{"id":"sn42.3","title":"A Warrior","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn42.3","title":"A Warrior","units":[{"id":"sn42.3:0","sourceIds":["sn42.3:0.1","sn42.3:0.2","sn42.3:0.3"],"kind":"text","text":{"pi":"Saṁyutta Nikāya 42.3\n1. Gāmaṇivagga\nYodhājīvasutta","en":"Linked Discourses 42.3\n1. Chiefs\nA Warrior"}},{"id":"sn42.3:1","sourceIds":["sn42.3:1.1","sn42.3:1.2","sn42.3:1.3","sn42.3:1.4","sn42.3:1.5","sn42.3:1.6","sn42.3:1.7","sn42.3:1.8","sn42.3:1.9","sn42.3:1.10"],"kind":"text","text":{"pi":"Atha kho yodhājīvo gāmaṇi yena bhagavā tenupasaṅkami; upasaṅkamitvā …pe… ekamantaṁ nisinno kho yodhājīvo gāmaṇi bhagavantaṁ etadavoca:\n“sutaṁ metaṁ, bhante, pubbakānaṁ ācariyapācariyānaṁ yodhājīvānaṁ bhāsamānānaṁ:\n‘yo so yodhājīvo saṅgāme ussahati vāyamati, tamenaṁ ussahantaṁ vāyamantaṁ pare hananti pariyāpādenti, so kāyassa bhedā paraṁ maraṇā parajitānaṁ devānaṁ sahabyataṁ upapajjatī’ti.\nIdha bhagavā kimāhā”ti?\n“Alaṁ, gāmaṇi, tiṭṭhatetaṁ; mā maṁ etaṁ pucchī”ti.\nDutiyampi kho …pe…\ntatiyampi kho yodhājīvo gāmaṇi bhagavantaṁ etadavoca:\n“sutaṁ metaṁ, bhante, pubbakānaṁ ācariyapācariyānaṁ yodhājīvānaṁ bhāsamānānaṁ:\n‘yo so yodhājīvo saṅgāme ussahati vāyamati, tamenaṁ ussahantaṁ vāyamantaṁ pare hananti pariyāpādenti, so kāyassa bhedā paraṁ maraṇā parajitānaṁ devānaṁ sahabyataṁ upapajjatī’ti.\nIdha bhagavā kimāhā”ti?","en":"Then Dustin the warrior chief went up to the Buddha, bowed, sat down to one side, and said to him:\n“Sir, I have heard that the warriors of the past who were tutors of tutors said:\n‘Suppose a warrior, while striving and struggling in battle, is killed and finished off by his foes. When his body breaks up, after death, he’s reborn in the company of the gods of the fallen.’\nWhat does the Buddha say about this?”\n“Enough, chief, let it be. Don’t ask me that.”\nFor a second time …\nAnd for a third time Dustin the warrior chief said to the Buddha:\n“Sir, I have heard that the warriors of the past who were tutors of tutors said:\n‘Suppose a warrior, while striving and struggling in battle, is killed and finished off by his foes. When his body breaks up, after death, he’s reborn in the company of the gods of the fallen.’\nWhat does the Buddha say about this?”"}},{"id":"sn42.3:2","sourceIds":["sn42.3:2.1","sn42.3:2.2","sn42.3:2.3","sn42.3:2.4","sn42.3:2.5","sn42.3:2.6","sn42.3:2.7","sn42.3:2.8","sn42.3:2.9","sn42.3:2.10","sn42.3:2.11"],"kind":"text","text":{"pi":"“Addhā kho tyāhaṁ, gāmaṇi, na labhāmi:\n‘alaṁ, gāmaṇi, tiṭṭhatetaṁ; mā maṁ etaṁ pucchī’ti.\nApi ca tyāhaṁ byākarissāmi.\nYo so, gāmaṇi, yodhājīvo saṅgāme ussahati vāyamati, tassa taṁ cittaṁ pubbe gahitaṁ dukkaṭaṁ duppaṇihitaṁ:\n‘ime sattā haññantu vā bajjhantu vā ucchijjantu vā vinassantu vā mā vā ahesuṁ iti vā’ti.\nTamenaṁ ussahantaṁ vāyamantaṁ pare hananti pariyāpādenti;\nso kāyassa bhedā paraṁ maraṇā parajito nāma nirayo tattha upapajjatīti.\nSace kho panassa evaṁ diṭṭhi hoti:\n‘yo so yodhājīvo saṅgāme ussahati vāyamati tamenaṁ ussahantaṁ vāyamantaṁ pare hananti pariyāpādenti, so kāyassa bhedā paraṁ maraṇā parajitānaṁ devānaṁ sahabyataṁ upapajjatī’ti, sāssa hoti micchādiṭṭhi.\nMicchādiṭṭhikassa kho panāhaṁ, gāmaṇi, purisapuggalassa dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā”ti.","en":"“Clearly, chief, I’m not getting through to you when I say:\n‘Enough, chief, let it be. Don’t ask me that.’\nNevertheless, I will answer you.\nWhen a warrior strives and struggles in battle, their mind is already low, degraded, and misdirected as they think:\n‘May these sentient beings be killed, slaughtered, slain, destroyed, or annihilated!’\nHis foes kill him and finish him off, and\nwhen his body breaks up, after death, he’s reborn in the hell called ‘The Fallen’.\nBut if you have such a view:\n‘Suppose a warrior, while striving and struggling in battle, is killed and finished off by his foes. When his body breaks up, after death, he’s reborn in the company of the gods of the fallen.’ This is your wrong view.\nAn individual with wrong view is reborn in one of two places, I say:\nhell or the animal realm.”"}},{"id":"sn42.3:3","sourceIds":["sn42.3:3.1","sn42.3:3.2","sn42.3:3.3","sn42.3:3.4","sn42.3:3.5","sn42.3:3.6","sn42.3:3.7","sn42.3:3.8","sn42.3:3.9"],"kind":"text","text":{"pi":"Evaṁ vutte, yodhājīvo gāmaṇi parodi, assūni pavattesi.\n“Etaṁ kho tyāhaṁ, gāmaṇi, nālatthaṁ:\n‘alaṁ, gāmaṇi, tiṭṭhatetaṁ; mā maṁ etaṁ pucchī’”ti.\n“Nāhaṁ, bhante, etaṁ rodāmi yaṁ maṁ bhagavā evamāha;\napi cāhaṁ, bhante, pubbakehi ācariyapācariyehi yodhājīvehi dīgharattaṁ nikato vañcito paluddho:\n‘yo so yodhājīvo saṅgāme ussahati vāyamati, tamenaṁ ussahantaṁ vāyamantaṁ pare hananti pariyāpādenti, so kāyassa bhedā paraṁ maraṇā parajitānaṁ devānaṁ sahabyataṁ upapajjatī’”ti.\n“Abhikkantaṁ, bhante …pe…\najjatagge pāṇupetaṁ saraṇaṁ gatan”ti.\nTatiyaṁ.","en":"When he said this, Dustin the warrior chief cried and burst out in tears.\n“This is what I didn’t get through to you when I said:\n‘Enough, chief, let it be. Don’t ask me that.’”\n“Sir, I’m not crying because of what the Buddha said.\nBut sir, for a long time I’ve been cheated, tricked, and deceived by the warriors of the past who were tutors of tutors, who said:\n‘Suppose a warrior, while striving and struggling in battle, is killed and finished off by his foes. When his body breaks up, after death, he’s reborn in the company of the gods of the fallen.’\nExcellent, sir! Excellent! …\nFrom this day forth, may the Buddha remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn42.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}