{"id":"sn35.32","title":"The Practice Conducive to Uprooting (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.32","title":"The Practice Conducive to Uprooting (2nd)","units":[{"id":"sn35.32:0","sourceIds":["sn35.32:0.1","sn35.32:0.2","sn35.32:0.3"],"kind":"text","text":{"pi":"Saṁyutta Nikāya 35.32\n3. Sabbavagga\nDutiyasamugghātasappāyasutta","en":"Linked Discourses 35.32\n3. All\nThe Practice Conducive to Uprooting (2nd)"}},{"id":"sn35.32:1","sourceIds":["sn35.32:1.1","sn35.32:1.2","sn35.32:1.3"],"kind":"text","text":{"pi":"“Sabbamaññitasamugghātasappāyaṁ vo, bhikkhave, paṭipadaṁ desessāmi.\nTaṁ suṇātha.\nKatamā ca sā, bhikkhave, sabbamaññitasamugghātasappāyā paṭipadā?","en":"“Mendicants, I will teach you the practice that’s conducive to uprooting all conceiving.\nListen …\nAnd what is the practice that’s conducive to uprooting all conceiving?"}},{"id":"sn35.32:2","sourceIds":["sn35.32:2.1","sn35.32:2.2"],"kind":"text","text":{"pi":"Taṁ kiṁ maññatha, bhikkhave,\ncakkhu niccaṁ vā aniccaṁ vā”ti?","en":"What do you think, mendicants?\nIs the eye permanent or impermanent?”"}},{"id":"sn35.32:3","sourceIds":["sn35.32:3.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn35.32:4","sourceIds":["sn35.32:4.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.32:5","sourceIds":["sn35.32:5.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn35.32:6","sourceIds":["sn35.32:6.1","sn35.32:6.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.32:7","sourceIds":["sn35.32:7.1"],"kind":"text","text":{"pi":"“No hetaṁ bhante”.","en":"“No, sir.”"}},{"id":"sn35.32:8","sourceIds":["sn35.32:8.1","sn35.32:8.2","sn35.32:8.3"],"kind":"text","text":{"pi":"“Rūpā …pe…\ncakkhuviññāṇaṁ …\ncakkhusamphasso nicco vā anicco vā”ti?","en":"“Are sights …\neye consciousness …\neye contact …"}},{"id":"sn35.32:9","sourceIds":["sn35.32:9.1"],"kind":"text","text":{"pi":"“Anicco, bhante” …pe…."}},{"id":"sn35.32:10","sourceIds":["sn35.32:10.1"],"kind":"text","text":{"pi":"“Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā”ti?","en":"The pleasant, painful, or neutral feeling that arises dependent on eye contact: is that permanent or impermanent?”"}},{"id":"sn35.32:11","sourceIds":["sn35.32:11.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn35.32:12","sourceIds":["sn35.32:12.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.32:13","sourceIds":["sn35.32:13.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn35.32:14","sourceIds":["sn35.32:14.1","sn35.32:14.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.32:15","sourceIds":["sn35.32:15.1"],"kind":"text","text":{"pi":"“No hetaṁ, bhante” …pe….","en":"“No, sir.” …"}},{"id":"sn35.32:16","sourceIds":["sn35.32:16.1"],"kind":"text","text":{"pi":"“Jivhā niccā vā aniccā vā”ti?","en":"“Is the ear … nose … tongue …"}},{"id":"sn35.32:17","sourceIds":["sn35.32:17.1"],"kind":"text","text":{"pi":"“Aniccā, bhante” …pe…."}},{"id":"sn35.32:18","sourceIds":["sn35.32:18.1","sn35.32:18.2","sn35.32:18.3","sn35.32:18.4"],"kind":"text","text":{"pi":"“Rasā …\njivhāviññāṇaṁ …\njivhāsamphasso …pe…\nyampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā”ti?"}},{"id":"sn35.32:19","sourceIds":["sn35.32:19.1"],"kind":"text","text":{"pi":"“Aniccaṁ, bhante” …pe…"}},{"id":"sn35.32:20","sourceIds":["sn35.32:20.1","sn35.32:20.2","sn35.32:20.3"],"kind":"text","text":{"pi":"dhammā …\nmanoviññāṇaṁ …\nmanosamphasso nicco vā anicco vā”ti?","en":"body … mind …"}},{"id":"sn35.32:21","sourceIds":["sn35.32:21.1"],"kind":"text","text":{"pi":"“Anicco, bhante”."}},{"id":"sn35.32:22","sourceIds":["sn35.32:22.1"],"kind":"text","text":{"pi":"“Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā”ti?","en":"The pleasant, painful, or neutral feeling that arises dependent on mind contact: is that permanent or impermanent?”"}},{"id":"sn35.32:23","sourceIds":["sn35.32:23.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn35.32:24","sourceIds":["sn35.32:24.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.32:25","sourceIds":["sn35.32:25.1"],"kind":"text","text":{"pi":"“Dukkhaṁ bhante”.","en":"“Suffering, sir.”"}},{"id":"sn35.32:26","sourceIds":["sn35.32:26.1","sn35.32:26.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.32:27","sourceIds":["sn35.32:27.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn35.32:28","sourceIds":["sn35.32:28.1","sn35.32:28.2","sn35.32:28.3","sn35.32:28.4","sn35.32:28.5","sn35.32:28.6","sn35.32:28.7","sn35.32:28.8","sn35.32:28.9","sn35.32:28.10"],"kind":"text","text":{"pi":"“Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati …pe…\njivhāyapi nibbindati, rasesupi …pe… yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati …pe….\nManasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati.\nYampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.\nAyaṁ kho sā, bhikkhave, sabbamaññitasamugghātasappāyā paṭipadā”ti.\nDasamaṁ.\nSabbavaggo tatiyo.","en":"“Seeing this, a learned noble disciple grows disillusioned with the eye, sights, eye consciousness, and eye contact.\nAnd they grow disillusioned with the painful, pleasant, or neutral feeling that arises dependent on eye contact.\nThey grow disillusioned with the ear … nose … tongue … body …\nThey grow disillusioned with the mind, ideas, mind consciousness, and mind contact.\nAnd they grow disillusioned with the painful, pleasant, or neutral feeling that arises dependent on mind contact.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’\nThis is the practice that’s conducive to uprooting all conceiving.”"}},{"id":"sn35.32:29","sourceIds":["sn35.32:29.0","sn35.32:29.1","sn35.32:29.2","sn35.32:29.3","sn35.32:29.4","sn35.32:29.5"],"kind":"text","text":{"pi":"Tassuddānaṁ\nSabbañca dvepi pahānā,\nparijānāpare duve;\nĀdittaṁ addhabhūtañca,\nsāruppā dve ca sappāyā;\nVaggo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.32/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}