{"id":"sn42.1","title":"Fury","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn42.1","title":"Fury","units":[{"id":"sn42.1:0","sourceIds":["sn42.1:0.1","sn42.1:0.2","sn42.1:0.3"],"kind":"text","text":{"pi":"Saṁyutta Nikāya 42.1\n1. Gāmaṇivagga\nCaṇḍasutta","en":"Linked Discourses 42.1\n1. Chiefs\nFury"}},{"id":"sn42.1:1","sourceIds":["sn42.1:1.1","sn42.1:1.2","sn42.1:1.3","sn42.1:1.4","sn42.1:1.5","sn42.1:1.6","sn42.1:1.7","sn42.1:1.8","sn42.1:1.9","sn42.1:1.10","sn42.1:1.11","sn42.1:1.12","sn42.1:1.13","sn42.1:1.14"],"kind":"text","text":{"pi":"Sāvatthinidānaṁ.\nAtha kho caṇḍo gāmaṇi yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho caṇḍo gāmaṇi bhagavantaṁ etadavoca:\n“ko nu kho, bhante, hetu, ko paccayo yena midhekacco caṇḍo caṇḍotveva saṅkhaṁ gacchati.\nKo pana, bhante, hetu, ko paccayo yena midhekacco sorato soratotveva saṅkhaṁ gacchatī”ti?\n“Idha, gāmaṇi, ekaccassa rāgo appahīno hoti.\nRāgassa appahīnattā pare kopenti, parehi kopiyamāno kopaṁ pātukaroti.\nSo caṇḍotveva saṅkhaṁ gacchati.\nDoso appahīno hoti.\nDosassa appahīnattā pare kopenti, parehi kopiyamāno kopaṁ pātukaroti.\nSo caṇḍotveva saṅkhaṁ gacchati.\nMoho appahīno hoti.\nMohassa appahīnattā pare kopenti, parehi kopiyamāno kopaṁ pātukaroti.\nSo caṇḍotveva saṅkhaṁ gacchati.\nAyaṁ kho, gāmaṇi, hetu, ayaṁ paccayo yena midhekacco caṇḍo caṇḍotveva saṅkhaṁ gacchati.","en":"At Sāvatthī.\nThen Fury the chief went up to the Buddha, bowed, sat down to one side, and said to him:\n“What is the cause, sir, what is the reason why some people are regarded as furious,\nwhile others are regarded as gentle?”\n“Take someone who hasn’t given up greed.\nSo they get annoyed by others, and they show it.\nThey’re regarded as furious.\nThey haven’t given up hate.\nSo they get annoyed by others, and they show it.\nThey’re regarded as furious.\nThey haven’t given up delusion.\nSo they get annoyed by others, and they show it.\nThey’re regarded as furious.\nThis is the cause, this is the reason why some people are regarded as furious."}},{"id":"sn42.1:2","sourceIds":["sn42.1:2.1","sn42.1:2.2","sn42.1:2.3","sn42.1:2.4","sn42.1:2.5","sn42.1:2.6","sn42.1:2.7","sn42.1:2.8","sn42.1:2.9","sn42.1:2.10"],"kind":"text","text":{"pi":"Idha pana, gāmaṇi, ekaccassa rāgo pahīno hoti.\nRāgassa pahīnattā pare na kopenti, parehi kopiyamāno kopaṁ na pātukaroti.\nSo soratotveva saṅkhaṁ gacchati.\nDoso pahīno hoti.\nDosassa pahīnattā pare na kopenti, parehi kopiyamāno kopaṁ na pātukaroti.\nSo soratotveva saṅkhaṁ gacchati.\nMoho pahīno hoti.\nMohassa pahīnattā pare na kopenti, parehi kopiyamāno kopaṁ na pātukaroti.\nSo soratotveva saṅkhaṁ gacchati.\nAyaṁ kho, gāmaṇi, hetu ayaṁ paccayo yena midhekacco sorato soratotveva saṅkhaṁ gacchatī”ti.","en":"But take someone who has given up greed.\nSo they don’t get annoyed by others, and don’t show it.\nThey’re regarded as gentle.\nThey’ve given up hate.\nSo they don’t get annoyed by others, and don’t show it.\nThey’re regarded as gentle.\nThey’ve given up delusion.\nSo they don’t get annoyed by others, and don’t show it.\nThey’re regarded as gentle.\nThis is the cause, this is the reason why some people are regarded as gentle.”"}},{"id":"sn42.1:3","sourceIds":["sn42.1:3.1","sn42.1:3.2","sn42.1:3.3","sn42.1:3.4","sn42.1:3.5","sn42.1:3.6"],"kind":"text","text":{"pi":"Evaṁ vutte, caṇḍo gāmaṇi bhagavantaṁ etadavoca:\n“abhikkantaṁ, bhante, abhikkantaṁ, bhante.\nSeyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhagavatā anekapariyāyena dhammo pakāsito.\nEsāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.\nPaṭhamaṁ.","en":"When he said this, Fury the chief said to the Buddha,\n“Excellent, sir! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, the Buddha has made the teaching clear in many ways.\nI go for refuge to the Buddha, to the teaching, and to the mendicant Saṅgha.\nFrom this day forth, may the Buddha remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn42.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}