{"id":"sn41.10","title":"Seeing the Sick","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn41.10","title":"Seeing the Sick","units":[{"id":"sn41.10:0","sourceIds":["sn41.10:0.1","sn41.10:0.2","sn41.10:0.3"],"kind":"text","text":{"pi":"Saṁyutta Nikāya 41.10\n1. Cittavagga\nGilānadassanasutta","en":"Linked Discourses 41.10\n1. With Citta\nSeeing the Sick"}},{"id":"sn41.10:1","sourceIds":["sn41.10:1.1","sn41.10:1.2","sn41.10:1.3"],"kind":"text","text":{"pi":"Tena kho pana samayena citto gahapati ābādhiko hoti dukkhito bāḷhagilāno.\nAtha kho sambahulā ārāmadevatā vanadevatā rukkhadevatā osadhitiṇavanappatīsu adhivatthā devatā saṅgamma samāgamma cittaṁ gahapatiṁ etadavocuṁ:\n“paṇidhehi, gahapati, anāgatamaddhānaṁ rājā assaṁ cakkavattī”ti.","en":"Now at that time the householder Citta was sick, suffering, gravely ill.\nThen several deities of the parks, forests, trees, and those who haunt the herbs, grass, and big trees came together and said to Citta,\n“Householder, make a wish to become a wheel-turning monarch in the future!”"}},{"id":"sn41.10:2","sourceIds":["sn41.10:2.1","sn41.10:2.2","sn41.10:2.3","sn41.10:2.4","sn41.10:2.5","sn41.10:2.6","sn41.10:2.7","sn41.10:2.8","sn41.10:2.9","sn41.10:2.10","sn41.10:2.11","sn41.10:2.12","sn41.10:2.13","sn41.10:2.14","sn41.10:2.15","sn41.10:2.16","sn41.10:2.17","sn41.10:2.18","sn41.10:2.19","sn41.10:2.20","sn41.10:2.21","sn41.10:2.22"],"kind":"text","text":{"pi":"Evaṁ vutte, citto gahapati tā ārāmadevatā vanadevatā rukkhadevatā osadhitiṇavanappatīsu adhivatthā devatā etadavoca:\n“tampi aniccaṁ, tampi addhuvaṁ, tampi pahāya gamanīyan”ti.\nEvaṁ vutte, cittassa gahapatino mittāmaccā ñātisālohitā cittaṁ gahapatiṁ etadavocuṁ:\n“satiṁ, ayyaputta, upaṭṭhapehi, mā vippalapī”ti.\n“Kiṁ tāhaṁ vadāmi yaṁ maṁ tumhe evaṁ vadetha:\n‘satiṁ, ayyaputta, upaṭṭhapehi, mā vippalapī’”ti?\n“Evaṁ kho tvaṁ, ayyaputta, vadesi:\n‘tampi aniccaṁ, tampi addhuvaṁ, tampi pahāya gamanīyan’”ti.\n“Tathā hi pana maṁ ārāmadevatā vanadevatā rukkhadevatā osadhitiṇavanappatīsu adhivatthā devatā evamāhaṁsu:\n‘paṇidhehi, gahapati, anāgatamaddhānaṁ rājā assaṁ cakkavattī’ti.\nTāhaṁ evaṁ vadāmi:\n‘tampi aniccaṁ …pe… tampi pahāya gamanīyan’”ti.\n“Kiṁ pana tā, ayyaputta, ārāmadevatā vanadevatā rukkhadevatā osadhitiṇavanappatīsu adhivatthā devatā atthavasaṁ sampassamānā evamāhaṁsu:\n‘paṇidhehi, gahapati, anāgatamaddhānaṁ rājā assaṁ cakkavattī’”ti?\n“Tāsaṁ kho ārāmadevatānaṁ vanadevatānaṁ rukkhadevatānaṁ osadhitiṇavanappatīsu adhivatthānaṁ devatānaṁ evaṁ hoti:\n‘ayaṁ kho citto gahapati, sīlavā kalyāṇadhammo.\nSace paṇidahissati—\nanāgatamaddhānaṁ rājā assaṁ cakkavattī’ti, ‘tassa kho ayaṁ ijjhissati, sīlavato cetopaṇidhi visuddhattā dhammiko dhammikaṁ phalaṁ anupassatī’ti.\nImaṁ kho tā ārāmadevatā vanadevatā rukkhadevatā osadhitiṇavanappatīsu adhivatthā devatā atthavasaṁ sampassamānā evamāhaṁsu:\n‘paṇidhehi, gahapati, anāgatamaddhānaṁ rājā assaṁ cakkavattī’ti.\nTāhaṁ evaṁ vadāmi:\n‘tampi aniccaṁ, tampi addhuvaṁ, tampi pahāya gamanīyan’”ti.","en":"When they said this, Citta said to them,\n“That too is impermanent! That too will pass! That too will be left behind!”\nWhen he said this, his friends and colleagues, relatives and kin said,\n“Be mindful, master! Don’t babble.”\n“What have I said that makes you say that?”\n“It’s because you said:\n‘That too is impermanent! That too will pass! That too will be left behind!’”\n“Oh, well, that’s because the deities of the parks, forests, trees, and those who haunt the herbs, grass, and big trees said to me:\n‘Householder, make a wish to become a wheel-turning monarch in the future!’\nSo I said to them:\n‘That too is impermanent! That too will pass! That too will be left behind!’”\n“But what reason do they see for saying that to you?”\n“They think:\n‘This householder Citta is ethical, of good character.\nIf he makes a wish to\nbecome a wheel-turning monarch in the future, his heart’s wish will succeed because of the purity of his ethics. And then as a proper, principled king he will provide proper spirit-offerings.’\nThat’s the reason they see for saying to me:\n‘Householder, make a wish to become a wheel-turning monarch in the future!’\nSo I said to them:\n‘That too is impermanent! That too will pass! That too will be left behind!’”"}},{"id":"sn41.10:3","sourceIds":["sn41.10:3.1","sn41.10:3.2","sn41.10:3.3","sn41.10:3.4","sn41.10:3.5","sn41.10:3.6","sn41.10:3.7","sn41.10:3.8","sn41.10:3.9","sn41.10:3.10","sn41.10:3.11","sn41.10:3.12"],"kind":"text","text":{"pi":"“Tena hi, ayyaputta, amhepi ovadāhī”ti.\n“Tasmā hi vo evaṁ sikkhitabbaṁ—\nbuddhe aveccappasādena samannāgatā bhavissāma:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nDhamme aveccappasādena samannāgatā bhavissāma:\n‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.\nSaṅghe aveccappasādena samannāgatā bhavissāma:\n‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṁ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassā’ti.\nYaṁ kho pana kiñci kule deyyadhammaṁ sabbaṁ taṁ appaṭivibhattaṁ bhavissati sīlavantehi kalyāṇadhammehīti evañhi vo sikkhitabban”ti.\nAtha kho citto gahapati mittāmacce ñātisālohite buddhe ca dhamme ca saṅghe ca cāge ca samādapetvā kālamakāsīti.\nDasamaṁ.\nCittavaggo paṭhamo.","en":"“Then, master, advise us!”\n“So you should train like this:\nWe will have experiential confidence in the Buddha:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nWe will have experiential confidence in the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nWe will have experiential confidence in the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This is the Saṅgha of the Buddha’s disciples that is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.’\nAnd we will share without reservation all the gifts available to give in our family with those who are ethical and of good character.”\nThen, after Citta had encouraged his friends and colleagues, relatives and kin in the Buddha, the teaching, the Saṅgha, and generosity, he passed away."}},{"id":"sn41.10:4","sourceIds":["sn41.10:4.0","sn41.10:4.1","sn41.10:4.2","sn41.10:4.3","sn41.10:4.4","sn41.10:4.5"],"kind":"text","text":{"pi":"Tassuddānaṁ\nSaṁyojanaṁ dve isidattā,\nMahako kāmabhūpi ca;\nGodatto ca nigaṇṭho ca,\nAcelena gilānadassananti.\nCittasaṁyuttaṁ samattaṁ.","en":"The Linked Discourses on Citta the Householder are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn41.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}