{"id":"sn38.13","title":"A Question About States of Existence","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.13","title":"A Question About States of Existence","units":[{"id":"sn38.13:0","sourceIds":["sn38.13:0.1","sn38.13:0.2","sn38.13:0.3"],"kind":"text","text":{"pi":"Saṁyutta Nikāya 38.13\n1. Jambukhādakavagga\nBhavapañhāsutta","en":"Linked Discourses 38.13\n1. With Jambukhādaka\nA Question About States of Existence"}},{"id":"sn38.13:1","sourceIds":["sn38.13:1.1","sn38.13:1.2","sn38.13:1.3","sn38.13:1.4","sn38.13:1.5","sn38.13:1.6","sn38.13:1.7","sn38.13:1.8","sn38.13:1.9","sn38.13:1.10","sn38.13:1.11","sn38.13:1.12","sn38.13:1.13","sn38.13:1.14"],"kind":"text","text":{"pi":"“‘Bhavo, bhavo’ti, āvuso sāriputta, vuccati.\nKatamo nu kho, āvuso, bhavo”ti?\n“Tayome, āvuso, bhavā.\nKāmabhavo, rūpabhavo, arūpabhavo—\nime kho, āvuso, tayo bhavā”ti.\n“Atthi panāvuso, maggo atthi paṭipadā, etesaṁ bhavānaṁ pariññāyā”ti?\n“Atthi kho, āvuso, maggo atthi paṭipadā, etesaṁ bhavānaṁ pariññāyā”ti.\n“Katamo, panāvuso, maggo katamā paṭipadā, etesaṁ bhavānaṁ pariññāyā”ti?\n“Ayameva kho, āvuso, ariyo aṭṭhaṅgiko maggo, etesaṁ bhavānaṁ pariññāya, seyyathidaṁ—\nsammādiṭṭhi …pe… sammāsamādhi.\nAyaṁ kho, āvuso, maggo ayaṁ paṭipadā, etesaṁ bhavānaṁ pariññāyā”ti.\n“Bhaddako, āvuso, maggo bhaddikā paṭipadā, etesaṁ bhavānaṁ pariññāya.\nAlañca panāvuso sāriputta, appamādāyā”ti.\nTerasamaṁ.","en":"“Reverend Sāriputta, they speak of this thing called ‘continued existence’.\nWhat is continued existence?”\n“Reverend, there are these three states of continued existence.\nExistence in the sensual realm, the realm of luminous form, and the formless realm.\nThese are the three states of continued existence.”\n“But, reverend, is there a path and a practice for completely understanding these three states of existence?”\n“There is.” …"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}