{"id":"sn35.70","title":"Upavāṇa on What is Apparent in the Present Life","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.70","title":"Upavāṇa on What is Apparent in the Present Life","units":[{"id":"sn35.70:0","sourceIds":["sn35.70:0.1","sn35.70:0.2","sn35.70:0.3"],"kind":"text","text":{"pi":"Saṁyutta Nikāya 35.70\n7. Migajālavagga\nUpavāṇasandiṭṭhikasutta","en":"Linked Discourses 35.70\n7. With Migajāla\nUpavāṇa on What is Apparent in the Present Life"}},{"id":"sn35.70:1","sourceIds":["sn35.70:1.1","sn35.70:1.2","sn35.70:1.3","sn35.70:1.4"],"kind":"text","text":{"pi":"Atha kho āyasmā upavāṇo yena bhagavā tenupasaṅkami …pe…\nekamantaṁ nisinno kho āyasmā upavāṇo bhagavantaṁ etadavoca:\n“‘sandiṭṭhiko dhammo, sandiṭṭhiko dhammo’ti, bhante, vuccati.\nKittāvatā nu kho, bhante, sandiṭṭhiko dhammo hoti, akāliko ehipassiko opaneyyiko paccattaṁ veditabbo viññūhī”ti?","en":"Then Venerable Upavāṇa went up to the Buddha …\nand said to him:\n“Sir, they speak of ‘a teaching apparent in the present life’.\nIn what way is the teaching apparent in the present life, immediately effective, inviting inspection, relevant, so that sensible people can know it for themselves?”"}},{"id":"sn35.70:2","sourceIds":["sn35.70:2.1","sn35.70:2.2","sn35.70:2.3","sn35.70:2.4","sn35.70:2.5"],"kind":"text","text":{"pi":"“Idha pana, upavāṇa, bhikkhu cakkhunā rūpaṁ disvā rūpappaṭisaṁvedī ca hoti rūparāgappaṭisaṁvedī ca.\nSantañca ajjhattaṁ rūpesu rāgaṁ ‘atthi me ajjhattaṁ rūpesu rāgo’ti pajānāti.\nYaṁ taṁ, upavāṇa, bhikkhu cakkhunā rūpaṁ disvā rūpappaṭisaṁvedī ca hoti rūparāgappaṭisaṁvedī ca.\nSantañca ajjhattaṁ rūpesu rāgaṁ ‘atthi me ajjhattaṁ rūpesu rāgo’ti pajānāti.\nEvampi kho, upavāṇa, sandiṭṭhiko dhammo hoti akāliko ehipassiko opaneyyiko paccattaṁ veditabbo viññūhi …pe….","en":"“Upavāṇa, take a mendicant who sees a sight with their eyes. They experience both the sight and the desire for the sight.\nThere is desire for sights in them, and they understand that.\nSince this is so,\nthis is how the teaching is apparent in the present life, immediately effective, inviting inspection, relevant, so that sensible people can know it for themselves."}},{"id":"sn35.70:3","sourceIds":["sn35.70:3.1","sn35.70:3.2","sn35.70:3.3","sn35.70:3.4"],"kind":"text","text":{"pi":"Puna caparaṁ, upavāṇa, bhikkhu jivhāya rasaṁ sāyitvā rasappaṭisaṁvedī ca hoti rasarāgappaṭisaṁvedī ca.\nSantañca ajjhattaṁ rasesu rāgaṁ ‘atthi me ajjhattaṁ rasesu rāgo’ti pajānāti.\nYaṁ taṁ, upavāṇa, bhikkhu jivhāya rasaṁ sāyitvā rasappaṭisaṁvedī ca hoti rasarāgappaṭisaṁvedī ca.\nSantañca ajjhattaṁ rasesu rāgaṁ ‘atthi me ajjhattaṁ rasesu rāgo’ti pajānāti. Evampi kho, upavāṇa, sandiṭṭhiko dhammo hoti akāliko ehipassiko opaneyyiko paccattaṁ veditabbo viññūhi …pe….","en":"Next, take a mendicant who hears … smells … tastes … touches …"}},{"id":"sn35.70:4","sourceIds":["sn35.70:4.1","sn35.70:4.2","sn35.70:4.3","sn35.70:4.4","sn35.70:4.5"],"kind":"text","text":{"pi":"Puna caparaṁ, upavāṇa, bhikkhu manasā dhammaṁ viññāya dhammappaṭisaṁvedī ca hoti dhammarāgappaṭisaṁvedī ca.\nSantañca ajjhattaṁ dhammesu rāgaṁ ‘atthi me ajjhattaṁ dhammesu rāgo’ti pajānāti.\nYaṁ taṁ, upavāṇa, bhikkhu manasā dhammaṁ viññāya dhammappaṭisaṁvedī ca hoti dhammarāgappaṭisaṁvedī ca.\nSantañca ajjhattaṁ dhammesu rāgaṁ ‘atthi me ajjhattaṁ dhammesu rāgo’ti pajānāti.\nEvampi kho, upavāṇa, sandiṭṭhiko dhammo hoti …pe… paccattaṁ veditabbo viññūhi …pe….","en":"Next, take a mendicant who knows an idea with their mind. They experience both the idea and the desire for the idea.\nThere is desire for ideas in them, and they understand that.\nSince this is so,\nthis is how the teaching is apparent in the present life, immediately effective, inviting inspection, relevant, so that sensible people can know it for themselves."}},{"id":"sn35.70:5","sourceIds":["sn35.70:5.1","sn35.70:5.2","sn35.70:5.3","sn35.70:5.4","sn35.70:5.5"],"kind":"text","text":{"pi":"Idha pana, upavāṇa, bhikkhu cakkhunā rūpaṁ disvā rūpappaṭisaṁvedī ca hoti, no ca rūparāgappaṭisaṁvedī.\nAsantañca ajjhattaṁ rūpesu rāgaṁ ‘natthi me ajjhattaṁ rūpesu rāgo’ti pajānāti.\nYaṁ taṁ, upavāṇa, bhikkhu cakkhunā rūpaṁ disvā rūpappaṭisaṁvedīhi kho hoti, no ca rūparāgappaṭisaṁvedī.\nAsantañca ajjhattaṁ rūpesu rāgaṁ ‘natthi me ajjhattaṁ rūpesu rāgo’ti pajānāti.\nEvampi kho, upavāṇa, sandiṭṭhiko dhammo hoti, akāliko ehipassiko opaneyyiko paccattaṁ veditabbo viññūhi …pe….","en":"Take a mendicant who sees a sight with their eyes. They experience the sight but no desire for the sight.\nThere is no desire for sights in them, and they understand that.\nSince this is so,\nthis is how the teaching is apparent in the present life, immediately effective, inviting inspection, relevant, so that sensible people can know it for themselves."}},{"id":"sn35.70:6","sourceIds":["sn35.70:6.1"],"kind":"text","text":{"pi":"Puna caparaṁ, upavāṇa, bhikkhu jivhāya rasaṁ sāyitvā rasappaṭisaṁvedīhi kho hoti, no ca rasarāgappaṭisaṁvedī. Asantañca ajjhattaṁ rasesu rāgaṁ ‘natthi me ajjhattaṁ rasesu rāgo’ti pajānāti …pe….","en":"Next, take a mendicant who hears … smells … tastes … touches …"}},{"id":"sn35.70:7","sourceIds":["sn35.70:7.1","sn35.70:7.2","sn35.70:7.3","sn35.70:7.4","sn35.70:7.5","sn35.70:7.6"],"kind":"text","text":{"pi":"Puna caparaṁ, upavāṇa, bhikkhu manasā dhammaṁ viññāya dhammappaṭisaṁvedīhi kho hoti, no ca dhammarāgappaṭisaṁvedī.\nAsantañca ajjhattaṁ dhammesu rāgaṁ ‘natthi me ajjhattaṁ dhammesu rāgo’ti pajānāti.\nYaṁ taṁ, upavāṇa, bhikkhu manasā dhammaṁ viññāya dhammappaṭisaṁvedīhi kho hoti, no ca dhammarāgappaṭisaṁvedī.\nAsantañca ajjhattaṁ dhammesu rāgaṁ ‘natthi me ajjhattaṁ dhammesu rāgo’ti pajānāti.\nEvampi kho, upavāṇa, sandiṭṭhiko dhammo hoti, akāliko ehipassiko opaneyyiko paccattaṁ veditabbo viññūhī”ti.\nAṭṭhamaṁ.","en":"Next, take a mendicant who knows an idea with their mind. They experience the idea but no desire for the idea.\nThere is no desire for ideas in them, and they understand that.\nSince this is so, this is how the teaching is apparent in the present life, immediately effective, inviting inspection, relevant, so that sensible people can know it for themselves.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}