{"id":"sn42.2","title":"With Tālapuṭa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn42.2","title":"With Tālapuṭa","units":[{"id":"sn42.2:0","sourceIds":["sn42.2:0.1","sn42.2:0.2","sn42.2:0.3"],"kind":"text","text":{"pi":"Saṁyutta Nikāya 42.2\n1. Gāmaṇivagga\nTālapuṭasutta","en":"Linked Discourses 42.2\n1. Chiefs\nWith Tālapuṭa"}},{"id":"sn42.2:1","sourceIds":["sn42.2:1.1","sn42.2:1.2","sn42.2:1.3","sn42.2:1.4","sn42.2:1.5","sn42.2:1.6","sn42.2:1.7","sn42.2:1.8","sn42.2:1.9","sn42.2:1.10","sn42.2:1.11","sn42.2:1.12","sn42.2:1.13","sn42.2:1.14","sn42.2:1.15"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nAtha kho tālapuṭo naṭagāmaṇi yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho tālapuṭo naṭagāmaṇi bhagavantaṁ etadavoca:\n“sutaṁ metaṁ, bhante, pubbakānaṁ ācariyapācariyānaṁ naṭānaṁ bhāsamānānaṁ:\n‘yo so naṭo raṅgamajjhe samajjamajjhe saccālikena janaṁ hāseti rameti, so kāyassa bhedā paraṁ maraṇā pahāsānaṁ devānaṁ sahabyataṁ upapajjatī’ti.\nIdha bhagavā kimāhā”ti?\n“Alaṁ, gāmaṇi, tiṭṭhatetaṁ. Mā maṁ etaṁ pucchī”ti.\nDutiyampi kho tālapuṭo naṭagāmaṇi bhagavantaṁ etadavoca:\n“sutaṁ metaṁ, bhante, pubbakānaṁ ācariyapācariyānaṁ naṭānaṁ bhāsamānānaṁ:\n‘yo so naṭo raṅgamajjhe samajjamajjhe saccālikena janaṁ hāseti rameti, so kāyassa bhedā paraṁ maraṇā pahāsānaṁ devānaṁ sahabyataṁ upapajjatī’ti.\nIdha bhagavā kimāhā”ti?\n“Alaṁ, gāmaṇi, tiṭṭhatetaṁ. Mā maṁ etaṁ pucchī”ti.\nTatiyampi kho tālapuṭo naṭagāmaṇi bhagavantaṁ etadavoca:\n“sutaṁ metaṁ, bhante, pubbakānaṁ ācariyapācariyānaṁ naṭānaṁ bhāsamānānaṁ:\n‘yo so naṭo raṅgamajjhe samajjamajjhe saccālikena janaṁ hāseti rameti, so kāyassa bhedā paraṁ maraṇā pahāsānaṁ devānaṁ sahabyataṁ upapajjatī’ti.\nIdha bhagavā kimāhā”ti?","en":"At one time the Buddha was staying near Rājagaha in the Bamboo Grove, the squirrels’ feeding ground.\nThen Tālapuṭa the dancing chief came up to the Buddha, bowed, sat down to one side, and said to him:\n“Sir, I have heard that the dancers of the past who were tutors of tutors said:\n‘Suppose a dancer entertains and amuses people on a stage or at a festival with mixed truth and lies. When their body breaks up, after death, they’re reborn in the company of laughing gods.’\nWhat does the Buddha say about this?”\n“Enough, chief, let it be. Don’t ask me that.”\nFor a second time …\nAnd for a third time Tālapuṭa said to the Buddha:\n“Sir, I have heard that the dancers of the past who were tutors of tutors said:\n‘Suppose a dancer entertains and amuses people on a stage or at a festival with mixed truth and lies. When their body breaks up, after death, they’re reborn in the company of laughing gods.’\nWhat does the Buddha say about this?”"}},{"id":"sn42.2:2","sourceIds":["sn42.2:2.1","sn42.2:2.2","sn42.2:2.3","sn42.2:2.4","sn42.2:2.5","sn42.2:2.6","sn42.2:2.7","sn42.2:2.8","sn42.2:2.9","sn42.2:2.10","sn42.2:2.11","sn42.2:2.12","sn42.2:2.13","sn42.2:2.14","sn42.2:2.15"],"kind":"text","text":{"pi":"“Addhā kho tyāhaṁ, gāmaṇi, na labhāmi:\n‘alaṁ, gāmaṇi, tiṭṭhatetaṁ,\nmā maṁ etaṁ pucchī’ti.\nApi ca tyāhaṁ byākarissāmi.\nPubbe kho, gāmaṇi, sattā avītarāgā rāgabandhanabaddhā.\nTesaṁ naṭo raṅgamajjhe samajjamajjhe ye dhammā rajanīyā te upasaṁharati bhiyyoso mattāya.\nPubbe kho, gāmaṇi, sattā avītadosā dosabandhanabaddhā.\nTesaṁ naṭo raṅgamajjhe samajjamajjhe ye dhammā dosanīyā te upasaṁharati bhiyyoso mattāya.\nPubbe kho, gāmaṇi, sattā avītamohā mohabandhanabaddhā.\nTesaṁ naṭo raṅgamajjhe samajjamajjhe ye dhammā mohanīyā te upasaṁharati bhiyyoso mattāya.\nSo attanā matto pamatto pare madetvā pamādetvā kāyassa bhedā paraṁ maraṇā pahāso nāma nirayo tattha upapajjati.\nSace kho panassa evaṁdiṭṭhi hoti:\n‘yo so naṭo raṅgamajjhe samajjamajjhe saccālikena janaṁ hāseti rameti, so kāyassa bhedā paraṁ maraṇā pahāsānaṁ devānaṁ sahabyataṁ upapajjatī’ti, sāssa hoti micchādiṭṭhi.\nMicchādiṭṭhikassa kho panāhaṁ, gāmaṇi, purisapuggalassa dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā”ti.","en":"“Clearly, chief, I’m not getting through to you when I say:\n‘Enough, chief, let it be.\nDon’t ask me that.’\nNevertheless, I will answer you.\nWhen sentient beings are still not free of greed, and are still bound by greed,\na dancer in a stage or festival presents them with even more arousing things.\nWhen sentient beings are still not free of hate, and are still bound by hate,\na dancer in a stage or festival presents them with even more hateful things.\nWhen sentient beings are still not free of delusion, and are still bound by delusion,\na dancer in a stage or festival presents them with even more delusory things.\nAnd so, being heedless and negligent themselves, they’ve encouraged others to be heedless and negligent. When their body breaks up, after death, they’re reborn in the hell called ‘Laughter’.\nBut if you have such a view:\n‘Suppose a dancer entertains and amuses people on a stage or at a festival with mixed truth and lies. When their body breaks up, after death, they’re reborn in the company of laughing gods.’ This is your wrong view.\nAn individual with wrong view is reborn in one of two places, I say:\nhell or the animal realm.”"}},{"id":"sn42.2:3","sourceIds":["sn42.2:3.1","sn42.2:3.2","sn42.2:3.3","sn42.2:3.4","sn42.2:3.5","sn42.2:3.6","sn42.2:3.7","sn42.2:3.8","sn42.2:3.9","sn42.2:3.10","sn42.2:3.11","sn42.2:3.12","sn42.2:3.13","sn42.2:3.14"],"kind":"text","text":{"pi":"Evaṁ vutte, tālapuṭo naṭagāmaṇi parodi assūni pavattesi.\n“Etaṁ kho tyāhaṁ, gāmaṇi, nālatthaṁ:\n‘alaṁ, gāmaṇi, tiṭṭhatetaṁ; mā maṁ etaṁ pucchī’”ti.\n“Nāhaṁ, bhante, etaṁ rodāmi yaṁ maṁ bhagavā evamāha;\napi cāhaṁ, bhante, pubbakehi ācariyapācariyehi naṭehi dīgharattaṁ nikato vañcito paluddho:\n‘yo so naṭo raṅgamajjhe samajjamajjhe saccālikena janaṁ hāseti rameti so kāyassa bhedā paraṁ maraṇā pahāsānaṁ devānaṁ sahabyataṁ upapajjatī’”ti.\n“Abhikkantaṁ, bhante, abhikkantaṁ, bhante.\nSeyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhagavatā anekapariyāyena dhammo pakāsito.\nEsāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.\nLabheyyāhaṁ, bhante, bhagavato santike pabbajjaṁ, labheyyaṁ upasampadan”ti.\nAlattha kho tālapuṭo naṭagāmaṇi bhagavato santike pabbajjaṁ, alattha upasampadaṁ.\nAcirūpasampanno ca panāyasmā tālapuṭo …pe…\narahataṁ ahosīti.\nDutiyaṁ.","en":"When he said this, Tālapuṭa cried and burst out in tears.\n“This is what I didn’t get through to you when I said:\n‘Enough, chief, let it be. Don’t ask me that.’”\n“Sir, I’m not crying because of what the Buddha said.\nBut sir, for a long time I’ve been cheated, tricked, and deceived by the dancers of the past who were tutors of tutors, who said:\n‘Suppose a dancer entertains and amuses people on a stage or at a festival with mixed truth and lies. When their body breaks up, after death, they’re reborn in the company of laughing gods.’\nExcellent, sir! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, the Buddha has made the teaching clear in many ways.\nI go for refuge to the Buddha, to the teaching, and to the mendicant Saṅgha.\nSir, may I receive the going forth, the ordination in the Buddha’s presence?”\nAnd Tālapuṭa the dancing chief received the going forth, the ordination in the Buddha’s presence.\nNot long after his ordination, Venerable Tālapuṭa\nbecame one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn42.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}