{"id":"sn4.23","title":"With Godhika","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn4.23","title":"With Godhika","units":[{"id":"sn4.23:0","sourceIds":["sn4.23:0.1","sn4.23:0.2","sn4.23:0.3"],"kind":"text","text":{"pi":"Saṁyutta Nikāya 4.23\n3. Tatiyavagga\nGodhikasutta","en":"Linked Discourses 4.23\n3. Māra\nWith Godhika"}},{"id":"sn4.23:1","sourceIds":["sn4.23:1.1","sn4.23:1.2","sn4.23:1.3","sn4.23:1.4","sn4.23:1.5","sn4.23:1.6","sn4.23:1.7","sn4.23:1.8","sn4.23:1.9","sn4.23:1.10","sn4.23:1.11","sn4.23:1.12","sn4.23:1.13","sn4.23:1.14","sn4.23:1.15","sn4.23:1.16"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā godhiko isigilipasse viharati kāḷasilāyaṁ.\nAtha kho āyasmā godhiko appamatto ātāpī pahitatto viharanto sāmayikaṁ cetovimuttiṁ phusi.\nAtha kho āyasmā godhiko tamhā sāmayikāya cetovimuttiyā parihāyi.\nDutiyampi kho āyasmā godhiko appamatto ātāpī pahitatto viharanto sāmayikaṁ cetovimuttiṁ phusi.\nDutiyampi kho āyasmā godhiko tamhā sāmayikāya cetovimuttiyā parihāyi.\nTatiyampi kho āyasmā godhiko appamatto ātāpī pahitatto viharanto sāmayikaṁ cetovimuttiṁ phusi.\nTatiyampi kho āyasmā godhiko tamhā …pe… parihāyi.\nCatutthampi kho āyasmā godhiko appamatto …pe… vimuttiṁ phusi.\nCatutthampi kho āyasmā godhiko tamhā …pe… parihāyi.\nPañcamampi kho āyasmā godhiko …pe… cetovimuttiṁ phusi.\nPañcamampi kho āyasmā …pe… vimuttiyā parihāyi.\nChaṭṭhampi kho āyasmā godhiko appamatto ātāpī pahitatto viharanto sāmayikaṁ cetovimuttiṁ phusi.\nChaṭṭhampi kho āyasmā godhiko tamhā sāmayikāya cetovimuttiyā parihāyi.\nSattamampi kho āyasmā godhiko appamatto ātāpī pahitatto viharanto sāmayikaṁ cetovimuttiṁ phusi.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time Venerable Godhika was staying on the slopes of Isigili at the Black Rock.\nThen Venerable Godhika, meditating diligent, keen, and resolute, experienced temporary freedom of heart.\nBut then he fell away from that temporary freedom of heart.\nFor a second …\nthird …\nfourth …\nfifth …\nsixth time Godhika experienced temporary freedom of heart.\nBut for a sixth time he fell away from it.\nFor a seventh time Godhika, meditating diligent, keen, and resolute, experienced temporary freedom of heart."}},{"id":"sn4.23:2","sourceIds":["sn4.23:2.1","sn4.23:2.2","sn4.23:2.3","sn4.23:2.4"],"kind":"text","text":{"pi":"Atha kho āyasmato godhikassa etadahosi:\n“yāva chaṭṭhaṁ khvāhaṁ sāmayikāya cetovimuttiyā parihīno.\nYannūnāhaṁ satthaṁ āhareyyan”ti.\nAtha kho māro pāpimā āyasmato godhikassa cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṁ gāthāhi ajjhabhāsi:","en":"Then he thought,\n“I’ve fallen away from this temporary freedom of heart no less than six times.\nWhy don’t I commit suicide?”\nAnd then Māra the Wicked, knowing Godhika’s train of thought, went up to the Buddha and addressed him in verse:"}},{"id":"sn4.23:3","sourceIds":["sn4.23:3.1","sn4.23:3.2","sn4.23:3.3","sn4.23:3.4"],"kind":"text","text":{"pi":"“Mahāvīra mahāpañña,\niddhiyā yasasā jala;\nSabbaverabhayātīta,\npāde vandāmi cakkhuma.","en":"“O great hero, O greatly wise!\nShining with power and glory.\nYou’ve gone beyond all enmities and fears,\nI bow to your feet, O Clear-eyed One!"}},{"id":"sn4.23:4","sourceIds":["sn4.23:4.1","sn4.23:4.2","sn4.23:4.3","sn4.23:4.4"],"kind":"text","text":{"pi":"Sāvako te mahāvīra,\nmaraṇaṁ maraṇābhibhū;\nĀkaṅkhati cetayati,\ntaṁ nisedha jutindhara.","en":"Great hero, master of death,\nyour disciple longs for death,\nhe’s planning for it.\nStop him, O light-bringer!"}},{"id":"sn4.23:5","sourceIds":["sn4.23:5.1","sn4.23:5.2","sn4.23:5.3","sn4.23:5.4"],"kind":"text","text":{"pi":"Kathañhi bhagavā tuyhaṁ,\nSāvako sāsane rato;\nAppattamānaso sekkho,\nKālaṁ kayirā janesutā”ti.","en":"For Blessed One, renowned among men,\nyour disciple who loves your teaching,\na trainee who hasn’t achieved their heart’s desire—\nhow can they kill themselves?”"}},{"id":"sn4.23:6","sourceIds":["sn4.23:6.1","sn4.23:6.2"],"kind":"text","text":{"pi":"Tena kho pana samayena āyasmatā godhikena satthaṁ āharitaṁ hoti.\nAtha kho bhagavā “māro ayaṁ pāpimā” iti viditvā māraṁ pāpimantaṁ gāthāya ajjhabhāsi:","en":"Now at that time Venerable Godhika had already committed suicide.\nThen the Buddha, knowing that this was Māra the Wicked, addressed him in verse:"}},{"id":"sn4.23:7","sourceIds":["sn4.23:7.1","sn4.23:7.2","sn4.23:7.3","sn4.23:7.4"],"kind":"text","text":{"pi":"“Evañhi dhīrā kubbanti,\nnāvakaṅkhanti jīvitaṁ;\nSamūlaṁ taṇhamabbuyha,\ngodhiko parinibbuto”ti.","en":"“This is how the attentive act,\nfor they don’t long for life.\nHaving plucked out craving, root and all,\nGodhika is quenched.”"}},{"id":"sn4.23:8","sourceIds":["sn4.23:8.1","sn4.23:8.2","sn4.23:8.3"],"kind":"text","text":{"pi":"Atha kho bhagavā bhikkhū āmantesi:\n“āyāma, bhikkhave, yena isigilipassaṁ kāḷasilā tenupasaṅkamissāma yattha godhikena kulaputtena satthaṁ āharitan”ti.\n“Evaṁ, bhante”ti kho te bhikkhū bhagavato paccassosuṁ.","en":"Then the Buddha said to the mendicants,\n“Come, mendicants, let’s go to the Black Rock on the slopes of Isigili where Godhika, who came from a good family, committed suicide.”\n“Yes, sir,” they replied."}},{"id":"sn4.23:9","sourceIds":["sn4.23:9.1","sn4.23:9.2","sn4.23:9.3"],"kind":"text","text":{"pi":"Atha kho bhagavā sambahulehi bhikkhūhi saddhiṁ yena isigilipassaṁ kāḷasilā tenupasaṅkami.\nAddasā kho bhagavā āyasmantaṁ godhikaṁ dūratova mañcake vivattakkhandhaṁ semānaṁ.\nTena kho pana samayena dhūmāyitattaṁ timirāyitattaṁ gacchateva purimaṁ disaṁ, gacchati pacchimaṁ disaṁ, gacchati uttaraṁ disaṁ, gacchati dakkhiṇaṁ disaṁ, gacchati uddhaṁ, gacchati adho, gacchati anudisaṁ.","en":"Then the Buddha together with several mendicants went to the Black Rock on the slopes of Isigili.\nThe Buddha saw Godhika off in the distance on his cot, lying with aggregates cast off.\nNow at that time a cloud of black smoke was moving east, west, north, south, above, below, and in-between."}},{"id":"sn4.23:10","sourceIds":["sn4.23:10.1","sn4.23:10.2","sn4.23:10.3","sn4.23:10.4","sn4.23:10.5","sn4.23:10.6","sn4.23:10.7"],"kind":"text","text":{"pi":"Atha kho bhagavā bhikkhū āmantesi:\n“passatha no tumhe, bhikkhave, etaṁ dhūmāyitattaṁ timirāyitattaṁ gacchateva purimaṁ disaṁ, gacchati pacchimaṁ disaṁ, gacchati uttaraṁ disaṁ, gacchati dakkhiṇaṁ disaṁ, gacchati uddhaṁ, gacchati adho, gacchati anudisan”ti?\n“Evaṁ, bhante”.\n“Eso kho, bhikkhave, māro pāpimā godhikassa kulaputtassa viññāṇaṁ samanvesati:\n‘kattha godhikassa kulaputtassa viññāṇaṁ patiṭṭhitan’ti?\nAppatiṭṭhitena ca, bhikkhave, viññāṇena godhiko kulaputto parinibbuto”ti.\nAtha kho māro pāpimā beluvapaṇḍuvīṇaṁ ādāya yena bhagavā tenupasaṅkami; upasaṅkamitvā bhagavantaṁ gāthāya ajjhabhāsi:","en":"Then the Buddha said to the mendicants,\n“Mendicants, do you see that cloud of black smoke moving east, west, north, south, above, below, and in-between?”\n“Yes, sir.”\n“That’s Māra the Wicked searching for Godhika’s consciousness, wondering:\n‘Where is Godhika’s consciousness established?’\nBut since his consciousness is not established, Godhika is quenched.”\nThen Māra, carrying his arched harp made from the pale timber of wood-apple, went up to the Buddha and addressed him in verse:"}},{"id":"sn4.23:11","sourceIds":["sn4.23:11.1","sn4.23:11.2","sn4.23:11.3","sn4.23:11.4"],"kind":"text","text":{"pi":"“Uddhaṁ adho ca tiriyaṁ,\ndisā anudisā svahaṁ;\nAnvesaṁ nādhigacchāmi,\ngodhiko so kuhiṁ gato”ti.","en":"“Above, below, all round,\nin the four quarters and in-between,\nI’ve been searching without success:\nwhere has that Godhika got to?”"}},{"id":"sn4.23:12","sourceIds":["sn4.23:12.1","sn4.23:12.2","sn4.23:12.3","sn4.23:12.4"],"kind":"text","text":{"pi":"“Yo dhīro dhitisampanno,\njhāyī jhānarato sadā;\nAhorattaṁ anuyuñjaṁ,\njīvitaṁ anikāmayaṁ.","en":"“He was an attentive and steadfast sage,\na meditator who loved absorption.\nBy day and by night he applied himself,\nwithout concern for his life."}},{"id":"sn4.23:13","sourceIds":["sn4.23:13.1","sn4.23:13.2","sn4.23:13.3","sn4.23:13.4"],"kind":"text","text":{"pi":"Jetvāna maccuno senaṁ,\nanāgantvā punabbhavaṁ;\nSamūlaṁ taṇhamabbuyha,\ngodhiko parinibbuto”ti.","en":"He defeated the army of death,\nand won’t return for any future life.\nHaving plucked out craving, root and all\nGodhika is quenched.”"}},{"id":"sn4.23:14","sourceIds":["sn4.23:14.1","sn4.23:14.2","sn4.23:14.3","sn4.23:14.4"],"kind":"text","text":{"pi":"Tassa sokaparetassa,\nvīṇā kacchā abhassatha;\nTato so dummano yakkho,\ntatthevantaradhāyathāti.","en":"So stricken with sorrow\nthat his harp dropped from his armpit,\nthat spirit, downcast,\nvanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn4.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}