{"id":"sn40.2","title":"A Question About the Second Absorption","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn40.2","title":"A Question About the Second Absorption","units":[{"id":"sn40.2:0","sourceIds":["sn40.2:0.1","sn40.2:0.2","sn40.2:0.3"],"kind":"text","text":{"pi":"Saṁyutta Nikāya 40.2\n1. Moggallānavagga\nDutiyajhānapañhāsutta","en":"Linked Discourses 40.2\n1. By Moggallāna\nA Question About the Second Absorption"}},{"id":"sn40.2:1","sourceIds":["sn40.2:1.1","sn40.2:1.2","sn40.2:1.3","sn40.2:1.4","sn40.2:1.5","sn40.2:1.6","sn40.2:1.7"],"kind":"text","text":{"pi":"“‘Dutiyaṁ jhānaṁ, dutiyaṁ jhānan’ti vuccati.\nKatamaṁ nu kho dutiyaṁ jhānanti?\nTassa mayhaṁ, āvuso, etadahosi:\n‘idha bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nIdaṁ vuccati dutiyaṁ jhānan’ti.\nSo khvāhaṁ, āvuso, vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharāmi.\nTassa mayhaṁ, āvuso, iminā vihārena viharato vitakkasahagatā saññāmanasikārā samudācaranti.","en":"“They speak of this thing called the ‘second absorption’.\nWhat is the second absorption?\nIt occurred to me:\n‘As the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis is called the second absorption.’\nAnd so … I was entering and remaining in the second absorption.\nWhile I was in that meditation, perception and focus accompanied by placing the mind beset me."}},{"id":"sn40.2:2","sourceIds":["sn40.2:2.1","sn40.2:2.2","sn40.2:2.3","sn40.2:2.4","sn40.2:2.5","sn40.2:2.6","sn40.2:2.7","sn40.2:2.8"],"kind":"text","text":{"pi":"Atha kho maṁ, āvuso, bhagavā iddhiyā upasaṅkamitvā etadavoca:\n‘moggallāna, moggallāna.\nMā, brāhmaṇa, dutiyaṁ jhānaṁ pamādo, dutiye jhāne cittaṁ saṇṭhapehi, dutiye jhāne cittaṁ ekodiṁ karohi, dutiye jhāne cittaṁ samādahā’ti.\nSo khvāhaṁ, āvuso, aparena samayena vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihāsiṁ.\nYañhi taṁ, āvuso, sammā vadamāno vadeyya:\n‘satthārānuggahito sāvako mahābhiññataṁ patto’ti, mamaṁ taṁ sammā vadamāno vadeyya:\n‘satthārānuggahito sāvako mahābhiññataṁ patto’”ti.\nDutiyaṁ.","en":"Then the Buddha came up to me with his psychic power and said,\n‘Moggallāna, Moggallāna!\nDon’t neglect the second absorption, brahmin! Settle your mind in the second absorption; unify your mind and immerse it in the second absorption.’\nAnd so, after some time … I entered and remained in the second absorption.\nSo if anyone should be rightly called\na disciple who attained to great direct knowledge with help from the Teacher, it’s me.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn40.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}