{"id":"sn41.1","title":"The Fetter","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn41.1","title":"The Fetter","units":[{"id":"sn41.1:0","sourceIds":["sn41.1:0.1","sn41.1:0.2","sn41.1:0.3"],"kind":"text","text":{"pi":"Saṁyutta Nikāya 41.1\n1. Cittavagga\nSaṁyojanasutta","en":"Linked Discourses 41.1\n1. With Citta\nThe Fetter"}},{"id":"sn41.1:1","sourceIds":["sn41.1:1.1","sn41.1:1.2","sn41.1:1.3","sn41.1:1.4","sn41.1:1.5","sn41.1:1.6","sn41.1:1.7"],"kind":"text","text":{"pi":"Ekaṁ samayaṁ sambahulā therā bhikkhū macchikāsaṇḍe viharanti ambāṭakavane.\nTena kho pana samayena sambahulānaṁ therānaṁ bhikkhūnaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ ayamantarākathā udapādi:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā nānābyañjanā udāhu ekatthā byañjanameva nānan”ti?\nTatrekaccehi therehi bhikkhūhi evaṁ byākataṁ hoti:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā ceva nānābyañjanā cā”ti.\nEkaccehi therehi bhikkhūhi evaṁ byākataṁ hoti:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā ekatthā byañjanameva nānan”ti.","en":"At one time several senior mendicants were staying near Macchikāsaṇḍa in the Wild Mango Grove.\nNow at that time, after the meal, on return from almsround, several senior mendicants sat together in the pavilion and this discussion came up among them:\n“Reverends, the ‘fetter’ and the ‘things that tighten the fetters’: do these things differ in both meaning and phrasing? Or do they mean the same thing, and differ only in the phrasing?”\nSome senior mendicants answered like this:\n“Reverends, the ‘fetter’ and the ‘things that tighten the fetters’: these things differ in both meaning and phrasing.”\nBut some senior mendicants answered like this:\n“Reverends, the ‘fetter’ and the ‘things that tighten the fetters’ mean the same thing; they differ only in the phrasing.”"}},{"id":"sn41.1:2","sourceIds":["sn41.1:2.1","sn41.1:2.2","sn41.1:2.3","sn41.1:2.4","sn41.1:2.5","sn41.1:2.6","sn41.1:2.7"],"kind":"text","text":{"pi":"Tena kho pana samayena citto gahapati migapathakaṁ anuppatto hoti kenacideva karaṇīyena.\nAssosi kho citto gahapati sambahulānaṁ kira therānaṁ bhikkhūnaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ ayamantarākathā udapādi:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā nānābyañjanā udāhu ekatthā byañjanameva nānan”ti?\nTatrekaccehi therehi bhikkhūhi evaṁ byākataṁ:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā ceva nānābyañjanā cā”ti.\nEkaccehi therehi bhikkhūhi evaṁ byākataṁ:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā ekatthā byañjanameva nānan”ti.","en":"Now at that time the householder Citta had arrived at Migapathaka on some business.\nHe heard about what those senior mendicants were discussing."}},{"id":"sn41.1:3","sourceIds":["sn41.1:3.1","sn41.1:3.2","sn41.1:3.3","sn41.1:3.4","sn41.1:3.5","sn41.1:3.6","sn41.1:3.7"],"kind":"text","text":{"pi":"Atha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati there bhikkhū etadavoca:\n“sutaṁ metaṁ, bhante, sambahulānaṁ kira therānaṁ bhikkhūnaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ ayamantarākathā udapādi:\n‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā nānābyañjanā udāhu ekatthā byañjanameva nānan”ti?\nEkaccehi therehi bhikkhūhi evaṁ byākataṁ:\n“‘saṁyojanan’ti vā, āvuso, ‘saṁyojaniyā dhammā’ti vā ime dhammā nānatthā ceva nānābyañjanā cā”ti.\nEkaccehi therehi bhikkhūhi evaṁ byākataṁ “‘saṁyojanan’ti vā, āvuso, ‘saṁyojaniyā dhammā’ti vā ime dhammā ekatthā byañjanameva nānan”ti.\n“Evaṁ, gahapatī”ti.","en":"So he went up to them, bowed, sat down to one side, and said to them,\n“Sirs, I heard that you were discussing whether the ‘fetter’ and the ‘things that tighten the fetters’ differ in both meaning and phrasing, or whether they mean the same thing, and differ only in the phrasing.”\n“That’s right, householder.”"}},{"id":"sn41.1:4","sourceIds":["sn41.1:4.1","sn41.1:4.2","sn41.1:4.3","sn41.1:4.4","sn41.1:4.5","sn41.1:4.6","sn41.1:4.7","sn41.1:4.8","sn41.1:4.9","sn41.1:4.10","sn41.1:4.11","sn41.1:4.12","sn41.1:4.13","sn41.1:4.14","sn41.1:4.15","sn41.1:4.16","sn41.1:4.17","sn41.1:4.18","sn41.1:4.19","sn41.1:4.20","sn41.1:4.21"],"kind":"text","text":{"pi":"“‘Saṁyojanan’ti vā, bhante, ‘saṁyojaniyā dhammā’ti vā ime dhammā nānatthā ceva nānābyañjanā ca.\nTena hi, bhante, upamaṁ vo karissāmi.\nUpamāyapidhekacce viññū purisā bhāsitassa atthaṁ ājānanti.\nSeyyathāpi, bhante, kāḷo ca balībaddo odāto ca balībaddo ekena dāmena vā yottena vā saṁyuttā assu.\nYo nu kho evaṁ vadeyya:\n‘kāḷo balībaddo odātassa balībaddassa saṁyojanaṁ, odāto balībaddo kāḷassa balībaddassa saṁyojanan’ti, sammā nu kho so vadamāno vadeyyā”ti?\n“No hetaṁ, gahapati.\nNa kho, gahapati, kāḷo balībaddo odātassa balībaddassa saṁyojanaṁ, napi odāto balībaddo kāḷassa balībaddassa saṁyojanaṁ;\nyena kho te ekena dāmena vā yottena vā saṁyuttā taṁ tattha saṁyojanan”ti.\n“Evameva kho, bhante, na cakkhu rūpānaṁ saṁyojanaṁ, na rūpā cakkhussa saṁyojanaṁ;\nyañca tattha tadubhayaṁ paṭicca uppajjati chandarāgo taṁ tattha saṁyojanaṁ.\nNa sotaṁ saddānaṁ …\nna ghānaṁ gandhānaṁ …\nna jivhā rasānaṁ …\nna kāyo phoṭṭhabbānaṁ saṁyojanaṁ, na phoṭṭhabbā kāyassa saṁyojanaṁ;\nyañca tattha tadubhayaṁ paṭicca uppajjati chandarāgo taṁ tattha saṁyojanaṁ.\nNa mano dhammānaṁ saṁyojanaṁ, na dhammā manassa saṁyojanaṁ;\nyañca tattha tadubhayaṁ paṭicca uppajjati chandarāgo taṁ tattha saṁyojanan”ti.\n“Lābhā te, gahapati, suladdhaṁ te, gahapati,\nyassa te gambhīre buddhavacane paññācakkhu kamatī”ti.\nPaṭhamaṁ.","en":"“Sirs, the ‘fetter’ and the ‘things that tighten the fetters’: these things differ in both meaning and phrasing.\nWell then, sirs, I shall give you a simile.\nFor by means of a simile some sensible people understand the meaning of what is said.\nSuppose there was a black ox and a white ox yoked by a single harness or yoke.\nWould it be right to say that\nthe black ox is the yoke of the white ox, or the white ox is the yoke of the black ox?”\n“No, householder.\nThe black ox is not the yoke of the white ox, nor is the white ox the yoke of the black ox.\nThe yoke there is the single harness or yoke that they’re yoked by.”\n“In the same way, the eye is not the fetter of sights, nor are sights the fetter of the eye.\nThe fetter there is the desire and greed that arises from the pair of them.\nThe ear … nose … tongue … body …\nmind is not the fetter of ideas, nor are ideas the fetter of the mind.\nThe fetter there is the desire and greed that arises from the pair of them.”\n“You’re fortunate, householder, so very fortunate,\nto traverse the Buddha’s deep teachings with the eye of wisdom.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn41.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}