{"id":"sn4.16","title":"The Alms Bowls","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn4.16","title":"The Alms Bowls","units":[{"id":"sn4.16:0","sourceIds":["sn4.16:0.1","sn4.16:0.2","sn4.16:0.3"],"kind":"text","text":{"pi":"Saṁyutta Nikāya 4.16\n2. Dutiyavagga\nPattasutta","en":"Linked Discourses 4.16\n2. Rule\nThe Alms Bowls"}},{"id":"sn4.16:1","sourceIds":["sn4.16:1.1","sn4.16:1.2","sn4.16:1.3"],"kind":"text","text":{"pi":"Sāvatthinidānaṁ.\nTena kho pana samayena bhagavā pañcannaṁ upādānakkhandhānaṁ upādāya bhikkhūnaṁ dhammiyā kathāya sandasseti samādapeti samuttejeti sampahaṁseti.\nTe ca bhikkhū aṭṭhiṁ katvā manasi katvā sabbacetasā samannāharitvā ohitasotā dhammaṁ suṇanti.","en":"At Sāvatthī.\nNow at that time the Buddha was educating, encouraging, firing up, and inspiring the mendicants with a Dhamma talk on the topic of the five grasping aggregates.\nAnd those mendicants were paying attention, applying the mind, concentrating wholeheartedly, and actively listening."}},{"id":"sn4.16:2","sourceIds":["sn4.16:2.1","sn4.16:2.2","sn4.16:2.3","sn4.16:2.4"],"kind":"text","text":{"pi":"Atha kho mārassa pāpimato etadahosi:\n“ayaṁ kho samaṇo gotamo pañcannaṁ upādānakkhandhānaṁ upādāya bhikkhūnaṁ dhammiyā kathāya sandasseti samādapeti samuttejeti sampahaṁseti.\nTe ca bhikkhū aṭṭhiṁ katvā manasi katvā sabbacetasā samannāharitvā ohitasotā dhammaṁ suṇanti.\nYannūnāhaṁ yena samaṇo gotamo tenupasaṅkameyyaṁ vicakkhukammāyā”ti.","en":"Then Māra thought,\n“This ascetic Gotama is educating, encouraging, firing up, and inspiring the mendicants with a Dhamma talk on the topic of the five grasping aggregates.\nAnd the mendicants are paying attention, applying the mind, concentrating wholeheartedly, and actively listening.\nWhy don’t I go and pull the wool over their eyes?”"}},{"id":"sn4.16:3","sourceIds":["sn4.16:3.1","sn4.16:3.2","sn4.16:3.3","sn4.16:3.4","sn4.16:3.5","sn4.16:3.6","sn4.16:3.7","sn4.16:3.8"],"kind":"text","text":{"pi":"Tena kho pana samayena sambahulā pattā abbhokāse nikkhittā honti.\nAtha kho māro pāpimā balībaddavaṇṇaṁ abhinimminitvā yena te pattā tenupasaṅkami.\nAtha kho aññataro bhikkhu aññataraṁ bhikkhuṁ etadavoca:\n“bhikkhu bhikkhu, eso balībaddo patte bhindeyyā”ti.\nEvaṁ vutte, bhagavā taṁ bhikkhuṁ etadavoca:\n“na so, bhikkhu, balībaddo.\nMāro eso pāpimā tumhākaṁ vicakkhukammāya āgato”ti.\nAtha kho bhagavā “māro ayaṁ pāpimā” iti viditvā māraṁ pāpimantaṁ gāthāya ajjhabhāsi:","en":"At that time several alms bowls were placed in the open air.\nThen Māra the Wicked manifested in the form of an ox and approached those bowls.\nOne of the mendicants said to another,\n“Mendicant, mendicant, that ox will break the bowls.”\nWhen this was said, the Buddha said to that mendicant,\n“Mendicant, that’s no ox.\nThat’s Māra the Wicked come to pull the wool over your eyes!”\nThen the Buddha, knowing that this was Māra the Wicked, addressed him in verse:"}},{"id":"sn4.16:4","sourceIds":["sn4.16:4.1","sn4.16:4.2","sn4.16:4.3","sn4.16:4.4"],"kind":"text","text":{"pi":"“Rūpaṁ vedayitaṁ saññā,\nviññāṇaṁ yañca saṅkhataṁ;\nNesohamasmi netaṁ me,\nevaṁ tattha virajjati.","en":"“Form, what is felt, and perception,\nconsciousness, and what is chosen:\n‘I am not this’ and ‘this is not mine’;\nthat’s how they become free of desire for them."}},{"id":"sn4.16:5","sourceIds":["sn4.16:5.1","sn4.16:5.2","sn4.16:5.3","sn4.16:5.4"],"kind":"text","text":{"pi":"Evaṁ virattaṁ khemattaṁ,\nsabbasaṁyojanātigaṁ;\nAnvesaṁ sabbaṭṭhānesu,\nmārasenāpi nājjhagā”ti.","en":"When you’re detached, secure,\nall fetters transcended,\nthough Māra and his army chase everywhere\nthey never find you.”"}},{"id":"sn4.16:6","sourceIds":["sn4.16:6.1"],"kind":"text","text":{"pi":"Atha kho māro pāpimā …pe… tatthevantaradhāyīti.","en":"Then Māra … vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn4.16/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}