{"id":"sn36.6","title":"An Arrow","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn36.6","title":"An Arrow","units":[{"id":"sn36.6:0","sourceIds":["sn36.6:0.1","sn36.6:0.2","sn36.6:0.3"],"kind":"text","text":{"pi":"Saṁyutta Nikāya 36.6\n1. Sagāthāvagga\nSallasutta","en":"Linked Discourses 36.6\n1. With Verses\nAn Arrow"}},{"id":"sn36.6:1","sourceIds":["sn36.6:1.1","sn36.6:1.2","sn36.6:1.3","sn36.6:1.4","sn36.6:1.5","sn36.6:1.6","sn36.6:1.7","sn36.6:1.8","sn36.6:1.9","sn36.6:1.10","sn36.6:1.11","sn36.6:1.12","sn36.6:1.13","sn36.6:1.14","sn36.6:1.15","sn36.6:1.16","sn36.6:1.17","sn36.6:1.18","sn36.6:1.19","sn36.6:1.20","sn36.6:1.21","sn36.6:1.22","sn36.6:1.23","sn36.6:1.24","sn36.6:1.25"],"kind":"text","text":{"pi":"“Assutavā, bhikkhave, puthujjano sukhampi vedanaṁ vedayati, dukkhampi vedanaṁ vedayati, adukkhamasukhampi vedanaṁ vedayati.\nSutavā, bhikkhave, ariyasāvako sukhampi vedanaṁ vedayati, dukkhampi vedanaṁ vedayati, adukkhamasukhampi vedanaṁ vedayati.\nTatra, bhikkhave, ko viseso ko adhippayāso kiṁ nānākaraṇaṁ sutavato ariyasāvakassa assutavatā puthujjanenā”ti?\nBhagavaṁmūlakā no, bhante, dhammā …pe…\nassutavā, bhikkhave, puthujjano dukkhāya vedanāya phuṭṭho samāno socati kilamati paridevati urattāḷiṁ kandati sammohaṁ āpajjati.\nSo dve vedanā vedayati—\nkāyikañca, cetasikañca.\nSeyyathāpi, bhikkhave, purisaṁ sallena vijjheyya.\nTamenaṁ dutiyena sallena anuvedhaṁ vijjheyya.\nEvañhi so, bhikkhave, puriso dvisallena vedanaṁ vedayati.\nEvameva kho, bhikkhave, assutavā puthujjano dukkhāya vedanāya phuṭṭho samāno socati kilamati paridevati urattāḷiṁ kandati sammohaṁ āpajjati.\nSo dve vedanā vedayati—\nkāyikañca, cetasikañca.\nTassāyeva kho pana dukkhāya vedanāya phuṭṭho samāno paṭighavā hoti.\nTamenaṁ dukkhāya vedanāya paṭighavantaṁ, yo dukkhāya vedanāya paṭighānusayo, so anuseti.\nSo dukkhāya vedanāya phuṭṭho samāno kāmasukhaṁ abhinandati.\nTaṁ kissa hetu?\nNa hi so, bhikkhave, pajānāti assutavā puthujjano aññatra kāmasukhā dukkhāya vedanāya nissaraṇaṁ,\ntassa kāmasukhañca abhinandato, yo sukhāya vedanāya rāgānusayo, so anuseti.\nSo tāsaṁ vedanānaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānāti.\nTassa tāsaṁ vedanānaṁ samudayañca atthaṅgamañca assādañca ādīnavañca nissaraṇañca yathābhūtaṁ appajānato, yo adukkhamasukhāya vedanāya avijjānusayo, so anuseti.\nSo sukhañce vedanaṁ vedayati, saññutto naṁ vedayati.\nDukkhañce vedanaṁ vedayati, saññutto naṁ vedayati.\nAdukkhamasukhañce vedanaṁ vedayati, saññutto naṁ vedayati.\nAyaṁ vuccati, bhikkhave, ‘assutavā puthujjano saññutto jātiyā jarāya maraṇena sokehi paridevehi dukkhehi domanassehi upāyāsehi, saññutto dukkhasmā’ti vadāmi.","en":"“Mendicants, an unlearned ordinary person feels pleasant, painful, and neutral feelings.\nA learned noble disciple also feels pleasant, painful, and neutral feelings.\nWhat, then, is the difference between a learned noble disciple and an ordinary unlearned person?”\n“Our teachings are rooted in the Buddha. …”\n“When an unlearned ordinary person experiences painful physical feelings they sorrow and wail and lament, beating their breast and falling into confusion.\nThey experience two feelings:\nphysical and mental.\nIt’s like a person who is struck with an arrow,\nonly to be struck with a second arrow.\nThat person experiences the feeling of two arrows.\nIn the same way, when an unlearned ordinary person experiences painful physical feelings they sorrow and wail and lament, beating their breast and falling into confusion.\nThey experience two feelings:\nphysical and mental.\nWhen they’re touched by painful feeling, they resist it.\nThe underlying tendency for aversion toward painful feeling underlies that.\nWhen touched by painful feeling they look forward to enjoying sensual pleasures.\nWhy is that?\nBecause an unlearned ordinary person doesn’t understand any escape from painful feeling apart from sensual pleasures.\nSince they look forward to enjoying sensual pleasures, the underlying tendency to greed for pleasant feeling underlies that.\nThey don’t truly understand feelings’ origin, disappearance, gratification, drawback, and escape.\nThe underlying tendency to ignorance about neutral feeling underlies that.\nIf they feel a pleasant feeling, they feel it attached.\nIf they feel a painful feeling, they feel it attached.\nIf they feel a neutral feeling, they feel it attached.\nThey’re called an unlearned ordinary person who is attached to rebirth, old age, and death, to sorrow, lamentation, pain, sadness, and distress. They are attached to suffering, I say."}},{"id":"sn36.6:2","sourceIds":["sn36.6:2.1","sn36.6:2.2","sn36.6:2.3"],"kind":"text","text":{"pi":"Sutavā ca kho, bhikkhave, ariyasāvako dukkhāya vedanāya phuṭṭho samāno na socati, na kilamati, na paridevati, na urattāḷiṁ kandati, na sammohaṁ āpajjati.\nSo ekaṁ vedanaṁ vedayati—\nkāyikaṁ, na cetasikaṁ.","en":"When a learned noble disciple experiences painful physical feelings they don’t sorrow or wail or lament, beating their breast and falling into confusion.\nThey experience one feeling:\nphysical, not mental."}},{"id":"sn36.6:3","sourceIds":["sn36.6:3.1","sn36.6:3.2","sn36.6:3.3","sn36.6:3.4","sn36.6:3.5","sn36.6:3.6","sn36.6:3.7","sn36.6:3.8","sn36.6:3.9","sn36.6:3.10","sn36.6:3.11","sn36.6:3.12","sn36.6:3.13","sn36.6:3.14","sn36.6:3.15","sn36.6:3.16","sn36.6:3.17","sn36.6:3.18","sn36.6:3.19"],"kind":"text","text":{"pi":"Seyyathāpi, bhikkhave, purisaṁ sallena vijjheyya.\nTamenaṁ dutiyena sallena anuvedhaṁ na vijjheyya.\nEvañhi so, bhikkhave, puriso ekasallena vedanaṁ vedayati.\nEvameva kho, bhikkhave, sutavā ariyasāvako dukkhāya vedanāya phuṭṭho samāno na socati, na kilamati, na paridevati, na urattāḷiṁ kandati, na sammohaṁ āpajjati.\nSo ekaṁ vedanaṁ vedayati—\nkāyikaṁ, na cetasikaṁ.\nTassāyeva kho pana dukkhāya vedanāya phuṭṭho samāno paṭighavā na hoti.\nTamenaṁ dukkhāya vedanāya appaṭighavantaṁ, yo dukkhāya vedanāya paṭighānusayo, so nānuseti.\nSo dukkhāya vedanāya phuṭṭho samāno kāmasukhaṁ nābhinandati.\nTaṁ kissa hetu?\nPajānāti hi so, bhikkhave, sutavā ariyasāvako aññatra kāmasukhā dukkhāya vedanāya nissaraṇaṁ.\nTassa kāmasukhaṁ nābhinandato yo sukhāya vedanāya rāgānusayo, so nānuseti.\nSo tāsaṁ vedanānaṁ samudayañca atthaṅgamañca assādañca ādīnavaṁ ca nissaraṇañca yathābhūtaṁ pajānāti.\nTassa tāsaṁ vedanānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānato, yo adukkhamasukhāya vedanāya avijjānusayo, so nānuseti.\nSo sukhañce vedanaṁ vedayati, visaññutto naṁ vedayati.\nDukkhañce vedanaṁ vedayati, visaññutto naṁ vedayati.\nAdukkhamasukhañce vedanaṁ vedayati, visaññutto naṁ vedayati.\nAyaṁ vuccati, bhikkhave, ‘sutavā ariyasāvako visaññutto jātiyā jarāya maraṇena sokehi paridevehi dukkhehi domanassehi upāyāsehi, visaññutto dukkhasmā’ti vadāmi.\nAyaṁ kho, bhikkhave, viseso, ayaṁ adhippayāso, idaṁ nānākaraṇaṁ sutavato ariyasāvakassa assutavatā puthujjanenāti.","en":"It’s like a person who is struck with an arrow,\nbut was not struck with a second arrow.\nThat person would experience the feeling of one arrow.\nIn the same way, when a learned noble disciple experiences painful physical feelings they don’t sorrow or wail or lament, beating their breast and falling into confusion.\nThey experience one feeling:\nphysical, not mental.\nWhen they’re touched by painful feeling, they don’t resist it.\nThere’s no underlying tendency for aversion toward painful feeling underlying that.\nWhen touched by painful feeling they don’t look forward to enjoying sensual pleasures.\nWhy is that?\nBecause a learned noble disciple understands an escape from painful feeling apart from sensual pleasures.\nSince they don’t look forward to enjoying sensual pleasures, there’s no underlying tendency to greed for pleasant feeling underlying that.\nThey truly understand feelings’ origin, disappearance, gratification, drawback, and escape.\nThere’s no underlying tendency to ignorance about neutral feeling underlying that.\nIf they feel a pleasant feeling, they feel it detached.\nIf they feel a painful feeling, they feel it detached.\nIf they feel a neutral feeling, they feel it detached.\nThey’re called a learned noble disciple who is detached from rebirth, old age, and death, from sorrow, lamentation, pain, sadness, and distress. They are detached from suffering, I say.\nThis is the difference between a learned noble disciple and an unlearned ordinary person."}},{"id":"sn36.6:4","sourceIds":["sn36.6:4.1","sn36.6:4.2","sn36.6:4.3","sn36.6:4.4"],"kind":"text","text":{"pi":"Na vedanaṁ vedayati sapañño,\nSukhampi dukkhampi bahussutopi;\nAyañca dhīrassa puthujjanena,\nMahā viseso kusalassa hoti.","en":"A wise and learned person does not not feel\nthe feeling of pleasure and pain.\nThis is the great difference of skill\nbetween the attentive one and the ordinary."}},{"id":"sn36.6:5","sourceIds":["sn36.6:5.1","sn36.6:5.2","sn36.6:5.3","sn36.6:5.4"],"kind":"text","text":{"pi":"Saṅkhātadhammassa bahussutassa,\nVipassato lokamimaṁ parañca;\nIṭṭhassa dhammā na mathenti cittaṁ,\nAniṭṭhato no paṭighātameti.","en":"A learned person who has appraised the teaching\ndiscerns this world and the next.\nDesirable things don’t disturb their mind,\nnor are they repelled by the undesirable."}},{"id":"sn36.6:6","sourceIds":["sn36.6:6.1","sn36.6:6.2","sn36.6:6.3","sn36.6:6.4","sn36.6:6.5"],"kind":"text","text":{"pi":"Tassānurodhā athavā virodhā,\nVidhūpitā atthagatā na santi;\nPadañca ñatvā virajaṁ asokaṁ,\nSammā pajānāti bhavassa pāragū”ti.\nChaṭṭhaṁ.","en":"Both favoring and opposing\nare cleared and ended, and are no more.\nKnowing the stainless, sorrowless state,\nthey who have gone beyond rebirth understand rightly.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn36.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}