{"id":"sn4.21","title":"Several","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn4.21","title":"Several","units":[{"id":"sn4.21:0","sourceIds":["sn4.21:0.1","sn4.21:0.2","sn4.21:0.3"],"kind":"text","text":{"pi":"Saṁyutta Nikāya 4.21\n3. Tatiyavagga\nSambahulasutta","en":"Linked Discourses 4.21\n3. Māra\nSeveral"}},{"id":"sn4.21:1","sourceIds":["sn4.21:1.1","sn4.21:1.2","sn4.21:1.3","sn4.21:1.4","sn4.21:1.5","sn4.21:1.6","sn4.21:1.7","sn4.21:1.8","sn4.21:1.9","sn4.21:1.10","sn4.21:1.11","sn4.21:1.12"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati silāvatiyaṁ.\nTena kho pana samayena sambahulā bhikkhū bhagavato avidūre appamattā ātāpino pahitattā viharanti.\nAtha kho māro pāpimā brāhmaṇavaṇṇaṁ abhinimminitvā mahantena jaṭaṇḍuvena ajinakkhipanivattho jiṇṇo gopānasivaṅko ghurughurupassāsī udumbaradaṇḍaṁ gahetvā yena te bhikkhū tenupasaṅkami; upasaṅkamitvā te bhikkhū etadavoca:\n“daharā bhavanto pabbajitā susū kāḷakesā bhadrena yobbanena samannāgatā paṭhamena vayasā anikkīḷitāvino kāmesu.\nBhuñjantu bhavanto mānusake kāme.\nMā sandiṭṭhikaṁ hitvā kālikaṁ anudhāvitthā”ti.\n“Na kho mayaṁ, brāhmaṇa, sandiṭṭhikaṁ hitvā kālikaṁ anudhāvāma.\nKālikañca kho mayaṁ, brāhmaṇa, hitvā sandiṭṭhikaṁ anudhāvāma.\nKālikā hi, brāhmaṇa, kāmā vuttā bhagavatā bahudukkhā bahupāyāsā, ādīnavo ettha bhiyyo.\nSandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī”ti.\nEvaṁ vutte, māro pāpimā sīsaṁ okampetvā jivhaṁ nillāletvā tivisākhaṁ nalāṭe nalāṭikaṁ vuṭṭhāpetvā daṇḍamolubbha pakkāmi.","en":"So I have heard.\nAt one time the Buddha was staying in the land of the Sakyans near Silāvatī.\nNow at that time several mendicants were meditating not far from the Buddha, diligent, keen, and resolute.\nThen Māra the Wicked manifested in the form of a brahmin with a large matted dreadlock, wearing an antelope hide. He was old, bent double, wheezing, and held a staff made of cluster fig tree wood. He went up to those mendicants and said,\n“You’ve gone forth while young, reverends.  With pristine black hair, you’re blessed with youth, in the prime of life, and you’ve never flirted with sensual pleasures.\nEnjoy human sensual pleasures.\nDon’t give up what is apparent in the present to chase after what takes effect over time.”\n“Brahmin, that’s not what we’re doing.\nWe’re giving up what takes effect over time to chase after what is apparent in the present.\nFor the Buddha says that sensual pleasures take effect over time; they give much suffering and distress, and they are all the more full of drawbacks.\nBut this teaching is apparent in the present life, immediately effective, inviting inspection, relevant, so that sensible people can know it for themselves.”\nWhen they had spoken, Māra the Wicked shook his head, waggled his tongue, raised his eyebrows until his brow puckered in three furrows, and left leaning on his staff."}},{"id":"sn4.21:2","sourceIds":["sn4.21:2.1","sn4.21:2.2","sn4.21:2.3","sn4.21:2.4","sn4.21:2.5","sn4.21:2.6","sn4.21:2.7","sn4.21:2.8","sn4.21:2.9","sn4.21:2.10","sn4.21:2.11","sn4.21:2.12"],"kind":"text","text":{"pi":"Atha kho te bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha mayaṁ, bhante, bhagavato avidūre appamattā ātāpino pahitattā viharāma.\nAtha kho, bhante, aññataro brāhmaṇo mahantena jaṭaṇḍuvena ajinakkhipanivattho jiṇṇo gopānasivaṅko ghurughurupassāsī udumbaradaṇḍaṁ gahetvā yena mayaṁ tenupasaṅkami; upasaṅkamitvā amhe etadavoca:\n‘daharā bhavanto pabbajitā susū kāḷakesā bhadrena yobbanena samannāgatā paṭhamena vayasā anikkīḷitāvino kāmesu.\nBhuñjantu bhavanto mānusake kāme.\nMā sandiṭṭhikaṁ hitvā kālikaṁ anudhāvitthā’ti.\nEvaṁ vutte, mayaṁ, bhante, taṁ brāhmaṇaṁ etadavocumha:\n‘na kho mayaṁ, brāhmaṇa, sandiṭṭhikaṁ hitvā kālikaṁ anudhāvāma.\nKālikañca kho mayaṁ, brāhmaṇa, hitvā sandiṭṭhikaṁ anudhāvāma.\nKālikā hi, brāhmaṇa, kāmā vuttā bhagavatā bahudukkhā bahupāyāsā, ādīnavo ettha bhiyyo.\nSandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī’ti.\nEvaṁ vutte, bhante, so brāhmaṇo sīsaṁ okampetvā jivhaṁ nillāletvā tivisākhaṁ nalāṭe nalāṭikaṁ vuṭṭhāpetvā daṇḍamolubbha pakkanto”ti.","en":"Then those mendicants went up to the Buddha, bowed, sat down to one side, and told him what had happened. The Buddha said,"}},{"id":"sn4.21:3","sourceIds":["sn4.21:3.1","sn4.21:3.2","sn4.21:3.3"],"kind":"text","text":{"pi":"“Neso, bhikkhave, brāhmaṇo.\nMāro eso pāpimā tumhākaṁ vicakkhukammāya āgato”ti.\nAtha kho bhagavā etamatthaṁ viditvā tāyaṁ velāyaṁ imaṁ gāthaṁ abhāsi:","en":"“Mendicants, that was no brahmin.\nThat was Māra the Wicked who came to pull the wool over your eyes!”\nThen, understanding this matter, on that occasion the Buddha spoke this verse:"}},{"id":"sn4.21:4","sourceIds":["sn4.21:4.1","sn4.21:4.2","sn4.21:4.3","sn4.21:4.4"],"kind":"text","text":{"pi":"“Yo dukkhamaddakkhi yatonidānaṁ,\nKāmesu so jantu kathaṁ nameyya;\nUpadhiṁ viditvā saṅgoti loke,\nTasseva jantu vinayāya sikkhe”ti.","en":"“When a personage has seen where suffering comes from\nhow could they incline toward sensual pleasures?\nRealizing that attachment is a chain in the world,\na personage would train to remove it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn4.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}