{"id":"sn41.2","title":"With Isidatta (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn41.2","title":"With Isidatta (1st)","units":[{"id":"sn41.2:0","sourceIds":["sn41.2:0.1","sn41.2:0.2","sn41.2:0.3"],"kind":"text","text":{"pi":"Saṁyutta Nikāya 41.2\n1. Cittavagga\nPaṭhamaisidattasutta","en":"Linked Discourses 41.2\n1. With Citta\nWith Isidatta (1st)"}},{"id":"sn41.2:1","sourceIds":["sn41.2:1.1","sn41.2:1.2","sn41.2:1.3","sn41.2:1.4","sn41.2:1.5","sn41.2:1.6"],"kind":"text","text":{"pi":"Ekaṁ samayaṁ sambahulā therā bhikkhū macchikāsaṇḍe viharanti ambāṭakavane.\nAtha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati there bhikkhū etadavoca:\n“adhivāsentu me, bhante, therā svātanāya bhattan”ti.\nAdhivāsesuṁ kho therā bhikkhū tuṇhībhāvena.\nAtha kho citto gahapati therānaṁ bhikkhūnaṁ adhivāsanaṁ viditvā uṭṭhāyāsanā there bhikkhū abhivādetvā padakkhiṇaṁ katvā pakkāmi.\nAtha kho therā bhikkhū tassā rattiyā accayena pubbaṇhasamayaṁ nivāsetvā pattacīvaramādāya yena cittassa gahapatissa nivesanaṁ tenupasaṅkamiṁsu; upasaṅkamitvā paññatte āsane nisīdiṁsu.","en":"At one time several senior mendicants were staying near Macchikāsaṇḍa in the Wild Mango Grove.\nThen Citta the householder went up to them, bowed, sat down to one side, and said to them,\n“Sirs, would the senior monks please accept tomorrow’s meal from me?”\nThey consented with silence.\nKnowing that the senior mendicants had consented, Citta rose from his seat, bowed, and respectfully circled them, keeping them on his right, before leaving.\nThen when the night had passed, the senior mendicants robed up in the morning and, taking their bowls and robes, went to Citta’s home, and sat down on the seats spread out."}},{"id":"sn41.2:2","sourceIds":["sn41.2:2.1","sn41.2:2.2","sn41.2:2.3","sn41.2:2.4","sn41.2:2.5","sn41.2:2.6","sn41.2:2.7","sn41.2:2.8","sn41.2:2.9","sn41.2:2.10","sn41.2:2.11","sn41.2:2.12"],"kind":"text","text":{"pi":"Atha kho citto gahapati yena therā bhikkhū tenupasaṅkami; upasaṅkamitvā there bhikkhū abhivādetvā ekamantaṁ nisīdi. Ekamantaṁ nisinno kho citto gahapati āyasmantaṁ theraṁ etadavoca:\n“‘dhātunānattaṁ, dhātunānattan’ti, bhante thera, vuccati.\nKittāvatā nu kho, bhante, dhātunānattaṁ vuttaṁ bhagavatā”ti?\nEvaṁ vutte, āyasmā thero tuṇhī ahosi.\nDutiyampi kho citto gahapati āyasmantaṁ theraṁ etadavoca:\n“‘dhātunānattaṁ, dhātunānattan’ti, bhante thera, vuccati.\nKittāvatā nu kho, bhante, dhātunānattaṁ vuttaṁ bhagavatā”ti?\nDutiyampi kho āyasmā thero tuṇhī ahosi.\nTatiyampi kho citto gahapati āyasmantaṁ theraṁ etadavoca:\n“‘dhātunānattaṁ, dhātunānattan’ti, bhante thera, vuccati.\nKittāvatā nu kho, bhante, dhātunānattaṁ vuttaṁ bhagavatā”ti?\nTatiyampi kho āyasmā thero tuṇhī ahosi.","en":"Then Citta went up to them, bowed, sat down to one side, and asked the senior venerable,\n“Honorable Senior, they speak of ‘the diversity of elements’.\nIn what way did the Buddha speak of the diversity of elements?”\nWhen he said this, the senior venerable kept silent.\nFor a second time …\nAnd for a third time, Citta asked him,\n“Honorable Senior, they speak of ‘the diversity of elements’.\nIn what way did the Buddha speak of the diversity of elements?”\nAnd a second time and a third time the senior venerable kept silent."}},{"id":"sn41.2:3","sourceIds":["sn41.2:3.1","sn41.2:3.2","sn41.2:3.3","sn41.2:3.4","sn41.2:3.5","sn41.2:3.6","sn41.2:3.7","sn41.2:3.8","sn41.2:3.9","sn41.2:3.10","sn41.2:3.11","sn41.2:3.12"],"kind":"text","text":{"pi":"Tena kho pana samayena āyasmā isidatto tasmiṁ bhikkhusaṅghe sabbanavako hoti.\nAtha kho āyasmā isidatto āyasmantaṁ theraṁ etadavoca:\n“byākaromahaṁ, bhante thera, cittassa gahapatino etaṁ pañhan”ti?\n“Byākarohi tvaṁ, āvuso isidatta, cittassa gahapatino etaṁ pañhan”ti.\n“Evañhi tvaṁ, gahapati, pucchasi:\n‘dhātunānattaṁ, dhātunānattanti, bhante thera, vuccati.\nKittāvatā nu kho, bhante, dhātunānattaṁ, vuttaṁ bhagavatā’”ti?\n“Evaṁ, bhante”.\n“Idaṁ kho, gahapati, dhātunānattaṁ vuttaṁ bhagavatā—\ncakkhudhātu, rūpadhātu, cakkhuviññāṇadhātu …pe…\nmanodhātu, dhammadhātu, manoviññāṇadhātu.\nEttāvatā kho, gahapati, dhātunānattaṁ vuttaṁ bhagavatā”ti.","en":"Now at that time Venerable Isidatta was the most junior mendicant in that Saṅgha.\nHe said to the senior venerable,\n“Honorable Senior, may I answer Citta’s question?”\n“Answer it, Reverend Isidatta.”\n“Householder, is this your question:\n‘They speak of “the diversity of elements”.\nIn what way did the Buddha speak of the diversity of elements?’”\n“Yes, sir.”\n“This is the diversity of elements spoken of by the Buddha.\nThe eye element, the sights element, the eye consciousness element …\nThe mind element, the idea element, the mind consciousness element.\nThis is how the Buddha spoke of the diversity of elements.”"}},{"id":"sn41.2:4","sourceIds":["sn41.2:4.1","sn41.2:4.2","sn41.2:4.3","sn41.2:4.4","sn41.2:4.5","sn41.2:4.6"],"kind":"text","text":{"pi":"Atha kho citto gahapati āyasmato isidattassa bhāsitaṁ abhinanditvā anumoditvā there bhikkhū paṇītena khādanīyena bhojanīyena sahatthā santappesi sampavāresi.\nAtha kho therā bhikkhū bhuttāvino onītapattapāṇino uṭṭhāyāsanā pakkamiṁsu.\nAtha kho āyasmā thero āyasmantaṁ isidattaṁ etadavoca:\n“sādhu kho taṁ, āvuso isidatta, eso pañho paṭibhāsi, neso pañho maṁ paṭibhāsi.\nTenahāvuso isidatta, yadā aññathāpi evarūpo pañho āgaccheyya, taññevettha paṭibhāseyyā”ti.\nDutiyaṁ.","en":"Then Citta, having approved and agreed with what Isidatta said, served and satisfied the senior mendicants with his own hands with delicious fresh and cooked foods.\nWhen the senior mendicants had eaten and washed their hands and bowls, they rose from their seats and left.\nThen the senior venerable said to Venerable Isidatta,\n“Isidatta, it’s good that you felt inspired to answer that question, because I didn’t.\nSo when a similar question comes up, you should also answer it as you feel inspired.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn41.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}