{"id":"sn43.12","title":"The Unconditioned","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn43.12","title":"The Unconditioned","units":[{"id":"sn43.12:0","sourceIds":["sn43.12:0.1","sn43.12:0.2","sn43.12:0.3"],"kind":"text","text":{"pi":"Saṁyutta Nikāya 43.12\n2. Dutiyavagga\nAsaṅkhatasutta","en":"Linked Discourses 43.12\nChapter Two\nThe Unconditioned"}},{"id":"sn43.12:1","sourceIds":["sn43.12:1.1","sn43.12:1.2","sn43.12:1.3","sn43.12:1.4","sn43.12:1.5","sn43.12:1.6","sn43.12:1.7","sn43.12:1.8","sn43.12:1.9","sn43.12:1.10","sn43.12:1.11"],"kind":"text","text":{"pi":"“Asaṅkhatañca vo, bhikkhave, desessāmi asaṅkhatagāmiñca maggaṁ.\nTaṁ suṇātha.\nKatamañca, bhikkhave, asaṅkhataṁ?\nYo, bhikkhave, rāgakkhayo dosakkhayo mohakkhayo—\nidaṁ vuccati, bhikkhave, asaṅkhataṁ.\nKatamo ca, bhikkhave, asaṅkhatagāmimaggo?\nSamatho.\nAyaṁ vuccati, bhikkhave, asaṅkhatagāmimaggo.\nIti kho, bhikkhave, desitaṁ vo mayā asaṅkhataṁ, desito asaṅkhatagāmimaggo.\nYaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanīti.","en":"“Mendicants, I will teach you the unconditioned and the path that leads to the unconditioned.\nListen …\nAnd what is the unconditioned?\nThe ending of greed, hate, and delusion.\nThis is called the unconditioned.\nAnd what is the path that leads to the unconditioned?\nSerenity.\nThis is called the path that leads to the unconditioned.\nSo, mendicants, I’ve taught you the unconditioned and the path that leads to the unconditioned.\nOut of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, mendicants! Don’t be negligent! Don’t regret it later! This is my instruction to you.”"}},{"id":"sn43.12:2","sourceIds":["sn43.12:2.1","sn43.12:2.2","sn43.12:2.3","sn43.12:2.4","sn43.12:2.5","sn43.12:2.6","sn43.12:2.7","sn43.12:2.8","sn43.12:2.9","sn43.12:2.10"],"kind":"text","text":{"pi":"Asaṅkhatañca vo, bhikkhave, desessāmi asaṅkhatagāmiñca maggaṁ.\nTaṁ suṇātha.\nKatamañca, bhikkhave, asaṅkhataṁ?\nYo, bhikkhave, rāgakkhayo dosakkhayo mohakkhayo—\nidaṁ vuccati, bhikkhave, asaṅkhataṁ.\nKatamo ca, bhikkhave, asaṅkhatagāmimaggo?\nVipassanā.\nAyaṁ vuccati, bhikkhave, asaṅkhatagāmimaggo.\nIti kho, bhikkhave, desitaṁ vo mayā asaṅkhataṁ …pe…\nayaṁ vo amhākaṁ anusāsanīti.","en":"“Mendicants, I will teach you the unconditioned and the path that leads to the unconditioned.\nListen …\nAnd what is the unconditioned?\nThe ending of greed, hate, and delusion.\nThis is called the unconditioned.\nAnd what is the path that leads to the unconditioned?\nDiscernment.\nThis is called the path that leads to the unconditioned. …”"}},{"id":"sn43.12:3","sourceIds":["sn43.12:3.1","sn43.12:3.2","sn43.12:3.3","sn43.12:3.4","sn43.12:3.5","sn43.12:3.6","sn43.12:3.7","sn43.12:3.8"],"kind":"text","text":{"pi":"Katamo ca, bhikkhave, asaṅkhatagāmimaggo?\nSavitakko savicāro samādhi.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nAvitakko vicāramatto samādhi.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nAvitakko avicāro samādhi. Ayaṁ vuccati, bhikkhave, asaṅkhatagāmimaggo …pe….","en":"“And what is the path that leads to the unconditioned?\nImmersion with placing the mind and keeping it connected. …\nImmersion without placing the mind, merely keeping it connected. …\nImmersion without placing the mind or keeping it connected. …"}},{"id":"sn43.12:4","sourceIds":["sn43.12:4.1","sn43.12:4.2","sn43.12:4.3","sn43.12:4.4","sn43.12:4.5","sn43.12:4.6","sn43.12:4.7","sn43.12:4.8"],"kind":"text","text":{"pi":"Katamo ca, bhikkhave, asaṅkhatagāmimaggo?\nSuññato samādhi.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nAnimitto samādhi.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nAppaṇihito samādhi. Ayaṁ vuccati, bhikkhave, asaṅkhatagāmimaggo …pe….","en":"Emptiness immersion. …\nSignless immersion. …\nUndirected immersion. …"}},{"id":"sn43.12:5","sourceIds":["sn43.12:5.1","sn43.12:5.2","sn43.12:5.3","sn43.12:5.4","sn43.12:5.5","sn43.12:5.6","sn43.12:5.7","sn43.12:5.8","sn43.12:5.9","sn43.12:5.10","sn43.12:5.11"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu vedanāsu vedanānupassī viharati …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu citte cittānupassī viharati …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu dhammesu dhammānupassī viharati …pe… ayaṁ vuccati, bhikkhave, asaṅkhatagāmimaggo …pe….","en":"A mendicant meditates by observing an aspect of the body—keen, aware, and mindful, rid of covetousness and displeasure for the world. …\nA mendicant meditates by observing an aspect of feelings …\nA mendicant meditates by observing an aspect of the mind …\nA mendicant meditates by observing an aspect of principles …"}},{"id":"sn43.12:6","sourceIds":["sn43.12:6.1","sn43.12:6.2","sn43.12:6.3","sn43.12:6.4","sn43.12:6.5","sn43.12:6.6","sn43.12:6.7","sn43.12:6.8","sn43.12:6.9","sn43.12:6.10","sn43.12:6.11"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati. Ayaṁ vuccati, bhikkhave, asaṅkhatagāmimaggo …pe….","en":"A mendicant generates enthusiasm, tries, makes an effort, exerts the mind, and strives so that bad, unskillful qualities don’t arise. …\nA mendicant generates enthusiasm, tries, makes an effort, exerts the mind, and strives so that bad, unskillful qualities are given up. …\nA mendicant generates enthusiasm, tries, makes an effort, exerts the mind, and strives so that skillful qualities arise. …\nA mendicant generates enthusiasm, tries, makes an effort, exerts the mind, and strives so that skillful qualities that have arisen remain, are not lost, but increase, mature, and are fully developed. …"}},{"id":"sn43.12:7","sourceIds":["sn43.12:7.1","sn43.12:7.2","sn43.12:7.3","sn43.12:7.4","sn43.12:7.5","sn43.12:7.6","sn43.12:7.7","sn43.12:7.8","sn43.12:7.9","sn43.12:7.10","sn43.12:7.11"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu chandasamādhipadhānasaṅkhārasamannāgataṁ iddhipādaṁ bhāveti.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu vīriyasamādhipadhānasaṅkhārasamannāgataṁ iddhipādaṁ bhāveti.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu cittasamādhipadhānasaṅkhārasamannāgataṁ iddhipādaṁ bhāveti.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu vīmaṁsasamādhipadhānasaṅkhārasamannāgataṁ iddhipādaṁ bhāveti. Ayaṁ vuccati, bhikkhave, asaṅkhatagāmimaggo …pe….","en":"A mendicant develops the basis of psychic power that has immersion due to enthusiasm, and active effort. …\nA mendicant develops the basis of psychic power that has immersion due to energy …\nimmersion due to mental development …\nimmersion due to inquiry, and active effort. …"}},{"id":"sn43.12:8","sourceIds":["sn43.12:8.1","sn43.12:8.2","sn43.12:8.3","sn43.12:8.4","sn43.12:8.5","sn43.12:8.6","sn43.12:8.7","sn43.12:8.8","sn43.12:8.9","sn43.12:8.10","sn43.12:8.11","sn43.12:8.12","sn43.12:8.13","sn43.12:8.14"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu saddhindriyaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu vīriyindriyaṁ bhāveti vivekanissitaṁ …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu satindriyaṁ bhāveti …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu samādhindriyaṁ bhāveti …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu paññindriyaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe….","en":"A mendicant develops the faculty of faith, which relies on seclusion, fading away, and cessation, and ripens as letting go. …\nA mendicant develops the faculty of energy …\nmindfulness …\nimmersion …\nwisdom, which relies on seclusion, fading away, and cessation, and ripens as letting go. …"}},{"id":"sn43.12:9","sourceIds":["sn43.12:9.1","sn43.12:9.2","sn43.12:9.3","sn43.12:9.4","sn43.12:9.5","sn43.12:9.6","sn43.12:9.7","sn43.12:9.8","sn43.12:9.9","sn43.12:9.10","sn43.12:9.11","sn43.12:9.12","sn43.12:9.13","sn43.12:9.14"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu saddhābalaṁ bhāveti vivekanissitaṁ …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu vīriyabalaṁ bhāveti …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu satibalaṁ bhāveti …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu samādhibalaṁ bhāveti …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu paññābalaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe….","en":"A mendicant develops the power of faith …\nenergy …\nmindfulness …\nimmersion …\nwisdom, which relies on seclusion, fading away, and cessation, and ripens as letting go. …"}},{"id":"sn43.12:10","sourceIds":["sn43.12:10.1","sn43.12:10.2","sn43.12:10.3","sn43.12:10.4","sn43.12:10.5","sn43.12:10.6","sn43.12:10.7","sn43.12:10.8","sn43.12:10.9","sn43.12:10.10"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu satisambojjhaṅgaṁ bhāveti vivekanissitaṁ …pe…\nayaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu dhammavicayasambojjhaṅgaṁ bhāveti …pe…\nvīriyasambojjhaṅgaṁ bhāveti …pe…\npītisambojjhaṅgaṁ bhāveti …pe…\npassaddhisambojjhaṅgaṁ bhāveti …pe…\nsamādhisambojjhaṅgaṁ bhāveti …pe…\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe….","en":"A mendicant develops the awakening factor of mindfulness …\ninvestigation of principles …\nenergy …\nrapture …\ntranquility …\nimmersion …\nequanimity, which relies on seclusion, fading away, and cessation, and ripens as letting go. …"}},{"id":"sn43.12:11","sourceIds":["sn43.12:11.1","sn43.12:11.2","sn43.12:11.3","sn43.12:11.4","sn43.12:11.5","sn43.12:11.6","sn43.12:11.7","sn43.12:11.8","sn43.12:11.9","sn43.12:11.10","sn43.12:11.11","sn43.12:11.12","sn43.12:11.13","sn43.12:11.14","sn43.12:11.15","sn43.12:11.16","sn43.12:11.17","sn43.12:11.18","sn43.12:11.19","sn43.12:11.20"],"kind":"text","text":{"pi":"Katamo ca, bhikkhave, asaṅkhatagāmimaggo?\nIdha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nAyaṁ vuccati, bhikkhave, asaṅkhatagāmimaggo …pe…\nkatamo ca, bhikkhave, asaṅkhatagāmimaggo?\nIdha, bhikkhave, bhikkhu sammāsaṅkappaṁ bhāveti …pe…\nsammāvācaṁ bhāveti …pe…\nsammākammantaṁ bhāveti …pe…\nsammāājīvaṁ bhāveti …pe…\nsammāvāyāmaṁ bhāveti …pe…\nsammāsatiṁ bhāveti …pe…\nasaṅkhatañca vo, bhikkhave, desessāmi asaṅkhatagāmiñca maggaṁ.\nTaṁ suṇātha.\nKatamañca, bhikkhave, asaṅkhataṁ …pe…?\nKatamo ca, bhikkhave, asaṅkhatagāmimaggo?\nIdha, bhikkhave, bhikkhu sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nAyaṁ vuccati, bhikkhave, asaṅkhatagāmimaggo.\nIti kho, bhikkhave, desitaṁ vo mayā asaṅkhataṁ, desito asaṅkhatagāmimaggo.\nYaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti.\nPaṭhamaṁ.","en":"A mendicant develops right view …\nright purpose …\nright speech …\nright action …\nright livelihood …\nright effort …\nright mindfulness …\nright immersion, which relies on seclusion, fading away, and cessation, and ripens as letting go.\nThis is called the path that leads to the unconditioned.\nSo, mendicants, I’ve taught you the unconditioned and the path that leads to the unconditioned.\nOut of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, mendicants! Don’t be negligent! Don’t regret it later! This is my instruction to you.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn43.12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}