{"id":"sn40.3","title":"A Question About the Third Absorption","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn40.3","title":"A Question About the Third Absorption","units":[{"id":"sn40.3:0","sourceIds":["sn40.3:0.1","sn40.3:0.2","sn40.3:0.3"],"kind":"text","text":{"pi":"Saṁyutta Nikāya 40.3\n1. Moggallānavagga\nTatiyajhānapañhāsutta","en":"Linked Discourses 40.3\n1. By Moggallāna\nA Question About the Third Absorption"}},{"id":"sn40.3:1","sourceIds":["sn40.3:1.1","sn40.3:1.2","sn40.3:1.3","sn40.3:1.4","sn40.3:1.5","sn40.3:1.6","sn40.3:1.7"],"kind":"text","text":{"pi":"“‘Tatiyaṁ jhānaṁ, tatiyaṁ jhānan’ti vuccati.\nKatamaṁ nu kho tatiyaṁ jhānanti?\nTassa mayhaṁ, āvuso, etadahosi—\nidha bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.\nIdaṁ vuccati tatiyaṁ jhānanti.\nSo khvāhaṁ, āvuso, pītiyā ca virāgā upekkhako ca viharāmi sato ca sampajāno sukhañca kāyena paṭisaṁvedemi. Yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharāmi.\nTassa mayhaṁ, āvuso, iminā vihārena viharato pītisahagatā saññāmanasikārā samudācaranti.","en":"“They speak of this thing called the ‘third absorption’.\nWhat is the third absorption?\nIt occurred to me:\n‘With the fading away of rapture, a mendicant enters and remains in the third absorption, where they meditate with equanimity, mindful and aware, experiencing for themselves the bliss of which the noble ones declare, “Equanimous and mindful, one meditates in bliss.”\nThis is called the third absorption.’\nAnd so … I was entering and remaining in the third absorption.\nWhile I was in that meditation, perception and focus accompanied by rapture beset me."}},{"id":"sn40.3:2","sourceIds":["sn40.3:2.1","sn40.3:2.2","sn40.3:2.3","sn40.3:2.4","sn40.3:2.5","sn40.3:2.6"],"kind":"text","text":{"pi":"Atha kho maṁ, āvuso, bhagavā iddhiyā upasaṅkamitvā etadavoca:\n‘moggallāna, moggallāna.\nMā, brāhmaṇa, tatiyaṁ jhānaṁ pamādo, tatiye jhāne cittaṁ saṇṭhapehi, tatiye jhāne cittaṁ ekodiṁ karohi, tatiye jhāne cittaṁ samādahā’ti.\nSo khvāhaṁ, āvuso, aparena samayena pītiyā ca virāgā upekkhako ca viharāmi sato ca sampajāno sukhañca kāyena paṭisaṁvedemi, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja vihāsiṁ.\nYañhi taṁ āvuso sammā vadamāno vadeyya …pe… mahābhiññataṁ patto”ti.\nTatiyaṁ.","en":"Then the Buddha came up to me with his psychic power and said,\n‘Moggallāna, Moggallāna!\nDon’t neglect the third absorption, brahmin! Settle your mind in the third absorption; unify your mind and immerse it in the third absorption.’\nAnd so, after some time … I entered and remained in the third absorption.\nSo if anyone should be rightly called a disciple who attained to great direct knowledge with help from the Teacher, it’s me.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn40.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}