{"id":"sn41.5","title":"With Kāmabhū (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn41.5","title":"With Kāmabhū (1st)","units":[{"id":"sn41.5:0","sourceIds":["sn41.5:0.1","sn41.5:0.2","sn41.5:0.3"],"kind":"text","text":{"pi":"Saṁyutta Nikāya 41.5\n1. Cittavagga\nPaṭhamakāmabhūsutta","en":"Linked Discourses 41.5\n1. With Citta\nWith Kāmabhū (1st)"}},{"id":"sn41.5:1","sourceIds":["sn41.5:1.1","sn41.5:1.2"],"kind":"text","text":{"pi":"Ekaṁ samayaṁ āyasmā kāmabhū macchikāsaṇḍe viharati ambāṭakavane.\nAtha kho citto gahapati yenāyasmā kāmabhū tenupasaṅkami; upasaṅkamitvā āyasmantaṁ kāmabhuṁ abhivādetvā ekamantaṁ nisīdi. Ekamantaṁ nisinnaṁ kho cittaṁ gahapatiṁ āyasmā kāmabhū etadavoca:","en":"At one time Venerable Kāmabhū was staying near Macchikāsaṇḍa in the Wild Mango Grove.\nThen Citta the householder went up to Venerable Kāmabhū, bowed, and sat down to one side. Kāmabhū said to him,"}},{"id":"sn41.5:2","sourceIds":["sn41.5:2.1"],"kind":"text","text":{"pi":"“Vuttamidaṁ, gahapati:","en":"“Householder, there is this saying:"}},{"id":"sn41.5:3","sourceIds":["sn41.5:3.1","sn41.5:3.2","sn41.5:3.3","sn41.5:3.4"],"kind":"text","text":{"pi":"‘Nelaṅgo setapacchādo,\nekāro vattatī ratho;\nAnīghaṁ passa āyantaṁ,\nchinnasotaṁ abandhanan’ti.","en":"‘With faultless parts and white canopy,\nthe one-spoked chariot rolls on.\nSee it come, untroubled,\nwith stream cut, unbound.’"}},{"id":"sn41.5:4","sourceIds":["sn41.5:4.1","sn41.5:4.2","sn41.5:4.3","sn41.5:4.4","sn41.5:4.5"],"kind":"text","text":{"pi":"Imassa nu kho, gahapati, saṅkhittena bhāsitassa kathaṁ vitthārena attho daṭṭhabbo”ti?\n“Kiṁ nu kho etaṁ, bhante, bhagavatā bhāsitan”ti?\n“Evaṁ, gahapatī”ti.\n“Tena hi, bhante, muhuttaṁ āgamehi yāvassa atthaṁ pekkhāmī”ti.\nAtha kho citto gahapati muhuttaṁ tuṇhī hutvā āyasmantaṁ kāmabhuṁ etadavoca:","en":"How should we see the detailed meaning of this brief statement?”\n“Sir, was this spoken by the Buddha?”\n“Yes, householder.”\n“Well then, sir, please wait a while as I consider the meaning of this.”\nThen after staying silent for a while, Citta said to Kāmabhū:"}},{"id":"sn41.5:5","sourceIds":["sn41.5:5.1","sn41.5:5.2","sn41.5:5.3","sn41.5:5.4","sn41.5:5.5","sn41.5:5.6","sn41.5:5.7","sn41.5:5.8","sn41.5:5.9","sn41.5:5.10","sn41.5:5.11","sn41.5:5.12","sn41.5:5.13","sn41.5:5.14","sn41.5:5.15","sn41.5:5.16"],"kind":"text","text":{"pi":"“‘Nelaṅgan’ti kho, bhante, sīlānametaṁ adhivacanaṁ.\n‘Setapacchādo’ti kho, bhante, vimuttiyā etaṁ adhivacanaṁ.\n‘Ekāro’ti kho, bhante, satiyā etaṁ adhivacanaṁ.\n‘Vattatī’ti kho, bhante, abhikkamapaṭikkamassetaṁ adhivacanaṁ.\n‘Ratho’ti kho, bhante, imassetaṁ cātumahābhūtikassa kāyassa adhivacanaṁ mātāpettikasambhavassa odanakummāsūpacayassa aniccucchādanaparimaddanabhedanaviddhaṁsanadhammassa.\nRāgo kho, bhante, nīgho, doso nīgho, moho nīgho.\nTe khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā khīṇāsavo bhikkhu ‘anīgho’ti vuccati.\n‘Āyantan’ti kho, bhante, arahato etaṁ adhivacanaṁ.\n‘Soto’ti kho, bhante, taṇhāyetaṁ adhivacanaṁ.\nSā khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā khīṇāsavo bhikkhu ‘chinnasoto’ti vuccati.\nRāgo kho, bhante, bandhanaṁ, doso bandhanaṁ, moho bandhanaṁ.\nTe khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā khīṇāsavo bhikkhu ‘abandhano’ti vuccati.\nIti kho, bhante, yaṁ taṁ bhagavatā vuttaṁ:","en":"“Sir, ‘faultless parts’ is a term for ethics.\n‘White canopy’ is a term for freedom.\n‘One spoke’ is a term for mindfulness.\n‘Rolls on’ is a term for going forward and coming back.\n‘Chariot’ is a term for this body made up of the four principal states, produced by mother and father, built up from rice and porridge, liable to impermanence, to wearing away and erosion, to breaking up and destruction.\nGreed, hate, and delusion are troubles.\nA mendicant who has ended the defilements has given these up, cut them off at the root, made them like a palm stump, and obliterated them, so they are unable to arise in the future.\nThat’s why a mendicant who has ended the defilements is called ‘untroubled’.\n‘The one who comes’ is a term for the perfected one.\n‘Stream’ is a term for craving.\nA mendicant who has ended the defilements has given this up, cut it off at the root, made it like a palm stump, and obliterated it, so it’s unable to arise in the future.\nThat’s why a mendicant who has ended the defilements is said to have ‘cut the stream’.\nGreed, hate, and delusion are bonds.\nA mendicant who has ended the defilements has given these up, cut them off at the root, made them like a palm stump, and obliterated them, so they are unable to arise in the future.\nThat’s why a mendicant who has ended the defilements is called ‘unbound’.\nSo, sir, that’s how I understand the detailed meaning of what the Buddha said in brief:"}},{"id":"sn41.5:6","sourceIds":["sn41.5:6.1","sn41.5:6.2","sn41.5:6.3","sn41.5:6.4"],"kind":"text","text":{"pi":"‘Nelaṅgo setapacchādo,\nekāro vattatī ratho;\nAnīghaṁ passa āyantaṁ,\nchinnasotaṁ abandhanan’ti.","en":"‘With faultless parts and white canopy,\nthe one-spoked chariot rolls on.\nSee it come, untroubled,\nwith stream cut, unbound.’”"}},{"id":"sn41.5:7","sourceIds":["sn41.5:7.1","sn41.5:7.2","sn41.5:7.3","sn41.5:7.4"],"kind":"text","text":{"pi":"Imassa kho, bhante, bhagavatā saṅkhittena bhāsitassa evaṁ vitthārena atthaṁ ājānāmī”ti.\n“Lābhā te, gahapati, suladdhaṁ te, gahapati.\nYassa te gambhīre buddhavacane paññācakkhu kamatī”ti.\nPañcamaṁ.","en":"“You’re fortunate, householder, so very fortunate,\nto traverse the Buddha’s deep teachings with the eye of wisdom.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn41.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}