{"id":"sn35.69","title":"Upasena and the Viper","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.69","title":"Upasena and the Viper","units":[{"id":"sn35.69:0","sourceIds":["sn35.69:0.1","sn35.69:0.2","sn35.69:0.3"],"kind":"text","text":{"pi":"Saṁyutta Nikāya 35.69\n7. Migajālavagga\nUpasenaāsīvisasutta","en":"Linked Discourses 35.69\n7. With Migajāla\nUpasena and the Viper"}},{"id":"sn35.69:1","sourceIds":["sn35.69:1.1","sn35.69:1.2","sn35.69:1.3","sn35.69:1.4","sn35.69:1.5","sn35.69:1.6"],"kind":"text","text":{"pi":"Ekaṁ samayaṁ āyasmā ca sāriputto āyasmā ca upaseno rājagahe viharanti sītavane sappasoṇḍikapabbhāre.\nTena kho pana samayena āyasmato upasenassa kāye āsīviso patito hoti.\nAtha kho āyasmā upaseno bhikkhū āmantesi:\n“etha me, āvuso, imaṁ kāyaṁ mañcakaṁ āropetvā bahiddhā nīharatha.\nPurāyaṁ kāyo idheva vikirati;\nseyyathāpi bhusamuṭṭhī”ti.","en":"At one time the venerables Sāriputta and Upasena were staying near Rājagaha in the Cool Grove, under the Cobra’s Hood Grotto.\nNow at that time a viper fell on Upasena’s body.\nHe addressed the mendicants,\n“Come, reverends, lift this body onto a cot and carry it outside\nbefore it’s scattered right here\nlike a handful of hay.”"}},{"id":"sn35.69:2","sourceIds":["sn35.69:2.1","sn35.69:2.2","sn35.69:2.3","sn35.69:2.4","sn35.69:2.5","sn35.69:2.6","sn35.69:2.7","sn35.69:2.8","sn35.69:2.9","sn35.69:2.10","sn35.69:2.11","sn35.69:2.12","sn35.69:2.13","sn35.69:2.14","sn35.69:2.15","sn35.69:2.16"],"kind":"text","text":{"pi":"Evaṁ vutte, āyasmā sāriputto āyasmantaṁ upasenaṁ etadavoca:\n“na kho pana mayaṁ passāma āyasmato upasenassa kāyassa vā aññathattaṁ indriyānaṁ vā vipariṇāmaṁ.\nAtha ca panāyasmā upaseno evamāha:\n‘etha me, āvuso, imaṁ kāyaṁ mañcakaṁ āropetvā bahiddhā nīharatha.\nPurāyaṁ kāyo idheva vikirati;\nseyyathāpi bhusamuṭṭhī’”ti.\n“Yassa nūna, āvuso sāriputta, evamassa:\n‘ahaṁ cakkhūti vā mama cakkhūti vā …pe…\nahaṁ jivhāti vā mama jivhāti vā …\nahaṁ manoti vā mama mano’ti vā.\nTassa, āvuso sāriputta, siyā kāyassa vā aññathattaṁ indriyānaṁ vā vipariṇāmo.\nMayhañca kho, āvuso sāriputta, na evaṁ hoti:\n‘ahaṁ cakkhūti vā mama cakkhūti vā …pe…\nahaṁ jivhāti vā mama jivhāti vā …pe…\nahaṁ manoti vā mama manoti vā’.\nTassa mayhañca kho, āvuso sāriputta, kiṁ kāyassa vā aññathattaṁ bhavissati, indriyānaṁ vā vipariṇāmo”ti.","en":"When he said this, Sāriputta said to him,\n“But we don’t see any impairment in your body or deterioration of your faculties.\nYet you say:\n‘Come, reverends, lift this body onto a cot and carry it outside\nbefore it’s scattered right here\nlike a handful of hay.’”\n“Reverend Sāriputta, there may be an impairment in body or deterioration of faculties for someone who thinks:\n‘I am the eye’ or ‘the eye is mine.’\nOr ‘I am the ear … nose … tongue … body …’\nOr ‘I am the mind’ or ‘the mind is mine.’\nBut I don’t think like that.\nSo why would there be an impairment in my body or deterioration of my faculties?”"}},{"id":"sn35.69:3","sourceIds":["sn35.69:3.1","sn35.69:3.2","sn35.69:3.3","sn35.69:3.4","sn35.69:3.5","sn35.69:3.6","sn35.69:3.7","sn35.69:3.8","sn35.69:3.9"],"kind":"text","text":{"pi":"Tathā hi panāyasmato upasenassa dīgharattaṁ ahaṅkāramamaṅkāramānānusayo susamūhato.\nTasmā āyasmato upasenassa na evaṁ hoti:\n“‘ahaṁ cakkhūti vā mama cakkhūti vā …pe…\nahaṁ jivhāti vā mama jivhāti vā …pe…\nahaṁ manoti vā mama mano’ti vā”ti.\nAtha kho te bhikkhū āyasmato upasenassa kāyaṁ mañcakaṁ āropetvā bahiddhā nīhariṁsu.\nAtha kho āyasmato upasenassa kāyo tattheva vikiri;\nseyyathāpi bhusamuṭṭhīti.\nSattamaṁ.","en":"“That must be because Venerable Upasena has long ago totally eradicated I-making, mine-making, and the underlying tendency to conceit.\nThat’s why it doesn’t occur to you:\n‘I am the eye’ or ‘the eye is mine.’ Or ‘I am the ear …\nnose … tongue … body …’\nOr ‘I am the mind’ or ‘the mind is mine.’”\nThen those mendicants lifted Upasena’s body onto a cot and carried it outside.\nAnd his body was scattered right there\nlike a handful of hay."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.69/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}