe rūpe adhimuccati, appiyarūpe rūpe byāpajjati, anupaṭṭhitakāyassati ca viharati parittacetaso,\ntañca cetovimuttiṁ paññāvimuttiṁ yathābhūtaṁ nappajānāti, yatthassa te uppannā pāpakā akusalā dhammā aparisesā nirujjhanti …pe…\njivhāya rasaṁ sāyitvā …pe…\nmanasā dhammaṁ viññāya piyarūpe dhamme adhimuccati, appiyarūpe dhamme byāpajjati, anupaṭṭhitakāyassati ca viharati parittacetaso,\ntañca cetovimuttiṁ paññāvimuttiṁ yathābhūtaṁ nappajānāti yatthassa te uppannā pāpakā akusalā dhammā aparisesā nirujjhanti.\nEvaṁ kho, bhikkhave, asaṁvaro hoti.","en":"And how is someone unrestrained?\nTake a mendicant who sees a sight with their eyes. If it’s pleasant they hold on to it, but if it’s unpleasant they dislike it. They live with mindfulness of the body unestablished and their heart stunted.\nAnd they don’t truly understand the freedom of heart and freedom by wisdom where those arisen bad, unskillful qualities cease without remainder.\nThey hear a sound … smell an odor … taste a flavor … feel a touch …\nknow an idea with their mind. If it’s pleasant they hold on to it, but if it’s unpleasant they dislike it. They live with mindfulness of the body unestablished and their heart stunted.\nAnd they don’t truly understand the freedom of heart and freedom by wisdom where those arisen bad, unskillful qualities cease without remainder.\nThis is how someone is unrestrained."}},{"id":"sn35.244:6","sourceIds":["sn35.244:6.1","sn35.244:6.2","sn35.244:6.3","sn35.244:6.4","sn35.244:6.5","sn35.244:6.6","sn35.244:6.7"],"kind":"text","text":{"pi":"Kathañca, bhikkhave, saṁvaro hoti?\nIdha, bhikkhave, bhikkhu cakkhunā rūpaṁ disvā piyarūpe rūpe nādhimuccati, appiyarūpe rūpe na byāpajjati, upaṭṭhitakāyassati ca viharati appamāṇacetaso,\ntañca cetovimuttiṁ paññāvimuttiṁ yathābhūtaṁ pajānāti, yatthassa te uppannā pāpakā akusalā dhammā aparisesā nirujjhanti …pe…\njivhāya rasaṁ sāyitvā …pe…\nmanasā dhammaṁ viññāya piyarūpe dhamme nādhimuccati, appiyarūpe dhamme na byāpajjati, upaṭṭhitakāyassati ca viharati appamāṇacetaso,\ntañca cetovimuttiṁ paññāvimuttiṁ yathābhūtaṁ pajānāti, yatthassa te uppannā pāpakā akusalā dhammā aparisesā nirujjhanti.\nEvaṁ kho, bhikkhave, saṁvaro hoti.","en":"And how is someone restrained?\nTake a mendicant who sees a sight with their eyes. If it’s pleasant they don’t hold on to it, and if it’s unpleasant they don’t dislike it. They live with mindfulness of the body established and a limitless heart.\nAnd they truly understand the freedom of heart and freedom by wisdom where those arisen bad, unskillful qualities cease without remainder.\nThey hear a sound … smell an odor … taste a flavor … feel a touch …\nknow an idea with their mind. If it’s pleasant they don’t hold on to it, and if it’s unpleasant they don’t dislike it. They live with mindfulness of the body established and a limitless heart.\nAnd they truly understand the freedom of heart and freedom by wisdom where those arisen bad, unskillful qualities cease without remainder.\nThis is how someone is restrained."}},{"id":"sn35.244:7","sourceIds":["sn35.244:7.1"],"kind":"text","text":{"pi":"Tassa ce, bhikkhave, bhikkhuno evaṁ carato evaṁ viharato kadāci karahaci satisammosā uppajjanti, pāpakā akusalā sarasaṅkappā saṁyojaniyā, dandho, bhikkhave, satuppādo. Atha kho naṁ khippameva pajahati vinodeti byantīkaroti anabhāvaṁ gameti.","en":"Perhaps while that mendicant is conducting themselves and living in this way, bad, unskillful memories and thoughts that tighten the fetters arise every so often due to loss of mindfulness. Slowly mindfulness arises, but then they quickly give up, dispel, eliminate, and obliterate those thoughts."}},{"id":"sn35.244:8","sourceIds":["sn35.244:8.1","sn35.244:8.2","sn35.244:8.3","sn35.244:8.4","sn35.244:8.5","sn35.244:8.6","sn35.244:8.7","sn35.244:8.8"],"kind":"text","text":{"pi":"Seyyathāpi, bhikkhave, puriso divasaṁsantatte ayokaṭāhe dve vā tīṇi vā udakaphusitāni nipāteyya. Dandho, bhikkhave, udakaphusitānaṁ nipāto, atha kho naṁ khippameva parikkhayaṁ pariyādānaṁ gaccheyya.\nEvameva kho, bhikkhave, tassa ce bhikkhuno evaṁ carato, evaṁ viharato kadāci karahaci satisammosā uppajjanti pāpakā akusalā sarasaṅkappā saṁyojaniyā, dandho, bhikkhave, satuppādo. Atha kho naṁ khippameva pajahati vinodeti byantīkaroti anabhāvaṁ gameti.\nEvaṁ kho, bhikkhave, bhikkhuno cāro ca vihāro ca anubuddho hoti; yathā carantaṁ viharantaṁ abhijjhādomanassā pāpakā akusalā dhammā nānussavanti.\nTañce, bhikkhave, bhikkhuṁ evaṁ carantaṁ evaṁ viharantaṁ rājāno vā rājamahāmattā vā mittā vā amaccā vā ñātī vā sālohitā vā, bhogehi abhihaṭṭhuṁ pavāreyyuṁ:\n‘ehi, bho purisa, kiṁ te ime kāsāvā anudahanti,\nkiṁ muṇḍo kapālamanucarasi,\nehi hīnāyāvattitvā bhoge ca bhuñjassu, puññāni ca karohī’ti.\nSo vata, bhikkhave, bhikkhu evaṁ caranto evaṁ viharanto sikkhaṁ paccakkhāya hīnāyāvattissatīti netaṁ ṭhānaṁ vijjati.","en":"Suppose there was an iron cauldron that had been heated all day, and a person let two or three drops of water fall onto it. Slowly the drops fall, but then they quickly dry up and evaporate.\nIn the same way, perhaps while that mendicant is conducting themselves and living in this way, bad, unskillful memories and thoughts that tighten the fetters arise every so often due to loss of mindfulness. Slowly mindfulness arises, but then they quickly give up, dispel, eliminate, and obliterate those thoughts.\nThis is how a mendicant has awakened to a way of conduct and a way of living such that, when they live in that way, bad, unskillful qualities of covetousness and displeasure don’t overwhelm them.\nWhile that mendicant conducts themselves in this way and lives in this way, it may be that rulers or their chief ministers, friends or colleagues, relatives or family would invite them to accept wealth, saying,\n‘Please, my man, why let these ocher robes torment you?\nWhy follow the practice of shaving your head and carrying an alms bowl?\nCome, return to a lesser life, enjoy wealth, and make merit!’\nBut it is quite impossible for a mendicant who conducts themselves in this way and lives in this way to resign the training and return to a lesser life."}},{"id":"sn35.244:9","sourceIds":["sn35.244:9.1","sn35.244:9.2","sn35.244:9.3","sn35.244:9.4","sn35.244:9.5","sn35.244:9.6","sn35.244:9.7","sn35.244:9.8","sn35.244:9.9","sn35.244:9.10","sn35.244:9.11","sn35.244:9.12","sn35.244:9.13","sn35.244:9.14","sn35.244:9.15","sn35.244:9.16"],"kind":"text","text":{"pi":"Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā. Atha mahājanakāyo āgaccheyya kuddālapiṭakaṁ ādāya: ‘mayaṁ imaṁ gaṅgaṁ nadiṁ pacchāninnaṁ karissāma pacchāpoṇaṁ pacchāpabbhāran’ti.\nTaṁ kiṁ maññatha, bhikkhave,\napi nu kho so mahājanakāyo gaṅgaṁ nadiṁ pacchāninnaṁ kareyya pacchāpoṇaṁ pacchāpabbhāran”ti?\n“No hetaṁ, bhante”.\n“Taṁ kissa hetu”?\n“Gaṅgā, bhante, nadī pācīnaninnā pācīnapoṇā pācīnapabbhārā;\nsā na sukarā pacchāninnā kātuṁ pacchāpoṇā pacchāpabbhārā.\nYāvadeva ca pana so mahājanakāyo kilamathassa vighātassa bhāgī assā”ti.\n“Evameva kho, bhikkhave, tañce bhikkhuṁ evaṁ carantaṁ evaṁ viharantaṁ rājāno vā rājamahāmattā vā mittā vā amaccā vā ñātī vā sālohitā vā bhogehi abhihaṭṭhuṁ pavāreyyuṁ:\n‘ehi, bho purisa, kiṁ te ime kāsāvā anudahanti,\nkiṁ muṇḍo kapālamanucarasi,\nehi hīnāyāvattitvā bhoge ca bhuñjassu, puññāni ca karohī’ti.\nSo vata, bhikkhave, bhikkhu evaṁ caranto evaṁ viharanto sikkhaṁ paccakkhāya hīnāyāvattissatīti netaṁ ṭhānaṁ vijjati.\nTaṁ kissa hetu?\nYañhi taṁ, bhikkhave, cittaṁ dīgharattaṁ vivekaninnaṁ vivekapoṇaṁ vivekapabbhāraṁ, tathā hīnāyāvattissatīti netaṁ ṭhānaṁ vijjatī”ti.\nSattamaṁ.","en":"Suppose that, although the Ganges River slants, slopes, and inclines to the east, a large crowd were to come along with a spade and basket, saying: ‘We’ll make this Ganges Riiver slant, slope, and incline to the west!’\nWhat do you think, mendicants?\nWould they still succeed?”\n“No, sir.\nWhy is that?\nThe Ganges River slants, slopes, and inclines to the east.\nIt’s not easy to make it slant, slope, and incline to the west.\nThat large crowd will eventually get weary and frustrated.”\n“In the same way, while that mendicant conducts themselves in this way and lives in this way, it may be that rulers or their chief ministers, friends or colleagues, relatives or family should invite them to accept wealth, saying,\n‘Please, my man, why let these ocher robes torment you?\nWhy follow the practice of shaving your head and carrying an alms bowl?\nCome, return to a lesser life, enjoy wealth, and make merit!’\nBut it is quite impossible for a mendicant who conducts themselves in this way and lives in this way to resign the training and return to a lesser life.\nWhy is that?\nBecause for a long time that mendicant’s mind has slanted, sloped, and inclined to seclusion. So it’s impossible for them to return to a lesser life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.244/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}