{"id":"sn38.5","title":"Solace","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.5","title":"Solace","units":[{"id":"sn38.5:0","sourceIds":["sn38.5:0.1","sn38.5:0.2","sn38.5:0.3"],"kind":"text","text":{"pi":"Saṁyutta Nikāya 38.5\n1. Jambukhādakavagga\nAssāsappattasutta","en":"Linked Discourses 38.5\n1. With Jambukhādaka\nSolace"}},{"id":"sn38.5:1","sourceIds":["sn38.5:1.1","sn38.5:1.2","sn38.5:1.3","sn38.5:1.4","sn38.5:1.5","sn38.5:1.6","sn38.5:1.7","sn38.5:1.8","sn38.5:1.9","sn38.5:1.10","sn38.5:1.11","sn38.5:1.12"],"kind":"text","text":{"pi":"“‘Assāsappatto, assāsappatto’ti, āvuso sāriputta, vuccati.\nKittāvatā nu kho, āvuso, assāsappatto hotī”ti?\n“Yato kho, āvuso, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānāti, ettāvatā kho, āvuso, assāsappatto hotī”ti.\n“Atthi panāvuso, maggo atthi paṭipadā, etassa assāsassa sacchikiriyāyā”ti?\n“Atthi kho, āvuso, maggo atthi paṭipadā, etassa assāsassa sacchikiriyāyā”ti.\n“Katamo panāvuso, maggo katamā paṭipadā, etassa assāsassa sacchikiriyāyā”ti?\n“Ayameva kho, āvuso, ariyo aṭṭhaṅgiko maggo etassa assāsassa sacchikiriyāya, seyyathidaṁ—\nsammādiṭṭhi …pe… sammāsamādhi.\nAyaṁ kho, āvuso, maggo ayaṁ paṭipadā, etassa assāsassa sacchikiriyāyā”ti.\n“Bhaddako, āvuso, maggo bhaddikā paṭipadā, etassa assāsassa sacchikiriyāya.\nAlañca panāvuso sāriputta, appamādāyā”ti.\nPañcamaṁ.","en":"“Reverend Sāriputta, they speak of this thing called ‘gaining solace’.\nAt what point do you gain solace?”\n“When a mendicant truly understands the six fields of contact’s origin, disappearance, gratification, drawback, and escape, at that point they’ve gained solace.”\n“But, reverend, is there a path and a practice for realizing this solace?”\n“There is.” …"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}