{"id":"sn43.44","title":"The Final Haven","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn43.44","title":"The Final Haven","units":[{"id":"sn43.44:0","sourceIds":["sn43.44:0.1","sn43.44:0.2","sn43.44:0.3"],"kind":"text","text":{"pi":"Saṁyutta Nikāya 43.44\n2. Dutiyavagga\nParāyanasutta","en":"Linked Discourses 43.44\nChapter Two\nThe Final Haven"}},{"id":"sn43.44:1","sourceIds":["sn43.44:1.1","sn43.44:1.2","sn43.44:1.3","sn43.44:1.4","sn43.44:1.5","sn43.44:1.6","sn43.44:1.7","sn43.44:1.8","sn43.44:1.9","sn43.44:1.10","sn43.44:1.11","sn43.44:1.12","sn43.44:1.13","sn43.44:1.14"],"kind":"text","text":{"pi":"“Parāyanañca vo, bhikkhave, desessāmi parāyanagāmiñca maggaṁ.\nTaṁ suṇātha.\nKatamañca, bhikkhave, parāyanaṁ?\nYo, bhikkhave, rāgakkhayo dosakkhayo mohakkhayo—\nidaṁ vuccati, bhikkhave, parāyanaṁ.\nKatamo ca, bhikkhave, parāyanagāmī maggo?\nKāyagatāsati.\nAyaṁ vuccati, bhikkhave, parāyanagāmimaggo.\nIti kho, bhikkhave, desitaṁ vo mayā parāyanaṁ, desito parāyanagāmimaggo.\nYaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti.\n(Yathā asaṅkhataṁ tathā vitthāretabbaṁ.)\nTettiṁsatimaṁ.\nDutiyo vaggo.","en":"“Mendicants, I will teach you the final haven and the path that leads to the final haven.\nListen …\nAnd what is the final haven?\nThe ending of greed, hate, and delusion.\nThis is called the final haven.\nAnd what is the path that leads to the final haven?\nMindfulness of the body.\nThis is called the path that leads to the final haven.\nSo, mendicants, I’ve taught you the final haven and the path that leads to the final haven.\nOut of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, mendicants! Don’t be negligent! Don’t regret it later! This is my instruction to you.”\n(Tell in full as in the unconditioned.)"}},{"id":"sn43.44:2","sourceIds":["sn43.44:2.0","sn43.44:2.1","sn43.44:2.2","sn43.44:2.3","sn43.44:2.4"],"kind":"text","text":{"pi":"Tassuddānaṁ\nAsaṅkhataṁ anataṁ anāsavaṁ,\nSaccañca pāraṁ nipuṇaṁ sududdasaṁ;\nAjajjaraṁ dhuvaṁ apalokitaṁ,\nAnidassanaṁ nippapañca santaṁ."}},{"id":"sn43.44:3","sourceIds":["sn43.44:3.1","sn43.44:3.2","sn43.44:3.3","sn43.44:3.4"],"kind":"text","text":{"pi":"Amataṁ paṇītañca sivañca khemaṁ,\nTaṇhākkhayo acchariyañca abbhutaṁ;\nAnītikaṁ anītikadhammaṁ,\nNibbānametaṁ sugatena desitaṁ."}},{"id":"sn43.44:4","sourceIds":["sn43.44:4.1","sn43.44:4.2","sn43.44:4.3","sn43.44:4.4","sn43.44:4.5"],"kind":"text","text":{"pi":"Abyābajjho virāgo ca,\nsuddhi mutti anālayo;\nDīpo leṇañca tāṇañca,\nsaraṇañca parāyananti.\nAsaṅkhatasaṁyuttaṁ samattaṁ.","en":"The Linked Discourses on the unconditioned are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn43.44/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}