{"id":"sn35.52","title":"Contaminated","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.52","title":"Contaminated","units":[{"id":"sn35.52:0","sourceIds":["sn35.52:0.1","sn35.52:0.2","sn35.52:0.3"],"kind":"text","text":{"pi":"Saṁyutta Nikāya 35.52\n5. Sabbaaniccavagga\nUpassaṭṭhasutta","en":"Linked Discourses 35.52\n5. All is Impermanent\nContaminated"}},{"id":"sn35.52:1","sourceIds":["sn35.52:1.1","sn35.52:1.2","sn35.52:1.3","sn35.52:1.4","sn35.52:1.5","sn35.52:1.6","sn35.52:1.7","sn35.52:1.8","sn35.52:1.9","sn35.52:1.10","sn35.52:1.11","sn35.52:1.12","sn35.52:1.13","sn35.52:1.14","sn35.52:1.15","sn35.52:1.16","sn35.52:1.17"],"kind":"text","text":{"pi":"“Sabbaṁ, bhikkhave, upassaṭṭhaṁ.\nKiñca, bhikkhave, sabbaṁ upassaṭṭhaṁ?\nCakkhu, bhikkhave, upassaṭṭhaṁ, rūpā upassaṭṭhā, cakkhuviññāṇaṁ upassaṭṭhaṁ, cakkhusamphasso upassaṭṭho.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi upassaṭṭhaṁ …pe…\njivhā upassaṭṭhā, rasā upassaṭṭhā, jivhāviññāṇaṁ upassaṭṭhaṁ, jivhāsamphasso upassaṭṭho.\nYampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi upassaṭṭhaṁ.\nKāyo upassaṭṭho …\nmano upassaṭṭho, dhammā upassaṭṭhā, manoviññāṇaṁ upassaṭṭhaṁ, manosamphasso upassaṭṭho.\nYampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi upassaṭṭhaṁ.\nEvaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati …pe…\nmanasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati.\nYampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nDasamaṁ.\nSabbaaniccavaggo pañcamo.","en":"“Mendicants, all is contaminated.\nAnd what is the all that is contaminated?\nThe eye, sights, eye consciousness, and eye contact are contaminated.\nAnd the pleasant, painful, or neutral feeling that arises dependent on eye contact is also contaminated.\nThe ear … nose … tongue …\nbody …\nThe mind, ideas, mind consciousness, and mind contact are contaminated.\nAnd the pleasant, painful, or neutral feeling that arises dependent on mind contact is also contaminated.\nSeeing this, a learned noble disciple grows disillusioned …\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}},{"id":"sn35.52:2","sourceIds":["sn35.52:2.0","sn35.52:2.1","sn35.52:2.2","sn35.52:2.3","sn35.52:2.4","sn35.52:2.5","sn35.52:2.6","sn35.52:2.7"],"kind":"text","text":{"pi":"Tassuddānaṁ\nAniccaṁ dukkhaṁ anattā,\nabhiññeyyaṁ pariññeyyaṁ;\nPahātabbaṁ sacchikātabbaṁ,\nabhiññeyyapariññeyyaṁ;\nUpaddutaṁ upassaṭṭhaṁ,\nvaggo tena pavuccatīti.\nSaḷāyatanavagge paṭhamapaṇṇāsako samatto."}},{"id":"sn35.52:3","sourceIds":["sn35.52:3.0","sn35.52:3.1","sn35.52:3.2","sn35.52:3.3","sn35.52:3.4"],"kind":"text","text":{"pi":"Tassa vagguddānaṁ\nAniccavaggaṁ yamakaṁ,\nSabbaṁ vaggaṁ jātidhammaṁ;\nAniccavaggena paññāsaṁ,\nPañcamo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.52/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}