{"id":"sn35.74","title":"Sick (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.74","title":"Sick (1st)","units":[{"id":"sn35.74:0","sourceIds":["sn35.74:0.1","sn35.74:0.2","sn35.74:0.3"],"kind":"text","text":{"pi":"Saṁyutta Nikāya 35.74\n8. Gilānavagga\nPaṭhamagilānasutta","en":"Linked Discourses 35.74\n8. Sick\nSick (1st)"}},{"id":"sn35.74:1","sourceIds":["sn35.74:1.1","sn35.74:1.2","sn35.74:1.3","sn35.74:1.4"],"kind":"text","text":{"pi":"Sāvatthinidānaṁ.\nAtha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca:\n“amukasmiṁ, bhante, vihāre aññataro bhikkhu navo appaññāto ābādhiko dukkhito bāḷhagilāno.\nSādhu, bhante, bhagavā yena so bhikkhu tenupasaṅkamatu anukampaṁ upādāyā”ti.","en":"At Sāvatthī.\nThen a mendicant went up to the Buddha, and said to him,\n“Sir, in such-and-such monastery there’s a mendicant who is junior and not well-known. He’s sick, suffering, gravely ill.\nPlease go to him out of sympathy.”"}},{"id":"sn35.74:2","sourceIds":["sn35.74:2.1","sn35.74:2.2","sn35.74:2.3","sn35.74:2.4","sn35.74:2.5","sn35.74:2.6","sn35.74:2.7","sn35.74:2.8","sn35.74:2.9"],"kind":"text","text":{"pi":"Atha kho bhagavā navavādañca sutvā gilānavādañca, “appaññāto bhikkhū”ti iti viditvā yena so bhikkhu tenupasaṅkami.\nAddasā kho so bhikkhu bhagavantaṁ dūratova āgacchantaṁ.\nDisvāna mañcake samadhosi.\nAtha kho bhagavā taṁ bhikkhuṁ etadavoca:\n“alaṁ, bhikkhu, mā tvaṁ mañcake samadhosi.\nSantimāni āsanāni paññattāni, tatthāhaṁ nisīdissāmī”ti.\nNisīdi bhagavā paññatte āsane.\nNisajja kho bhagavā taṁ bhikkhuṁ etadavoca:\n“kacci te, bhikkhu, khamanīyaṁ, kacci yāpanīyaṁ, kacci dukkhā vedanā paṭikkamanti no abhikkamanti, paṭikkamosānaṁ paññāyati no abhikkamo”ti?","en":"When the Buddha heard that the mendicant was junior and ill, understanding that he was not well-known, he went to him.\nThat mendicant saw the Buddha coming off in the distance\nand stirred in his cot.\nThe Buddha said to that monk,\n“It’s all right, mendicant, don’t get up.\nThere are some seats spread out, I will sit there.”\nHe sat down on the seat spread out\nand said to the mendicant,\n“I hope you’re keeping well, mendicant, I hope you’re all right. I hope your pain is fading, not growing; that its fading is evident, not its growing.”"}},{"id":"sn35.74:3","sourceIds":["sn35.74:3.1"],"kind":"text","text":{"pi":"“Na me, bhante, khamanīyaṁ, na yāpanīyaṁ, bāḷhā me dukkhā vedanā abhikkamanti no paṭikkamanti, abhikkamosānaṁ paññāyati no paṭikkamo”ti.","en":"“Sir, I’m not keeping well, I’m not getting by. My pain is terrible and growing, not fading; its growing is evident, not its fading.”"}},{"id":"sn35.74:4","sourceIds":["sn35.74:4.1"],"kind":"text","text":{"pi":"“Kacci te, bhikkhu, na kiñci kukkuccaṁ, na koci vippaṭisāro”ti?","en":"“I hope you don’t have any remorse or regret?”"}},{"id":"sn35.74:5","sourceIds":["sn35.74:5.1"],"kind":"text","text":{"pi":"“Taggha me, bhante, anappakaṁ kukkuccaṁ, anappako vippaṭisāro”ti.","en":"“Indeed, sir, I have no little remorse and regret.”"}},{"id":"sn35.74:6","sourceIds":["sn35.74:6.1"],"kind":"text","text":{"pi":"“Kacci pana taṁ, bhikkhu, attā sīlato upavadatī”ti?","en":"“I hope you have no reason to blame yourself when it comes to ethical conduct?”"}},{"id":"sn35.74:7","sourceIds":["sn35.74:7.1"],"kind":"text","text":{"pi":"“Na kho maṁ, bhante, attā sīlato upavadatī”ti.","en":"“No sir, I have no reason to blame myself when it comes to ethical conduct.”"}},{"id":"sn35.74:8","sourceIds":["sn35.74:8.1"],"kind":"text","text":{"pi":"“No ce kira te, bhikkhu, attā sīlato upavadati, atha kiñca te kukkuccaṁ ko ca vippaṭisāro”ti?","en":"“In that case, mendicant, why do you have remorse and regret?”"}},{"id":"sn35.74:9","sourceIds":["sn35.74:9.1"],"kind":"text","text":{"pi":"“Na khvāhaṁ, bhante, sīlavisuddhatthaṁ bhagavatā dhammaṁ desitaṁ ājānāmī”ti.","en":"“Because I understand that the Buddha has not taught the Dhamma merely for the sake of ethical purity.”"}},{"id":"sn35.74:10","sourceIds":["sn35.74:10.1"],"kind":"text","text":{"pi":"“No ce kira tvaṁ, bhikkhu, sīlavisuddhatthaṁ mayā dhammaṁ desitaṁ ājānāsi, atha kimatthaṁ carahi tvaṁ, bhikkhu, mayā dhammaṁ desitaṁ ājānāsī”ti?","en":"“If that is so, what then do you understand to be the purpose of teaching the Dhamma?”"}},{"id":"sn35.74:11","sourceIds":["sn35.74:11.1"],"kind":"text","text":{"pi":"“Rāgavirāgatthaṁ khvāhaṁ, bhante, bhagavatā dhammaṁ desitaṁ ājānāmī”ti.","en":"“I understand that the Buddha has taught the Dhamma for the purpose of the fading away of greed.”"}},{"id":"sn35.74:12","sourceIds":["sn35.74:12.1","sn35.74:12.2","sn35.74:12.3","sn35.74:12.4","sn35.74:12.5"],"kind":"text","text":{"pi":"“Sādhu sādhu, bhikkhu.\nSādhu kho tvaṁ, bhikkhu, rāgavirāgatthaṁ mayā dhammaṁ desitaṁ ājānāsi.\nRāgavirāgattho hi, bhikkhu, mayā dhammo desito.\nTaṁ kiṁ maññasi, bhikkhu,\ncakkhu niccaṁ vā aniccaṁ vā”ti?","en":"“Good, good, mendicant!\nIt’s good that you understand that I’ve taught the Dhamma for the purpose of the fading away of greed.\nFor that is indeed the purpose.\nWhat do you think, mendicant?\nIs the eye permanent or impermanent?”"}},{"id":"sn35.74:13","sourceIds":["sn35.74:13.1"],"kind":"text","text":{"pi":"“Aniccaṁ, bhante”.","en":"“Impermanent, sir.” …"}},{"id":"sn35.74:14","sourceIds":["sn35.74:14.1","sn35.74:14.2","sn35.74:14.3","sn35.74:14.4","sn35.74:14.5","sn35.74:14.6"],"kind":"text","text":{"pi":"“ …pe…\nSotaṁ …\nghānaṁ …\njivhā …\nkāyo …\nmano nicco vā anicco vā”ti?","en":"“Is the ear …\nnose …\ntongue …\nbody …\nmind permanent or impermanent?”"}},{"id":"sn35.74:15","sourceIds":["sn35.74:15.1"],"kind":"text","text":{"pi":"“Anicco, bhante”.","en":"“Impermanent, sir.”"}},{"id":"sn35.74:16","sourceIds":["sn35.74:16.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.74:17","sourceIds":["sn35.74:17.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn35.74:18","sourceIds":["sn35.74:18.1","sn35.74:18.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.74:19","sourceIds":["sn35.74:19.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn35.74:20","sourceIds":["sn35.74:20.1","sn35.74:20.2","sn35.74:20.3"],"kind":"text","text":{"pi":"“Evaṁ passaṁ, bhikkhu, sutavā ariyasāvako cakkhusmimpi nibbindati, sotasmimpi nibbindati …pe… manasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti …pe… nāparaṁ itthattāyā’ti pajānātī”ti.","en":"“Seeing this, a learned noble disciple grows disillusioned with the eye, ear, nose, tongue, body, and mind.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended … there is nothing further for this place.’”"}},{"id":"sn35.74:21","sourceIds":["sn35.74:21.1","sn35.74:21.2","sn35.74:21.3","sn35.74:21.4","sn35.74:21.5"],"kind":"text","text":{"pi":"Idamavoca bhagavā.\nAttamano so bhikkhu bhagavato bhāsitaṁ abhinandi.\nImasmiñca pana veyyākaraṇasmiṁ bhaññamāne tassa bhikkhuno virajaṁ vītamalaṁ dhammacakkhuṁ udapādi:\n“yaṁ kiñci samudayadhammaṁ sabbaṁ taṁ nirodhadhamman”ti.\nPaṭhamaṁ.","en":"That is what the Buddha said.\nSatisfied, that mendicant approved what the Buddha said.\nAnd while this discourse was being spoken, the stainless, immaculate vision of the Dhamma arose in that mendicant:\n“Everything that is liable to arise is liable to cease.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.74/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}