{"id":"sn44.8","title":"With Vacchagotta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn44.8","title":"With Vacchagotta","units":[{"id":"sn44.8:0","sourceIds":["sn44.8:0.1","sn44.8:0.2","sn44.8:0.3"],"kind":"text","text":{"pi":"Saṁyutta Nikāya 44.8\n1. Abyākatavagga\nVacchagottasutta","en":"Linked Discourses 44.8\n1. The Undeclared Points\nWith Vacchagotta"}},{"id":"sn44.8:1","sourceIds":["sn44.8:1.1","sn44.8:1.2","sn44.8:1.3","sn44.8:1.4","sn44.8:1.5","sn44.8:1.6","sn44.8:1.7"],"kind":"text","text":{"pi":"Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako bhagavantaṁ etadavoca:\n“kiṁ nu kho, bho gotama, sassato loko”ti?\n“Abyākataṁ kho etaṁ, vaccha, mayā: ‘sassato loko’ti …pe….\n“Kiṁ pana, bho gotama, ‘neva hoti na na hoti tathāgato paraṁ maraṇā’”ti?\n“Etampi kho, vaccha, abyākataṁ mayā:\n‘neva hoti na na hoti tathāgato paraṁ maraṇā’”ti.","en":"Then the wanderer Vacchagotta went up to the Buddha and exchanged greetings with him.\nWhen the greetings and polite conversation were over, he sat down to one side, and said to the Buddha:\n“Worthy Gotama, is this right: ‘the cosmos is eternal’?”\n“This has not been declared by me, Vaccha.” …\n“Then is this right: ‘a realized one neither still exists nor no longer exists after death’?”\n“This too has not been declared by me.”"}},{"id":"sn44.8:2","sourceIds":["sn44.8:2.1","sn44.8:2.2","sn44.8:2.3","sn44.8:2.4","sn44.8:2.5","sn44.8:2.6"],"kind":"text","text":{"pi":"“Ko nu kho, bho gotama, hetu, ko paccayo, yena aññatitthiyānaṁ paribbājakānaṁ evaṁ puṭṭhānaṁ evaṁ veyyākaraṇaṁ hoti:\n‘sassato loko’ti vā …pe…\n‘neva hoti na na hoti tathāgato paraṁ maraṇā’ti vā?\nKo pana, bho gotama, hetu, ko paccayo, yena bhoto gotamassa evaṁ puṭṭhassa na evaṁ veyyākaraṇaṁ hoti:\n‘sassato loko’tipi …pe…\n‘neva hoti na na hoti tathāgato paraṁ maraṇā’tipī”ti?","en":"“What’s the cause, worthy Gotama, what’s the reason why, when the wanderers of other religions are asked these questions, they declare one of these to be true?\nAnd what’s the reason why, when the worthy Gotama is asked these questions, he does not declare one of these to be true?”"}},{"id":"sn44.8:3","sourceIds":["sn44.8:3.1","sn44.8:3.2","sn44.8:3.3","sn44.8:3.4","sn44.8:3.5","sn44.8:3.6","sn44.8:3.7","sn44.8:3.8","sn44.8:3.9","sn44.8:3.10","sn44.8:3.11","sn44.8:3.12","sn44.8:3.13","sn44.8:3.14","sn44.8:3.15","sn44.8:3.16"],"kind":"text","text":{"pi":"“Aññatitthiyā kho, vaccha, paribbājakā rūpaṁ attato samanupassanti, rūpavantaṁ vā attānaṁ, attani vā rūpaṁ, rūpasmiṁ vā attānaṁ.\nVedanaṁ attato samanupassanti …pe…\nsaññaṁ …pe…\nsaṅkhāre …pe…\nviññāṇaṁ attato samanupassanti, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.\nTasmā aññatitthiyānaṁ paribbājakānaṁ evaṁ puṭṭhānaṁ evaṁ veyyākaraṇaṁ hoti:\n‘sassato loko’ti vā …pe…\n‘neva hoti na na hoti tathāgato paraṁ maraṇā’ti vā.\nTathāgato ca kho, vaccha, arahaṁ sammāsambuddho na rūpaṁ attato samanupassati, na rūpavantaṁ vā attānaṁ, na attani vā rūpaṁ, na rūpasmiṁ vā attānaṁ.\nNa vedanaṁ attato samanupassati …pe…\nna saññaṁ …pe…\nna saṅkhāre …pe…\nna viññāṇaṁ attato samanupassati, na viññāṇavantaṁ vā attānaṁ, na attani vā viññāṇaṁ, na viññāṇasmiṁ vā attānaṁ.\nTasmā tathāgatassa evaṁ puṭṭhassa na evaṁ veyyākaraṇaṁ hoti:\n‘sassato loko’tipi …pe…\n‘neva hoti na na hoti tathāgato paraṁ maraṇā’tipī”ti.","en":"“Vaccha, the wanderers of other religions regard form as self, self as having form, form in self, or self in form.\nThey regard feeling …\nperception …\nchoices …\nconsciousness as self, self as having consciousness, consciousness in self, or self in consciousness.\nThat’s why, when asked, they declare one of those answers to be true.\nThe Realized One doesn’t regard form as self, self as having form, form in self, or self in form.\nHe doesn’t regard feeling …\nperception …\nchoices …\nconsciousness as self, self as having consciousness, consciousness in self, or self in consciousness.\nThat’s why, when asked, he does not declare one of those answers to be true.”"}},{"id":"sn44.8:4","sourceIds":["sn44.8:4.1","sn44.8:4.2","sn44.8:4.3","sn44.8:4.4","sn44.8:4.5","sn44.8:4.6","sn44.8:4.7"],"kind":"text","text":{"pi":"Atha kho vacchagotto paribbājako uṭṭhāyāsanā yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako āyasmantaṁ mahāmoggallānaṁ etadavoca:\n“kiṁ nu kho, bho moggallāna, sassato loko”ti?\n“Abyākataṁ kho etaṁ, vaccha, bhagavatā: ‘sassato loko’ti …pe….\n“Kiṁ pana, bho moggallāna, ‘neva hoti na na hoti tathāgato paraṁ maraṇā’”ti?\n“Etampi kho, vaccha, abyākataṁ bhagavatā:\n‘neva hoti na na hoti tathāgato paraṁ maraṇā’”ti.","en":"Then the wanderer Vacchagotta rose from his seat and went to Venerable Mahāmoggallāna, and exchanged greetings with him.\nWhen the greetings and polite conversation were over, he sat down to one side. He asked Mahāmoggallāna the same questions, and received the same answers."}},{"id":"sn44.8:5","sourceIds":["sn44.8:5.1","sn44.8:5.2","sn44.8:5.3","sn44.8:5.4","sn44.8:5.5","sn44.8:5.6"],"kind":"text","text":{"pi":"“Ko nu kho, bho moggallāna, hetu, ko paccayo, yena aññatitthiyānaṁ paribbājakānaṁ evaṁ puṭṭhānaṁ evaṁ veyyākaraṇaṁ hoti:\n‘sassato loko’ti vā …pe…\n‘neva hoti na na hoti tathāgato paraṁ maraṇā’ti vā?\nKo pana, bho moggallāna, hetu, ko paccayo yena samaṇassa gotamassa evaṁ puṭṭhassa na evaṁ veyyākaraṇaṁ hoti:\n‘sassato loko’tipi …pe…\n‘neva hoti na na hoti tathāgato paraṁ maraṇā’tipī”ti?"}},{"id":"sn44.8:6","sourceIds":["sn44.8:6.1","sn44.8:6.2","sn44.8:6.3","sn44.8:6.4","sn44.8:6.5","sn44.8:6.6","sn44.8:6.7","sn44.8:6.8","sn44.8:6.9","sn44.8:6.10","sn44.8:6.11","sn44.8:6.12","sn44.8:6.13","sn44.8:6.14","sn44.8:6.15"],"kind":"text","text":{"pi":"“Aññatitthiyā kho, vaccha, paribbājakā rūpaṁ attato samanupassanti, rūpavantaṁ vā attānaṁ, attani vā rūpaṁ, rūpasmiṁ vā attānaṁ.\nVedanaṁ attato samanupassanti …pe…\nsaññaṁ …pe…\nsaṅkhāre …pe…\nviññāṇaṁ attato samanupassanti, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.\nTasmā aññatitthiyānaṁ paribbājakānaṁ evaṁ puṭṭhānaṁ evaṁ veyyākaraṇaṁ hoti:\n‘sassato loko’ti vā …pe…\n‘neva hoti na na hoti tathāgato paraṁ maraṇā’ti vā.\nTathāgato ca kho, vaccha, arahaṁ sammāsambuddho na rūpaṁ attato samanupassati, na rūpavantaṁ vā attānaṁ, na attani vā rūpaṁ, na rūpasmiṁ vā attānaṁ.\nNa vedanaṁ attato samanupassati …pe…\nna saññaṁ …pe…\nna saṅkhāre …pe…\nna viññāṇaṁ attato samanupassati, na viññāṇavantaṁ vā attānaṁ, na attani vā viññāṇaṁ, na viññāṇasmiṁ vā attānaṁ.\nTasmā tathāgatassa evaṁ puṭṭhassa na evaṁ veyyākaraṇaṁ hoti:\n‘sassato loko’tipi, ‘asassato loko’tipi, ‘antavā loko’tipi, ‘anantavā loko’tipi, ‘taṁ jīvaṁ taṁ sarīran’tipi, ‘aññaṁ jīvaṁ aññaṁ sarīran’tipi, ‘hoti tathāgato paraṁ maraṇā’tipi, ‘na hoti tathāgato paraṁ maraṇā’tipi, ‘hoti ca na ca hoti tathāgato paraṁ maraṇā’tipi, ‘neva hoti na na hoti tathāgato paraṁ maraṇā’tipī”ti."}},{"id":"sn44.8:7","sourceIds":["sn44.8:7.1","sn44.8:7.2","sn44.8:7.3","sn44.8:7.4","sn44.8:7.5","sn44.8:7.6","sn44.8:7.7"],"kind":"text","text":{"pi":"“Acchariyaṁ, bho moggallāna, abbhutaṁ, bho moggallāna.\nYatra hi nāma satthu ca sāvakassa ca atthena attho byañjanena byañjanaṁ saṁsandissati, samessati, na virodhayissati, yadidaṁ aggapadasmiṁ.\nIdānāhaṁ, bho moggallāna, samaṇaṁ gotamaṁ upasaṅkamitvā etamatthaṁ apucchiṁ.\nSamaṇopi me gotamo etehi padehi etehi byañjanehi etamatthaṁ byākāsi, seyyathāpi bhavaṁ moggallāno.\nAcchariyaṁ, bho moggallāna, abbhutaṁ, bho moggallāna.\nYatra hi nāma satthu ca sāvakassa ca atthena attho byañjanena byañjanaṁ saṁsandissati samessati na virodhayissati, yadidaṁ aggapadasmin”ti.\nAṭṭhamaṁ.","en":"He said, “It’s incredible, worthy Moggallāna, it’s amazing.\nHow the meaning and the phrasing of the Teacher and the disciple fit together and agree without contradiction when it comes to the chief matter!\nJust now I went to the ascetic Gotama and asked him about this matter.\nAnd he explained it to me with these words and phrases, just like the worthy Moggallāna.\nIt’s incredible, worthy Moggallāna, it’s amazing!\nHow the meaning and the phrasing of the Teacher and the disciple fit together and agree without contradiction when it comes to the chief matter!”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn44.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}