{"id":"sn36.10","title":"Rooted in Contact","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn36.10","title":"Rooted in Contact","units":[{"id":"sn36.10:0","sourceIds":["sn36.10:0.1","sn36.10:0.2","sn36.10:0.3"],"kind":"text","text":{"pi":"Saṁyutta Nikāya 36.10\n1. Sagāthāvagga\nPhassamūlakasutta","en":"Linked Discourses 36.10\n1. With Verses\nRooted in Contact"}},{"id":"sn36.10:1","sourceIds":["sn36.10:1.1","sn36.10:1.2","sn36.10:1.3","sn36.10:1.4","sn36.10:1.5","sn36.10:1.6","sn36.10:1.7","sn36.10:1.8","sn36.10:1.9","sn36.10:1.10","sn36.10:1.11","sn36.10:1.12","sn36.10:1.13","sn36.10:1.14","sn36.10:1.15"],"kind":"text","text":{"pi":"“Tisso imā, bhikkhave, vedanā phassajā phassamūlakā phassanidānā phassapaccayā.\nKatamā tisso?\nSukhā vedanā, dukkhā vedanā, adukkhamasukhā vedanā.\nSukhavedaniyaṁ, bhikkhave, phassaṁ paṭicca uppajjati sukhā vedanā.\nTasseva sukhavedaniyassa phassassa nirodhā, yaṁ tajjaṁ vedayitaṁ sukhavedaniyaṁ phassaṁ paṭicca uppannā sukhā vedanā, sā nirujjhati, sā vūpasammati.\nDukkhavedaniyaṁ, bhikkhave, phassaṁ paṭicca uppajjati dukkhā vedanā.\nTasseva dukkhavedaniyassa phassassa nirodhā, yaṁ tajjaṁ vedayitaṁ dukkhavedaniyaṁ phassaṁ paṭicca uppannā dukkhā vedanā, sā nirujjhati, sā vūpasammati.\nAdukkhamasukhavedaniyaṁ, bhikkhave, phassaṁ paṭicca uppajjati adukkhamasukhā vedanā.\nTasseva adukkhamasukhavedaniyassa phassassa nirodhā, yaṁ tajjaṁ vedayitaṁ adukkhamasukhavedaniyaṁ phassaṁ paṭicca uppannā adukkhamasukhā vedanā, sā nirujjhati, sā vūpasammati.\nSeyyathāpi, bhikkhave, dvinnaṁ kaṭṭhānaṁ saṅghaṭṭanasamodhānā usmā jāyati, tejo abhinibbattati. Tesaṁyeva kaṭṭhānaṁ nānābhāvā vinikkhepā, yā tajjā usmā, sā nirujjhati, sā vūpasammati.\nEvameva kho, bhikkhave, imā tisso vedanā phassajā phassamūlakā phassanidānā phassapaccayā.\nTajjaṁ phassaṁ paṭicca tajjā vedanā uppajjanti.\nTajjassa phassassa nirodhā tajjā vedanā nirujjhantī”ti.\nDasamaṁ.\nVedanāsaṁyuttassa sagāthāvaggo paṭhamo.","en":"“Mendicants, these three feelings are born, rooted, sourced, and dependent on contact.\nWhat three?\nPleasant, painful, and neutral feeling.\nPleasant feeling arises dependent on a contact to be experienced as pleasant.\nWith the cessation of that contact to be experienced as pleasant, the corresponding pleasant feeling ceases and stops.\nPainful feeling arises dependent on a contact to be experienced as painful.\nWith the cessation of that contact to be experienced as painful, the corresponding painful feeling ceases and stops.\nNeutral feeling arises dependent on a contact to be experienced as neutral.\nWith the cessation of that contact to be experienced as neutral, the corresponding neutral feeling ceases and stops.\nWhen you rub two sticks together, heat is generated and fire is produced. But when you part the sticks and lay them aside, any corresponding heat ceases and stops.\nIn the same way, these three feelings are born, rooted, sourced, and dependent on contact.\nThe appropriate feeling arises dependent on the corresponding contact.\nWhen the corresponding contact ceases, the appropriate feeling ceases.”"}},{"id":"sn36.10:2","sourceIds":["sn36.10:2.0","sn36.10:2.1","sn36.10:2.2","sn36.10:2.3","sn36.10:2.4"],"kind":"text","text":{"pi":"Tassuddānaṁ\nSamādhi sukhaṁ pahānena,\npātālaṁ daṭṭhabbena ca;\nSallena ceva gelaññā,\nanicca phassamūlakāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn36.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}