{"id":"sn40.1","title":"A Question About the First Absorption","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn40.1","title":"A Question About the First Absorption","units":[{"id":"sn40.1:0","sourceIds":["sn40.1:0.1","sn40.1:0.2","sn40.1:0.3"],"kind":"text","text":{"pi":"Saṁyutta Nikāya 40.1\n1. Moggallānavagga\nPaṭhamajhānapañhāsutta","en":"Linked Discourses 40.1\n1. By Moggallāna\nA Question About the First Absorption"}},{"id":"sn40.1:1","sourceIds":["sn40.1:1.1","sn40.1:1.2","sn40.1:1.3","sn40.1:1.4","sn40.1:1.5"],"kind":"text","text":{"pi":"Ekaṁ samayaṁ āyasmā mahāmoggallāno sāvatthiyaṁ viharati jetavane anāthapiṇḍikassa ārāme.\nTatra kho āyasmā mahāmoggallāno bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahāmoggallānassa paccassosuṁ.\nĀyasmā mahāmoggallāno etadavoca:","en":"At one time Venerable Mahāmoggallāna was staying near Sāvatthī in Jeta’s Grove, Anāthapiṇḍika’s monastery.\nThere Venerable Mahāmoggallāna addressed the mendicants:\n“Reverends, mendicants!”\n“Reverend,” they replied.\nVenerable Mahāmoggallāna said this:"}},{"id":"sn40.1:2","sourceIds":["sn40.1:2.1","sn40.1:2.2","sn40.1:2.3","sn40.1:2.4","sn40.1:2.5","sn40.1:2.6","sn40.1:2.7","sn40.1:2.8"],"kind":"text","text":{"pi":"“Idha mayhaṁ, āvuso, rahogatassa paṭisallīnassa evaṁ cetaso parivitakko udapādi:\n‘paṭhamaṁ jhānaṁ, paṭhamaṁ jhānan’ti vuccati.\nKatamaṁ nu kho paṭhamaṁ jhānanti?\nTassa mayhaṁ, āvuso, etadahosi:\n‘idha bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nIdaṁ vuccati paṭhamaṁ jhānan’ti.\nSo khvāhaṁ, āvuso, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.\nTassa mayhaṁ, āvuso, iminā vihārena viharato kāmasahagatā saññāmanasikārā samudācaranti.","en":"“Just now, reverends, as I was in private retreat this thought came to mind:\n‘They speak of this thing called the “first absorption”.\nWhat is the first absorption?’\nIt occurred to me:\n‘It’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nThis is called the first absorption.’\nAnd so … I was entering and remaining in the first absorption.\nWhile I was in that meditation, perception and focus accompanied by sensual pleasures beset me."}},{"id":"sn40.1:3","sourceIds":["sn40.1:3.1","sn40.1:3.2","sn40.1:3.3","sn40.1:3.4","sn40.1:3.5","sn40.1:3.6","sn40.1:3.7","sn40.1:3.8"],"kind":"text","text":{"pi":"Atha kho maṁ, āvuso, bhagavā iddhiyā upasaṅkamitvā etadavoca:\n‘moggallāna, moggallāna.\nMā, brāhmaṇa, paṭhamaṁ jhānaṁ pamādo, paṭhame jhāne cittaṁ saṇṭhapehi, paṭhame jhāne cittaṁ ekodiṁ karohi, paṭhame jhāne cittaṁ samādahā’ti.\nSo khvāhaṁ, āvuso, aparena samayena vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ.\nYañhi taṁ, āvuso, sammā vadamāno vadeyya:\n‘satthārānuggahito sāvako mahābhiññataṁ patto’ti, mamaṁ taṁ sammā vadamāno vadeyya:\n‘satthārānuggahito sāvako mahābhiññataṁ patto’”ti.\nPaṭhamaṁ.","en":"Then the Buddha came up to me with his psychic power and said,\n‘Moggallāna, Moggallāna!\nDon’t neglect the first absorption, brahmin! Settle your mind in the first absorption; unify your mind and immerse it in the first absorption.’\nAnd so, after some time … I entered and remained in the first absorption.\nSo if anyone should be rightly called\na disciple who attained to great direct knowledge with help from the Teacher, it’s me.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn40.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}