{"id":"sn4.19","title":"A Farmer","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn4.19","title":"A Farmer","units":[{"id":"sn4.19:0","sourceIds":["sn4.19:0.1","sn4.19:0.2","sn4.19:0.3"],"kind":"text","text":{"pi":"Saṁyutta Nikāya 4.19\n2. Dutiyavagga\nKassakasutta","en":"Linked Discourses 4.19\n2. Rule\nA Farmer"}},{"id":"sn4.19:1","sourceIds":["sn4.19:1.1","sn4.19:1.2","sn4.19:1.3"],"kind":"text","text":{"pi":"Sāvatthinidānaṁ.\nTena kho pana samayena bhagavā bhikkhūnaṁ nibbānapaṭisaṁyuttāya dhammiyā kathāya sandasseti samādapeti samuttejeti sampahaṁseti.\nTe ca bhikkhū aṭṭhiṁ katvā manasi katvā sabbacetasā samannāharitvā ohitasotā dhammaṁ suṇanti.","en":"At Sāvatthī.\nNow at that time the Buddha was educating, encouraging, firing up, and inspiring the mendicants with a Dhamma talk about extinguishment.\nAnd those mendicants were paying attention, applying the mind, concentrating wholeheartedly, and actively listening."}},{"id":"sn4.19:2","sourceIds":["sn4.19:2.1","sn4.19:2.2","sn4.19:2.3","sn4.19:2.4","sn4.19:2.5","sn4.19:2.6","sn4.19:2.7","sn4.19:2.8","sn4.19:2.9","sn4.19:2.10","sn4.19:2.11","sn4.19:2.12","sn4.19:2.13","sn4.19:2.14"],"kind":"text","text":{"pi":"Atha kho mārassa pāpimato etadahosi:\n“ayaṁ kho samaṇo gotamo bhikkhūnaṁ nibbānapaṭisaṁyuttāya dhammiyā kathāya …pe…\nyannūnāhaṁ yena samaṇo gotamo tenupasaṅkameyyaṁ vicakkhukammāyā”ti.\nAtha kho māro pāpimā kassakavaṇṇaṁ abhinimminitvā mahantaṁ naṅgalaṁ khandhe karitvā dīghapācanayaṭṭhiṁ gahetvā haṭahaṭakeso sāṇasāṭinivattho kaddamamakkhitehi pādehi yena bhagavā tenupasaṅkami; upasaṅkamitvā bhagavantaṁ etadavoca:\n“api, samaṇa, balībadde addasā”ti?\n“Kiṁ pana, pāpima, te balībaddehī”ti?\n“Mameva, samaṇa, cakkhu, mama rūpā, mama cakkhusamphassaviññāṇāyatanaṁ.\nKuhiṁ me, samaṇa, gantvā mokkhasi?\nMameva, samaṇa, sotaṁ, mama saddā …pe…\nmameva, samaṇa, ghānaṁ, mama gandhā;\nmameva, samaṇa, jivhā, mama rasā;\nmameva, samaṇa, kāyo, mama phoṭṭhabbā;\nmameva, samaṇa, mano, mama dhammā, mama manosamphassaviññāṇāyatanaṁ.\nKuhiṁ me, samaṇa, gantvā mokkhasī”ti?","en":"Then Māra thought,\n“The ascetic Gotama is giving a Dhamma talk about extinguishment … and the mendicants are listening well.\nWhy don’t I go and pull the wool over their eyes?”\nThen Māra the Wicked manifested in the form of a farmer carrying a large plough on his shoulder. He held a long goad, his hair was messy, he was clad in sunn hemp, and his feet were muddy. He went up to the Buddha and said to him,\n“So, ascetic, did you happen to see any oxen?”\n“But what have you to do with oxen, Wicked One?”\n“Mine alone, ascetic, is the eye, mine are sights, mine is the field of eye contact consciousness.\nWhere can you escape me, ascetic?\nMine alone is the ear …\nnose …\ntongue …\nbody …\nmind, mine are ideas, mine is the field of mind contact consciousness.\nWhere can you escape me, ascetic?”"}},{"id":"sn4.19:3","sourceIds":["sn4.19:3.1","sn4.19:3.2","sn4.19:3.3","sn4.19:3.4","sn4.19:3.5","sn4.19:3.6","sn4.19:3.7","sn4.19:3.8","sn4.19:3.9","sn4.19:3.10"],"kind":"text","text":{"pi":"“Taveva, pāpima, cakkhu, tava rūpā, tava cakkhusamphassaviññāṇāyatanaṁ.\nYattha ca kho, pāpima, natthi cakkhu, natthi rūpā, natthi cakkhusamphassaviññāṇāyatanaṁ, agati tava tattha, pāpima.\nTaveva, pāpima, sotaṁ, tava saddā, tava sotasamphassaviññāṇāyatanaṁ.\nYattha ca kho, pāpima, natthi sotaṁ, natthi saddā, natthi sotasamphassaviññāṇāyatanaṁ, agati tava tattha, pāpima.\nTaveva, pāpima, ghānaṁ, tava gandhā, tava ghānasamphassaviññāṇāyatanaṁ.\nYattha ca kho, pāpima, natthi ghānaṁ, natthi gandhā, natthi ghānasamphassaviññāṇāyatanaṁ, agati tava tattha, pāpima.\nTaveva, pāpima, jivhā, tava rasā, tava jivhāsamphassaviññāṇāyatanaṁ …pe…\ntaveva, pāpima, kāyo, tava phoṭṭhabbā, tava kāyasamphassaviññāṇāyatanaṁ …pe…\ntaveva, pāpima, mano, tava dhammā, tava manosamphassaviññāṇāyatanaṁ.\nYattha ca kho, pāpima, natthi mano, natthi dhammā, natthi manosamphassaviññāṇāyatanaṁ, agati tava tattha, pāpimā”ti.","en":"“Yours alone, Wicked One, is the eye, yours are sights, yours is the field of eye contact consciousness.\nWhere there is no eye, no sights, no eye contact consciousness—you have no place there, Wicked One!\nYours alone is the ear …\nnose …\ntongue …\nbody …\nmind, yours are ideas, yours is the field of mind contact consciousness.\nWhere there is no mind, no ideas, no mind contact consciousness—you have no place there, Wicked One!”"}},{"id":"sn4.19:4","sourceIds":["sn4.19:4.1","sn4.19:4.2","sn4.19:4.3","sn4.19:4.4"],"kind":"text","text":{"pi":"“Yaṁ vadanti mama yidanti,\nye vadanti mamanti ca;\nEttha ce te mano atthi,\nna me samaṇa mokkhasī”ti.","en":"“The things they call ‘mine’,\nand those who say ‘it’s mine’:\nif your mind remains there,\nyou won’t escape me, ascetic!”"}},{"id":"sn4.19:5","sourceIds":["sn4.19:5.1","sn4.19:5.2","sn4.19:5.3","sn4.19:5.4"],"kind":"text","text":{"pi":"“Yaṁ vadanti na taṁ mayhaṁ,\nye vadanti na te ahaṁ;\nEvaṁ pāpima jānāhi,\nna me maggampi dakkhasī”ti.","en":"“The things they speak of aren’t mine;\nI’m not someone who speaks like that.\nSo know this, Wicked One:\nyou won’t even see the path I take.”"}},{"id":"sn4.19:6","sourceIds":["sn4.19:6.1"],"kind":"text","text":{"pi":"Atha kho māro pāpimā …pe… tatthevantaradhāyīti.","en":"Then Māra … vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn4.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}