{"id":"sn35.93","title":"A Duality (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.93","title":"A Duality (2nd)","units":[{"id":"sn35.93:0","sourceIds":["sn35.93:0.1","sn35.93:0.2","sn35.93:0.3"],"kind":"text","text":{"pi":"Saṁyutta Nikāya 35.93\n9. Channavagga\nDutiyadvayasutta","en":"Linked Discourses 35.93\n9. With Channa\nA Duality (2nd)"}},{"id":"sn35.93:1","sourceIds":["sn35.93:1.1","sn35.93:1.2","sn35.93:1.3","sn35.93:1.4","sn35.93:1.5","sn35.93:1.6","sn35.93:1.7","sn35.93:1.8","sn35.93:1.9","sn35.93:1.10","sn35.93:1.11","sn35.93:1.12","sn35.93:1.13","sn35.93:1.14","sn35.93:1.15"],"kind":"text","text":{"pi":"“Dvayaṁ, bhikkhave, paṭicca viññāṇaṁ sambhoti.\nKathañca, bhikkhave, dvayaṁ paṭicca viññāṇaṁ sambhoti?\nCakkhuñca paṭicca rūpe ca uppajjati cakkhuviññāṇaṁ.\nCakkhu aniccaṁ vipariṇāmi aññathābhāvi.\nRūpā aniccā vipariṇāmino aññathābhāvino.\nItthetaṁ dvayaṁ calañceva byathañca aniccaṁ vipariṇāmi aññathābhāvi.\nCakkhuviññāṇaṁ aniccaṁ vipariṇāmi aññathābhāvi.\nYopi hetu yopi paccayo cakkhuviññāṇassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppannaṁ cakkhuviññāṇaṁ kuto niccaṁ bhavissati.\nYā kho, bhikkhave, imesaṁ tiṇṇaṁ dhammānaṁ saṅgati sannipāto samavāyo, ayaṁ vuccati cakkhusamphasso.\nCakkhusamphassopi anicco vipariṇāmī aññathābhāvī.\nYopi hetu yopi paccayo cakkhusamphassassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppanno cakkhusamphasso kuto nicco bhavissati.\nPhuṭṭho, bhikkhave, vedeti, phuṭṭho ceteti, phuṭṭho sañjānāti.\nItthetepi dhammā calā ceva byathā ca aniccā vipariṇāmino aññathābhāvino …pe…","en":"“Mendicants, consciousness originates dependent on a duality.\nAnd what is that duality?\nEye consciousness arises dependent on the eye and sights.\nThe eye is impermanent, decaying, and perishing.\nSights are impermanent, decaying, and perishing.\nSo this duality is tottering and toppling; it’s impermanent, decaying, and perishing.\nEye consciousness is impermanent, decaying, and perishing.\nAnd the causes and reasons that give rise to eye consciousness are also impermanent, decaying, and perishing.\nBut since eye consciousness has arisen dependent on conditions that are impermanent, how could it be permanent?\nThe meeting, coming together, and joining together of these three things is called eye contact.\nEye contact is also impermanent, decaying, and perishing.\nAnd the causes and reasons that give rise to eye contact are also impermanent, decaying, and perishing.\nBut since eye contact has arisen dependent on conditions that are impermanent, how could it be permanent?\nContacted one feels; contacted one intends; contacted one perceives.\nSo these things too are tottering and toppling; they’re impermanent, decaying, and perishing."}},{"id":"sn35.93:2","sourceIds":["sn35.93:2.1","sn35.93:2.2","sn35.93:2.3","sn35.93:2.4","sn35.93:2.5","sn35.93:2.6","sn35.93:2.7","sn35.93:2.8","sn35.93:2.9","sn35.93:2.10","sn35.93:2.11","sn35.93:2.12","sn35.93:2.13"],"kind":"text","text":{"pi":"Jivhañca paṭicca rase ca uppajjati jivhāviññāṇaṁ.\nJivhā aniccā vipariṇāmī aññathābhāvī.\nRasā aniccā vipariṇāmino aññathābhāvino.\nItthetaṁ dvayaṁ calañceva byathañca aniccaṁ vipariṇāmi aññathābhāvi.\nJivhāviññāṇaṁ aniccaṁ vipariṇāmi aññathābhāvi.\nYopi hetu yopi paccayo jivhāviññāṇassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppannaṁ jivhāviññāṇaṁ, kuto niccaṁ bhavissati.\nYā kho, bhikkhave, imesaṁ tiṇṇaṁ dhammānaṁ saṅgati sannipāto samavāyo, ayaṁ vuccati jivhāsamphasso.\nJivhāsamphassopi anicco vipariṇāmī aññathābhāvī.\nYopi hetu yopi paccayo jivhāsamphassassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppanno jivhāsamphasso, kuto nicco bhavissati.\nPhuṭṭho, bhikkhave, vedeti, phuṭṭho ceteti, phuṭṭho sañjānāti.\nItthetepi dhammā calā ceva byathā ca aniccā vipariṇāmino aññathābhāvino …pe…","en":"Ear consciousness … Nose consciousness … Tongue consciousness … Body consciousness …"}},{"id":"sn35.93:3","sourceIds":["sn35.93:3.1","sn35.93:3.2","sn35.93:3.3","sn35.93:3.4","sn35.93:3.5","sn35.93:3.6","sn35.93:3.7","sn35.93:3.8","sn35.93:3.9","sn35.93:3.10","sn35.93:3.11","sn35.93:3.12","sn35.93:3.13","sn35.93:3.14","sn35.93:3.15","sn35.93:3.16"],"kind":"text","text":{"pi":"Manañca paṭicca dhamme ca uppajjati manoviññāṇaṁ.\nMano anicco vipariṇāmī aññathābhāvī.\nDhammā aniccā vipariṇāmino aññathābhāvino.\nItthetaṁ dvayaṁ calañceva byathañca aniccaṁ vipariṇāmi aññathābhāvi.\nManoviññāṇaṁ aniccaṁ vipariṇāmi aññathābhāvi.\nYopi hetu yopi paccayo manoviññāṇassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppannaṁ manoviññāṇaṁ, kuto niccaṁ bhavissati.\nYā kho, bhikkhave, imesaṁ tiṇṇaṁ dhammānaṁ saṅgati sannipāto samavāyo, ayaṁ vuccati manosamphasso.\nManosamphassopi anicco vipariṇāmī aññathābhāvī.\nYopi hetu yopi paccayo manosamphassassa uppādāya, sopi hetu sopi paccayo anicco vipariṇāmī aññathābhāvī.\nAniccaṁ kho pana, bhikkhave, paccayaṁ paṭicca uppanno manosamphasso, kuto nicco bhavissati.\nPhuṭṭho, bhikkhave, vedeti, phuṭṭho ceteti, phuṭṭho sañjānāti.\nItthetepi dhammā calā ceva byathā ca aniccā vipariṇāmino aññathābhāvino.\nEvaṁ kho, bhikkhave, dvayaṁ paṭicca viññāṇaṁ sambhotī”ti.\nDasamaṁ.\nChannavaggo catuttho.","en":"Mind consciousness arises dependent on the mind and ideas.\nThe mind is impermanent, decaying, and perishing.\nIdeas are impermanent, decaying, and perishing.\nSo this duality is tottering and toppling; it’s impermanent, decaying, and perishing.\nMind consciousness is impermanent, decaying, and perishing.\nAnd the causes and reasons that give rise to mind consciousness are also impermanent, decaying, and perishing.\nBut since mind consciousness has arisen dependent on conditions that are impermanent, how could it be permanent?\nThe meeting, coming together, and joining together of these three things is called mind contact.\nMind contact is also impermanent, decaying, and perishing.\nAnd the causes and reasons that give rise to mind contact are also impermanent, decaying, and perishing.\nBut since mind contact has arisen dependent on conditions that are impermanent, how could it be permanent?\nContacted one feels; contacted one intends; contacted one perceives.\nSo these things too are tottering and toppling; they’re impermanent, decaying, and perishing.\nThis is how consciousness originates dependent on a duality.”"}},{"id":"sn35.93:4","sourceIds":["sn35.93:4.0","sn35.93:4.1","sn35.93:4.2","sn35.93:4.3","sn35.93:4.4"],"kind":"text","text":{"pi":"Tassuddānaṁ\nPalokasuññā saṅkhittaṁ,\nchanno puṇṇo ca bāhiyo;\nEjena ca duve vuttā,\ndvayehi apare duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.93/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}