{"id":"sn44.3","title":"With Sāriputta and Koṭṭhita (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn44.3","title":"With Sāriputta and Koṭṭhita (1st)","units":[{"id":"sn44.3:0","sourceIds":["sn44.3:0.1","sn44.3:0.2","sn44.3:0.3"],"kind":"text","text":{"pi":"Saṁyutta Nikāya 44.3\n1. Abyākatavagga\nPaṭhamasāriputtakoṭṭhikasutta","en":"Linked Discourses 44.3\n1. The Undeclared Points\nWith Sāriputta and Koṭṭhita (1st)"}},{"id":"sn44.3:1","sourceIds":["sn44.3:1.1","sn44.3:1.2","sn44.3:1.3"],"kind":"text","text":{"pi":"Ekaṁ samayaṁ āyasmā ca sāriputto, āyasmā ca mahākoṭṭhiko bārāṇasiyaṁ viharanti isipatane migadāye.\nAtha kho āyasmā mahākoṭṭhiko sāyanhasamayaṁ paṭisallānā vuṭṭhito yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā mahākoṭṭhiko āyasmantaṁ sāriputtaṁ etadavoca:","en":"At one time Venerable Sāriputta and Venerable Mahākoṭṭhita were staying near Varanasi in the deer park at Isipatana.\nThen in the late afternoon, Venerable Mahākoṭṭhita came out of retreat, went to Venerable Sāriputta, and exchanged greetings with him.\nWhen the greetings and polite conversation were over, he sat down to one side, and said to Sāriputta:"}},{"id":"sn44.3:2","sourceIds":["sn44.3:2.1","sn44.3:2.2","sn44.3:2.3","sn44.3:2.4","sn44.3:2.5","sn44.3:2.6","sn44.3:2.7","sn44.3:2.8","sn44.3:2.9","sn44.3:2.10","sn44.3:2.11","sn44.3:2.12"],"kind":"text","text":{"pi":"“Kiṁ nu kho, āvuso sāriputta, hoti tathāgato paraṁ maraṇā”ti?\n“Abyākataṁ kho etaṁ, āvuso, bhagavatā:\n‘hoti tathāgato paraṁ maraṇā’”ti.\n“Kiṁ panāvuso, na hoti tathāgato paraṁ maraṇā”ti?\n“Etampi kho, āvuso, abyākataṁ bhagavatā:\n‘na hoti tathāgato paraṁ maraṇā’”ti.\n“Kiṁ nu kho, āvuso, hoti ca na ca hoti tathāgato paraṁ maraṇā”ti?\n“Abyākataṁ kho etaṁ, āvuso, bhagavatā:\n‘hoti ca na ca hoti tathāgato paraṁ maraṇā’”ti.\n“Kiṁ panāvuso, neva hoti na na hoti tathāgato paraṁ maraṇā”ti?\n“Etampi kho, āvuso, abyākataṁ bhagavatā:\n‘neva hoti na na hoti tathāgato paraṁ maraṇā’”ti.","en":"“Reverend Sāriputta, does a realized one still exist after death?”\n“Reverend, this has not been declared by the Buddha.”\n“Well then, does a realized one no longer exist after death? …\nDoes a realized one both still exist and no longer exist after death? …\nDoes a realized one neither still exist nor no longer exist after death?”\n“This too has not been declared by the Buddha.”"}},{"id":"sn44.3:3","sourceIds":["sn44.3:3.1","sn44.3:3.2","sn44.3:3.3","sn44.3:3.4","sn44.3:3.5","sn44.3:3.6"],"kind":"text","text":{"pi":"“‘Kiṁ nu kho, āvuso, hoti tathāgato paraṁ maraṇā’ti iti puṭṭho samāno, ‘abyākataṁ kho etaṁ, āvuso, bhagavatā—\nhoti tathāgato paraṁ maraṇā’ti vadesi …pe…\n‘kiṁ panāvuso, neva hoti na na hoti tathāgato paraṁ maraṇā’ti iti puṭṭho samāno:\n‘etampi kho, āvuso, abyākataṁ bhagavatā—\nneva hoti na na hoti tathāgato paraṁ maraṇā’ti vadesi.\nKo nu kho, āvuso, hetu, ko paccayo yenetaṁ abyākataṁ bhagavatā”ti?","en":"“Reverend, when asked these questions, you say that they have not been declared by the Buddha.\nWhat’s the cause, what’s the reason why they have not been declared by the Buddha?”"}},{"id":"sn44.3:4","sourceIds":["sn44.3:4.1","sn44.3:4.2","sn44.3:4.3","sn44.3:4.4","sn44.3:4.5","sn44.3:4.6","sn44.3:4.7","sn44.3:4.8","sn44.3:4.9","sn44.3:4.10","sn44.3:4.11","sn44.3:4.12","sn44.3:4.13","sn44.3:4.14","sn44.3:4.15","sn44.3:4.16","sn44.3:4.17","sn44.3:4.18","sn44.3:4.19","sn44.3:4.20","sn44.3:4.21","sn44.3:4.22"],"kind":"text","text":{"pi":"“Hoti tathāgato paraṁ maraṇāti kho, āvuso, rūpagatametaṁ.\nNa hoti tathāgato paraṁ maraṇāti, rūpagatametaṁ.\nHoti ca na ca hoti tathāgato paraṁ maraṇāti, rūpagatametaṁ.\nNeva hoti na na hoti tathāgato paraṁ maraṇāti, rūpagatametaṁ.\nHoti tathāgato paraṁ maraṇāti kho, āvuso, vedanāgatametaṁ.\nNa hoti tathāgato paraṁ maraṇāti, vedanāgatametaṁ.\nHoti ca na ca hoti tathāgato paraṁ maraṇāti, vedanāgatametaṁ.\nNeva hoti na na hoti tathāgato paraṁ maraṇāti, vedanāgatametaṁ.\nHoti tathāgato paraṁ maraṇāti kho, āvuso, saññāgatametaṁ.\nNa hoti tathāgato paraṁ maraṇāti, saññāgatametaṁ.\nHoti ca na ca hoti tathāgato paraṁ maraṇāti, saññāgatametaṁ.\nNeva hoti na na hoti tathāgato paraṁ maraṇāti, saññāgatametaṁ.\nHoti tathāgato paraṁ maraṇāti kho, āvuso, saṅkhāragatametaṁ.\nNa hoti tathāgato paraṁ maraṇāti, saṅkhāragatametaṁ.\nHoti ca na ca hoti tathāgato paraṁ maraṇāti, saṅkhāragatametaṁ.\nNeva hoti na na hoti tathāgato paraṁ maraṇāti, saṅkhāragatametaṁ.\nHoti tathāgato paraṁ maraṇāti kho, āvuso, viññāṇagatametaṁ.\nNa hoti tathāgato paraṁ maraṇāti, viññāṇagatametaṁ.\nHoti ca na ca hoti tathāgato paraṁ maraṇāti, viññāṇagatametaṁ.\nNeva hoti na na hoti tathāgato paraṁ maraṇāti, viññāṇagatametaṁ.\nAyaṁ kho, āvuso, hetu ayaṁ paccayo, yenetaṁ abyākataṁ bhagavatā”ti.\nTatiyaṁ.","en":"“Reverend, ‘Does a realized one still exist after death?’ is included in form.\n‘Does a realized one no longer exist after death?’ is included in form.\n‘Does a realized one both still exist and no longer exist after death?’ is included in form.\n‘Does a realized one neither still exist nor no longer exist after death?’ is included in form.\n‘Does a realized one still exist after death?’ is included in feeling …\nperception …\nchoices …\nconsciousness.\n‘Does a realized one no longer exist after death?’ is included in consciousness.\n‘Does a realized one both still exist and no longer exist after death?’ is included in consciousness.\n‘Does a realized one neither still exist nor no longer exist after death?’ is included in consciousness.\nThis is the cause, this is the reason why this has not been declared by the Buddha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn44.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}