{"id":"sn36.20","title":"A Mendicant","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn36.20","title":"A Mendicant","units":[{"id":"sn36.20:0","sourceIds":["sn36.20:0.1","sn36.20:0.2","sn36.20:0.3"],"kind":"text","text":{"pi":"Saṁyutta Nikāya 36.20\n2. Rahogatavagga\nBhikkhusutta","en":"Linked Discourses 36.20\n2. In Private\nA Mendicant"}},{"id":"sn36.20:1","sourceIds":["sn36.20:1.1","sn36.20:1.2","sn36.20:1.3","sn36.20:1.4","sn36.20:1.5"],"kind":"text","text":{"pi":"“Dvepi mayā, bhikkhave, vedanā vuttā pariyāyena, tissopi mayā vedanā vuttā pariyāyena, pañcapi mayā vedanā vuttā pariyāyena, chapi mayā vedanā vuttā pariyāyena, aṭṭhārasāpi mayā vedanā vuttā pariyāyena, chattiṁsāpi mayā vedanā vuttā pariyāyena, aṭṭhasatampi mayā vedanā vuttā pariyāyena.\nEvaṁ pariyāyadesito, bhikkhave, mayā dhammo.\nEvaṁ pariyāyadesite kho, bhikkhave, mayā dhamme ye aññamaññassa subhāsitaṁ sulapitaṁ na samanumaññissanti, na samanujānissanti, na samanumodissanti, tesaṁ etaṁ pāṭikaṅkhaṁ—bhaṇḍanajātā kalahajātā vivādāpannā aññamaññaṁ mukhasattīhi vitudantā viharissantīti.\nEvaṁ pariyāyadesito, bhikkhave, mayā dhammo.\nEvaṁ pariyāyadesite kho, bhikkhave, mayā dhamme ye aññamaññassa subhāsitaṁ sulapitaṁ samanumaññissanti samanujānissanti samanumodissanti, tesaṁ etaṁ pāṭikaṅkhaṁ—samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharissantīti.","en":"“Mendicants, in one explanation I’ve spoken of two feelings. In another explanation I’ve spoken of three feelings, or five, six, eighteen, thirty-six, or a hundred and eight feelings.\nI’ve taught the Dhamma with all these explanations.\nThis being so, you can expect that those who don’t concede, approve, or agree with what has been well spoken will fight, quarrel, and dispute, continually wounding each other with barbed words.\nI’ve taught the Dhamma with all these explanations.\nThis being so, you can expect that those who do concede, approve, or agree with what has been well spoken will live in harmony, appreciating each other, without dispute, blending like milk and water, and regarding each other with kindly eyes."}},{"id":"sn36.20:2","sourceIds":["sn36.20:2.1","sn36.20:2.2","sn36.20:2.3","sn36.20:2.4","sn36.20:2.5","sn36.20:2.6","sn36.20:2.7","sn36.20:2.8","sn36.20:2.9"],"kind":"text","text":{"pi":"Pañcime, bhikkhave, kāmaguṇā …pe…\nṭhānaṁ kho panetaṁ, bhikkhave, vijjati yaṁ aññatitthiyā paribbājakā evaṁ vadeyyuṁ:\n‘saññāvedayitanirodhaṁ samaṇo gotamo āha, tañca sukhasmiṁ paññapeti.\nTayidaṁ kiṁsu, tayidaṁ kathaṁsū’ti?\nEvaṁvādino, bhikkhave, aññatitthiyā paribbājakā evamassu vacanīyā:\n‘na kho, āvuso, bhagavā sukhaññeva vedanaṁ sandhāya sukhasmiṁ paññapeti.\nYattha yattha, āvuso, sukhaṁ upalabbhati yahiṁ yahiṁ, taṁ taṁ tathāgato sukhasmiṁ paññapetī’”ti.\nDasamaṁ.\nRahogatavaggo dutiyo.","en":"There are these five kinds of sensual stimulation. …\nIt’s possible that wanderers of other religions might say:\n‘The ascetic Gotama spoke of the cessation of perception and feeling, and he includes it in happiness.\nWhat’s up with that?’\nMendicants, when wanderers of other religions say this, you should say to them:\n‘Reverends, when the Buddha describes what’s included in happiness, he’s not just referring to pleasant feeling.\nThe Realized One describes pleasure as included in happiness wherever it is found, and in whatever context.’”"}},{"id":"sn36.20:3","sourceIds":["sn36.20:3.0","sn36.20:3.1","sn36.20:3.2","sn36.20:3.3","sn36.20:3.4"],"kind":"text","text":{"pi":"Tassuddānaṁ\nRahogataṁ dve ākāsaṁ,\nagāraṁ dve ca ānandā;\nSambahulā duve vuttā,\npañcakaṅgo ca bhikkhunāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn36.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}