{"id":"sn42.10","title":"With Maṇicūḷaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn42.10","title":"With Maṇicūḷaka","units":[{"id":"sn42.10:0","sourceIds":["sn42.10:0.1","sn42.10:0.2","sn42.10:0.3"],"kind":"text","text":{"pi":"Saṁyutta Nikāya 42.10\n1. Gāmaṇivagga\nMaṇicūḷakasutta","en":"Linked Discourses 42.10\n1. Chiefs\nWith Maṇicūḷaka"}},{"id":"sn42.10:1","sourceIds":["sn42.10:1.1","sn42.10:1.2","sn42.10:1.3"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena rājantepure rājaparisāya sannisinnānaṁ sannipatitānaṁ ayamantarākathā udapādi:\n“kappati samaṇānaṁ sakyaputtiyānaṁ jātarūparajataṁ, sādiyanti samaṇā sakyaputtiyā jātarūparajataṁ, paṭiggaṇhanti samaṇā sakyaputtiyā jātarūparajatan”ti.","en":"At one time the Buddha was staying near Rājagaha in the Bamboo Grove, the squirrels’ feeding ground.\nNow at that time while the king’s retinue was sitting together in the royal compound this discussion came up among them,\n“Gold and currency are proper for ascetics who follow the Sakyan. They accept and receive gold and currency.”"}},{"id":"sn42.10:2","sourceIds":["sn42.10:2.1","sn42.10:2.2","sn42.10:2.3","sn42.10:2.4","sn42.10:2.5","sn42.10:2.6","sn42.10:2.7","sn42.10:2.8","sn42.10:2.9","sn42.10:2.10","sn42.10:2.11","sn42.10:2.12","sn42.10:2.13"],"kind":"text","text":{"pi":"Tena kho pana samayena maṇicūḷako gāmaṇi tassaṁ parisāyaṁ nisinno hoti.\nAtha kho maṇicūḷako gāmaṇi taṁ parisaṁ etadavoca:\n“mā ayyo evaṁ avacuttha.\nNa kappati samaṇānaṁ sakyaputtiyānaṁ jātarūparajataṁ, na sādiyanti samaṇā sakyaputtiyā jātarūparajataṁ, nappaṭiggaṇhanti samaṇā sakyaputtiyā jātarūparajataṁ, nikkhittamaṇisuvaṇṇā samaṇā sakyaputtiyā apetajātarūparajatā”ti.\nAsakkhi kho maṇicūḷako gāmaṇi taṁ parisaṁ saññāpetuṁ.\nAtha kho maṇicūḷako gāmaṇi yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho maṇicūḷako gāmaṇi bhagavantaṁ etadavoca:\n“idha, bhante, rājantepure rājaparisāya sannisinnānaṁ sannipatitānaṁ ayamantarākathā udapādi:\n‘kappati samaṇānaṁ sakyaputtiyānaṁ jātarūparajataṁ, sādiyanti samaṇā sakyaputtiyā jātarūparajataṁ, paṭiggaṇhanti samaṇā sakyaputtiyā jātarūparajatan’ti.\nEvaṁ vutte, ahaṁ, bhante, taṁ parisaṁ etadavocaṁ:\n‘mā ayyo evaṁ avacuttha.\nNa kappati samaṇānaṁ sakyaputtiyānaṁ jātarūparajataṁ, na sādiyanti samaṇā sakyaputtiyā jātarūparajataṁ, nappaṭiggaṇhanti samaṇā sakyaputtiyā jātarūparajataṁ, nikkhittamaṇisuvaṇṇā samaṇā sakyaputtiyā apetajātarūparajatā’ti.\nAsakkhiṁ khvāhaṁ, bhante, taṁ parisaṁ saññāpetuṁ.\nKaccāhaṁ, bhante, evaṁ byākaramāno vuttavādī ceva bhagavato homi, na ca bhagavantaṁ abhūtena abbhācikkhāmi, dhammassa cānudhammaṁ byākaromi, na ca koci sahadhammiko vādānuvādo gārayhaṁ ṭhānaṁ āgacchatī”ti?","en":"Now at that time the chief Maṇicūḷaka was sitting in that assembly.\nHe said to that retinue,\n“Good masters, don’t say that.\nGold and currency are not proper for ascetics who follow the Sakyan. They neither accept nor receive gold and currency. They have set aside gems and gold, and quit using gold and currency.”\nHe was able to persuade that assembly.\nThen Maṇicūḷaka went up to the Buddha, bowed, sat down to one side, and told him what had happened. He then said,\n“Answering this way, I trust that I repeat what the Buddha has said, and don’t misrepresent him with an untruth. I trust my explanation is in line with the teaching, and that there are no legitimate grounds for rebuttal or criticism.”"}},{"id":"sn42.10:3","sourceIds":["sn42.10:3.1","sn42.10:3.2","sn42.10:3.3","sn42.10:3.4","sn42.10:3.5","sn42.10:3.6","sn42.10:3.7","sn42.10:3.8"],"kind":"text","text":{"pi":"“Taggha tvaṁ, gāmaṇi, evaṁ byākaramāno vuttavādī ceva me hosi, na ca maṁ abhūtena abbhācikkhasi, dhammassa cānudhammaṁ byākarosi, na ca koci sahadhammiko vādānuvādo gārayhaṁ ṭhānaṁ āgacchati.\nNa hi, gāmaṇi, kappati samaṇānaṁ sakyaputtiyānaṁ jātarūparajataṁ, na sādiyanti samaṇā sakyaputtiyā jātarūparajataṁ, nappaṭiggaṇhanti samaṇā sakyaputtiyā jātarūparajataṁ, nikkhittamaṇisuvaṇṇā samaṇā sakyaputtiyā apetajātarūparajatā.\nYassa kho, gāmaṇi, jātarūparajataṁ kappati, pañcapi tassa kāmaguṇā kappanti.\nYassa pañca kāmaguṇā kappanti (…), ekaṁsenetaṁ, gāmaṇi, dhāreyyāsi assamaṇadhammo asakyaputtiyadhammoti.\nApi cāhaṁ, gāmaṇi, evaṁ vadāmi—\ntiṇaṁ tiṇatthikena pariyesitabbaṁ, dāru dārutthikena pariyesitabbaṁ, sakaṭaṁ sakaṭatthikena pariyesitabbaṁ, puriso purisatthikena pariyesitabbo.\nNa tvevāhaṁ, gāmaṇi, kenaci pariyāyena ‘jātarūparajataṁ sāditabbaṁ pariyesitabban’ti vadāmī”ti.\nDasamaṁ.","en":"“Indeed, in answering this way you repeat what I’ve said, and don’t misrepresent me with an untruth. Your explanation is in line with the teaching, and there are no legitimate grounds for rebuttal or criticism.\nGold and currency are not proper for ascetics who follow the Sakyan. They neither accept nor receive gold and currency. They have set aside gems and gold, and quit using gold and currency.\nIf gold and currency were proper for them, then the five kinds of sensual stimulation would also be proper.\nAnd if the five kinds of sensual stimulation are proper for them, you should categorically regard them as not having the qualities of an ascetic or a follower of the Sakyan.\nRather, chief, I say this:\nStraw may be looked for by one needing straw; wood may be looked for by one needing wood; a cart may be looked for by one needing a cart; a workman may be looked for by one needing a workman.\nBut in any case, there is no way they can accept or look for gold and currency, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn42.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}