{"id":"sn38.14","title":"A Question About Suffering","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.14","title":"A Question About Suffering","units":[{"id":"sn38.14:0","sourceIds":["sn38.14:0.1","sn38.14:0.2","sn38.14:0.3"],"kind":"text","text":{"pi":"Saṁyutta Nikāya 38.14\n1. Jambukhādakavagga\nDukkhapañhāsutta","en":"Linked Discourses 38.14\n1. With Jambukhādaka\nA Question About Suffering"}},{"id":"sn38.14:1","sourceIds":["sn38.14:1.1","sn38.14:1.2","sn38.14:1.3","sn38.14:1.4","sn38.14:1.5","sn38.14:1.6","sn38.14:1.7","sn38.14:1.8","sn38.14:1.9","sn38.14:1.10","sn38.14:1.11","sn38.14:1.12","sn38.14:1.13","sn38.14:1.14"],"kind":"text","text":{"pi":"“‘Dukkhaṁ, dukkhan’ti, āvuso sāriputta, vuccati.\nKatamaṁ nu kho, āvuso, dukkhan”ti?\n“Tisso imā, āvuso, dukkhatā.\nDukkhadukkhatā, saṅkhāradukkhatā, vipariṇāmadukkhatā—\nimā kho, āvuso, tisso dukkhatā”ti.\n“Atthi panāvuso maggo atthi paṭipadā, etāsaṁ dukkhatānaṁ pariññāyā”ti?\n“Atthi kho, āvuso, maggo atthi paṭipadā, etāsaṁ dukkhatānaṁ pariññāyā”ti.\n“Katamo panāvuso, maggo katamā paṭipadā, etāsaṁ dukkhatānaṁ pariññāyā”ti?\n“Ayameva kho, āvuso, ariyo aṭṭhaṅgiko maggo, etāsaṁ dukkhatānaṁ pariññāya, seyyathidaṁ—\nsammādiṭṭhi …pe… sammāsamādhi.\nAyaṁ kho, āvuso, maggo ayaṁ paṭipadā, etāsaṁ dukkhatānaṁ pariññāyā”ti.\n“Bhaddako, āvuso, maggo bhaddikā paṭipadā, etāsaṁ dukkhatānaṁ pariññāya.\nAlañca panāvuso sāriputta, appamādāyā”ti.\nCuddasamaṁ.","en":"“Reverend Sāriputta, they speak of this thing called ‘suffering’.\nWhat is suffering?”\n“Reverend, there are these three forms of suffering.\nThe suffering inherent in painful feeling; the suffering inherent in conditions; and the suffering inherent in perishing.\nThese are the three forms of suffering.”\n“But, reverend, is there a path and a practice for completely understanding these forms of suffering?”\n“There is.” …"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}