{"id":"sn44.2","title":"With Anurādha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn44.2","title":"With Anurādha","units":[{"id":"sn44.2:0","sourceIds":["sn44.2:0.1","sn44.2:0.2","sn44.2:0.3"],"kind":"text","text":{"pi":"Saṁyutta Nikāya 44.2\n1. Abyākatavagga\nAnurādhasutta","en":"Linked Discourses 44.2\n1. The Undeclared Points\nWith Anurādha"}},{"id":"sn44.2:1","sourceIds":["sn44.2:1.1","sn44.2:1.2","sn44.2:1.3","sn44.2:1.4","sn44.2:1.5","sn44.2:1.6","sn44.2:1.7","sn44.2:1.8","sn44.2:1.9","sn44.2:1.10","sn44.2:1.11"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nTena kho pana samayena āyasmā anurādho bhagavato avidūre araññakuṭikāyaṁ viharati.\nAtha kho sambahulā aññatitthiyā paribbājakā yenāyasmā anurādho tenupasaṅkamiṁsu; upasaṅkamitvā āyasmatā anurādhena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te aññatitthiyā paribbājakā āyasmantaṁ anurādhaṁ etadavocuṁ:\n“yo so, āvuso anurādha, tathāgato uttamapuriso paramapuriso paramapattipatto, taṁ tathāgato imesu catūsu ṭhānesu paññāpayamāno paññāpeti:\n‘hoti tathāgato paraṁ maraṇā’ti vā, ‘na hoti tathāgato paraṁ maraṇā’ti vā, ‘hoti ca na ca hoti tathāgato paraṁ maraṇā’ti vā, ‘neva hoti na na hoti tathāgato paraṁ maraṇā’ti vā”ti?\n“Yo so, āvuso, tathāgato uttamapuriso paramapuriso paramapattipatto, taṁ tathāgato aññatra imehi catūhi ṭhānehi paññāpayamāno paññāpeti:\n‘hoti tathāgato paraṁ maraṇā’ti vā, ‘na hoti tathāgato paraṁ maraṇā’ti vā, ‘hoti ca na ca hoti tathāgato paraṁ maraṇā’ti vā, neva hoti na na hoti tathāgato paraṁ maraṇāti vā”ti.\nEvaṁ vutte, te aññatitthiyā paribbājakā āyasmantaṁ anurādhaṁ etadavocuṁ:\n“so cāyaṁ bhikkhu navo bhavissati acirapabbajito, thero vā pana bālo abyatto”ti.\nAtha kho te aññatitthiyā paribbājakā āyasmantaṁ anurādhaṁ navavādena ca bālavādena ca apasādetvā uṭṭhāyāsanā pakkamiṁsu.","en":"At one time the Buddha was staying near Vesālī, at the Great Wood, in the hall with the peaked roof.\nNow at that time Venerable Anurādha was staying not far from the Buddha in a wilderness hut.\nThen several wanderers of other religions went up to Venerable Anurādha and exchanged greetings with him.\nWhen the greetings and polite conversation were over, they sat down to one side and said to him:\n“Reverend Anurādha, when a realized one is describing a realized one—a supreme person, highest of people, who has reached the highest point—they describe them in these four ways:\nAfter death, a realized one still exists, or no longer exists, or both still exists and no longer exists, or neither still exists nor no longer exists.”\n“Reverends, when a realized one is describing a realized one—a supreme person, highest of people, who has reached the highest point—they describe them other than these four ways:\nAfter death, a realized one still exists, or no longer exists, or both still exists and no longer exists, or neither still exists nor no longer exists.”\nWhen he said this, the wanderers said to him,\n“This mendicant must be junior, recently gone forth, or else a foolish, incompetent senior mendicant.”\nThen, after rebuking Venerable Anurādha by calling him “junior” and “foolish”, the wanderers rose from their seats and left."}},{"id":"sn44.2:2","sourceIds":["sn44.2:2.1","sn44.2:2.2","sn44.2:2.3","sn44.2:2.4","sn44.2:2.5","sn44.2:2.6","sn44.2:2.7","sn44.2:2.8","sn44.2:2.9","sn44.2:2.10","sn44.2:2.11","sn44.2:2.12","sn44.2:2.13","sn44.2:2.14","sn44.2:2.15","sn44.2:2.16","sn44.2:2.17","sn44.2:2.18","sn44.2:2.19"],"kind":"text","text":{"pi":"Atha kho āyasmato anurādhassa acirapakkantesu aññatitthiyesu paribbājakesu etadahosi:\n“sace kho maṁ te aññatitthiyā paribbājakā uttariṁ puccheyyuṁ,\nkathaṁ byākaramāno nu khvāhaṁ tesaṁ aññatitthiyānaṁ paribbājakānaṁ vuttavādī ceva bhagavato assaṁ, na ca bhagavantaṁ abhūtena abbhācikkheyyaṁ, dhammassa cānudhammaṁ byākareyyaṁ, na ca koci sahadhammiko vādānuvādo gārayhaṁ ṭhānaṁ āgaccheyyā”ti?\nAtha kho āyasmā anurādho yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā anurādho bhagavantaṁ etadavoca:\n“idhāhaṁ, bhante, bhagavato avidūre araññakuṭikāyaṁ viharāmi.\nAtha kho, bhante, sambahulā aññatitthiyā paribbājakā yenāhaṁ tenupasaṅkamiṁsu; upasaṅkamitvā mayā saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho, bhante, te aññatitthiyā paribbājakā maṁ etadavocuṁ:\n‘yo so, āvuso anurādha, tathāgato uttamapuriso paramapuriso paramapattipatto, taṁ tathāgato imesu catūsu ṭhānesu paññāpayamāno paññāpeti:\n“hoti tathāgato paraṁ maraṇā”ti vā …pe…\n“neva hoti na na hoti tathāgato paraṁ maraṇā”ti vā’ti?\nEvaṁ vuttāhaṁ, bhante, te aññatitthiye paribbājake etadavocaṁ:\n‘yo so, āvuso, tathāgato uttamapuriso paramapuriso paramapattipatto, taṁ tathāgato aññatra imehi catūhi ṭhānehi paññāpayamāno paññāpeti:\n“hoti tathāgato paraṁ maraṇā”ti vā …pe…\n“neva hoti na na hoti tathāgato paraṁ maraṇā”ti vā’ti.\nEvaṁ vutte, bhante, te aññatitthiyā paribbājakā maṁ etadavocuṁ:\n‘so cāyaṁ bhikkhu navo bhavissati acirapabbajito thero vā pana bālo abyatto’ti.\nAtha kho maṁ, bhante, te aññatitthiyā paribbājakā navavādena ca bālavādena ca apasādetvā uṭṭhāyāsanā pakkamiṁsu.\nTassa mayhaṁ, bhante, acirapakkantesu tesu aññatitthiyesu paribbājakesu etadahosi:\n‘sace kho maṁ te aññatitthiyā paribbājakā uttariṁ puccheyyuṁ, kathaṁ byākaramāno nu khvāhaṁ tesaṁ aññatitthiyānaṁ paribbājakānaṁ vuttavādī ceva bhagavato assaṁ, na ca bhagavantaṁ abhūtena abbhācikkheyyaṁ, dhammassa cānudhammaṁ byākareyyaṁ, na ca koci sahadhammiko vādānuvādo gārayhaṁ ṭhānaṁ āgaccheyyā’”ti?","en":"Soon after they had left, Anurādha thought,\n“If those wanderers were to inquire further,\nhow should I answer them so as to repeat what the Buddha has said, and not misrepresent him with an untruth? How should I explain in line with his teaching, so that there would be no legitimate grounds for rebuttal and criticism?”\nThen Venerable Anurādha went up to the Buddha, bowed, sat down to one side, and told him what had happened."}},{"id":"sn44.2:3","sourceIds":["sn44.2:3.1","sn44.2:3.2"],"kind":"text","text":{"pi":"“Taṁ kiṁ maññasi, anurādha,\nrūpaṁ niccaṁ vā aniccaṁ vā”ti?","en":"“What do you think, Anurādha?\nIs form permanent or impermanent?”"}},{"id":"sn44.2:4","sourceIds":["sn44.2:4.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn44.2:5","sourceIds":["sn44.2:5.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn44.2:6","sourceIds":["sn44.2:6.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn44.2:7","sourceIds":["sn44.2:7.1","sn44.2:7.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn44.2:8","sourceIds":["sn44.2:8.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn44.2:9","sourceIds":["sn44.2:9.1","sn44.2:9.2","sn44.2:9.3","sn44.2:9.4","sn44.2:9.5"],"kind":"text","text":{"pi":"“Vedanā niccā vā aniccā vā”ti?\n…pe…\nSaññā …pe…\nsaṅkhārā …pe…\n“viññāṇaṁ niccaṁ vā aniccaṁ vā”ti?","en":"“Is feeling …\nperception …\nchoices …\nconsciousness permanent or impermanent?”"}},{"id":"sn44.2:10","sourceIds":["sn44.2:10.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn44.2:11","sourceIds":["sn44.2:11.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn44.2:12","sourceIds":["sn44.2:12.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn44.2:13","sourceIds":["sn44.2:13.1","sn44.2:13.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn44.2:14","sourceIds":["sn44.2:14.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn44.2:15","sourceIds":["sn44.2:15.1","sn44.2:15.2","sn44.2:15.3","sn44.2:15.4","sn44.2:15.5","sn44.2:15.6","sn44.2:15.7","sn44.2:15.8"],"kind":"text","text":{"pi":"“Tasmātiha, anurādha, yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.\nYā kāci vedanā atītānāgatapaccuppannā …pe…\nyā kāci saññā …pe…\nye keci saṅkhārā …pe…\nyaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.\nEvaṁ passaṁ, anurādha, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.","en":"“So, Anurādha, you should truly see any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’\nAny kind of feeling …\nperception …\nchoices …\nconsciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’\nSeeing this, a learned noble disciple grows disillusioned with form, feeling, perception, choices, and consciousness.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’"}},{"id":"sn44.2:16","sourceIds":["sn44.2:16.1","sn44.2:16.2","sn44.2:16.3","sn44.2:16.4","sn44.2:16.5","sn44.2:16.6","sn44.2:16.7","sn44.2:16.8","sn44.2:16.9","sn44.2:16.10","sn44.2:16.11","sn44.2:16.12","sn44.2:16.13","sn44.2:16.14","sn44.2:16.15","sn44.2:16.16","sn44.2:16.17","sn44.2:16.18","sn44.2:16.19","sn44.2:16.20","sn44.2:16.21","sn44.2:16.22","sn44.2:16.23","sn44.2:16.24","sn44.2:16.25","sn44.2:16.26"],"kind":"text","text":{"pi":"Taṁ kiṁ maññasi, anurādha,\nrūpaṁ tathāgatoti samanupassasī”ti?\n“No hetaṁ, bhante”.\n“Vedanaṁ tathāgatoti samanupassasī”ti?\n“No hetaṁ, bhante”.\n“Saññaṁ tathāgatoti samanupassasī”ti?\n“No hetaṁ, bhante”.\n“Saṅkhāre tathāgatoti samanupassasī”ti?\n“No hetaṁ, bhante”.\n“Viññāṇaṁ tathāgatoti samanupassasī”ti?\n“No hetaṁ, bhante”.\n“Taṁ kiṁ maññasi, anurādha,\nrūpasmiṁ tathāgatoti samanupassasī”ti?\n“No hetaṁ, bhante”.\n“Aññatra rūpā tathāgatoti samanupassasī”ti?\n“No hetaṁ, bhante”.\n“Vedanāya …pe…\naññatra vedanāya …pe…\nsaññāya …pe…\naññatra saññāya …pe…\nsaṅkhāresu …pe…\naññatra saṅkhārehi …pe…\nviññāṇasmiṁ tathāgatoti samanupassasī”ti?\n“No hetaṁ, bhante”.\n“Aññatra viññāṇā tathāgatoti samanupassasī”ti?\n“No hetaṁ, bhante”.","en":"What do you think, Anurādha?\nDo you consider that the label ‘realized one’ applies to form?”\n“No, sir.”\n“Do you consider that the label ‘realized one’ applies to feeling?” …\n“… perception?” …\n“… choices?” …\n“… consciousness?”\n“No, sir.”\n“What do you think, Anurādha?\nDo you consider that the label ‘realized one’ applies in relation to form?”\n“No, sir.”\n“Do you consider that the label ‘realized one’ applies apart from form?”\n“No, sir.”\n“Do you consider that the label ‘realized one’ applies in relation to feeling?”\n“… apart from feeling?” …\n“… in relation to perception?” …\n“… apart from perception?” …\n“… in relation to choices?” …\n“… apart from choices?” …\n“… in relation to consciousness?” …\n“… apart from consciousness?”\n“No, sir.”"}},{"id":"sn44.2:17","sourceIds":["sn44.2:17.1","sn44.2:17.2","sn44.2:17.3","sn44.2:17.4","sn44.2:17.5","sn44.2:17.6","sn44.2:17.7","sn44.2:17.8","sn44.2:17.9","sn44.2:17.10","sn44.2:17.11","sn44.2:17.12","sn44.2:17.13","sn44.2:17.14"],"kind":"text","text":{"pi":"“Taṁ kiṁ maññasi, anurādha,\nrūpaṁ, vedanaṁ, saññaṁ, saṅkhāre, viññāṇaṁ tathāgatoti samanupassasī”ti?\n“No hetaṁ, bhante”.\n“Taṁ kiṁ maññasi, anurādha,\nayaṁ so arūpī avedano asaññī asaṅkhāro aviññāṇo tathāgatoti samanupassasī”ti?\n“No hetaṁ, bhante”.\n“Ettha ca te, anurādha, diṭṭheva dhamme saccato thetato tathāgate anupalabbhiyamāne kallaṁ nu te taṁ veyyākaraṇaṁ—\nyo so, āvuso, tathāgato uttamapuriso paramapuriso paramapattipatto, taṁ tathāgato aññatra imehi catūhi ṭhānehi paññāpayamāno paññāpeti:\n‘hoti tathāgato paraṁ maraṇā’ti vā …pe…\n‘neva hoti na na hoti tathāgato paraṁ maraṇā’ti vā”ti?\n“No hetaṁ, bhante”.\n“Sādhu sādhu, anurādha.\nPubbe cāhaṁ, anurādha, etarahi ca dukkhañceva paññāpemi dukkhassa ca nirodhan”ti.\nDutiyaṁ.","en":"“What do you think, Anurādha?\nDo you consider that the label ‘realized one’ applies to one who has form?” … “… feeling?” … “… perception?” … “… choices?” … “… consciousness?”\n“No, sir.”\n“What do you think, Anurādha?\nDo you consider that the label ‘realized one’ applies to that one who is without form?” … “… feeling?” … “… perception?” … “… choices?” … “… consciousness?”\n“No, sir.”\n“In that case, Anurādha, since a realized one is not found by you as a genuine fact in this very life, is it cogent for you to declare:\n‘Reverends, when a realized one is describing a realized one—a supreme person, highest of people, who has reached the highest point—they describe them other than these four ways:\nAfter death, a realized one still exists, or no longer exists, or both still exists and no longer exists, or neither still exists nor no longer exists’?”\n“No, sir.”\n“Good, good, Anurādha!\nIn the past, as today, what I describe is suffering and the cessation of suffering.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn44.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}