{"id":"sn45.12","title":"Meditation (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn45.12","title":"Meditation (2nd)","units":[{"id":"sn45.12:0","sourceIds":["sn45.12:0.1","sn45.12:0.2","sn45.12:0.3"],"kind":"text","text":{"pi":"Saṁyutta Nikāya 45.12\n2. Vihāravagga\nDutiyavihārasutta","en":"Linked Discourses 45.12\n2. Meditation\nMeditation (2nd)"}},{"id":"sn45.12:1","sourceIds":["sn45.12:1.1","sn45.12:1.2","sn45.12:1.3","sn45.12:1.4"],"kind":"text","text":{"pi":"Sāvatthinidānaṁ.\n“Icchāmahaṁ, bhikkhave, temāsaṁ paṭisallīyituṁ.\nNamhi kenaci upasaṅkamitabbo, aññatra ekena piṇḍapātanīhārakenā”ti.\n“Evaṁ, bhante”ti kho te bhikkhū bhagavato paṭissutvā nāssudha koci bhagavantaṁ upasaṅkamati, aññatra ekena piṇḍapātanīhārakena.","en":"At Sāvatthī.\n“Mendicants, I wish to go on retreat for three months.\nNo-one should approach me, except the one who brings my almsfood.”\n“Yes, sir,” replied those mendicants. And no-one approached him, except the one who brought the almsfood."}},{"id":"sn45.12:2","sourceIds":["sn45.12:2.1","sn45.12:2.2","sn45.12:2.3","sn45.12:2.4","sn45.12:2.5","sn45.12:2.6","sn45.12:2.7","sn45.12:2.8","sn45.12:2.9","sn45.12:2.10","sn45.12:2.11","sn45.12:2.12","sn45.12:2.13","sn45.12:2.14","sn45.12:2.15","sn45.12:2.16","sn45.12:2.17","sn45.12:2.18","sn45.12:2.19","sn45.12:2.20"],"kind":"text","text":{"pi":"Atha kho bhagavā tassa temāsassa accayena paṭisallānā vuṭṭhito bhikkhū āmantesi:\n“yena svāhaṁ, bhikkhave, vihārena paṭhamābhisambuddho viharāmi, tassa padesena vihāsiṁ.\nSo evaṁ pajānāmi:\n‘micchādiṭṭhipaccayāpi vedayitaṁ;\nmicchādiṭṭhivūpasamapaccayāpi vedayitaṁ;\nsammādiṭṭhipaccayāpi vedayitaṁ;\nsammādiṭṭhivūpasamapaccayāpi vedayitaṁ …pe…\nmicchāsamādhipaccayāpi vedayitaṁ;\nmicchāsamādhivūpasamapaccayāpi vedayitaṁ, sammāsamādhipaccayāpi vedayitaṁ;\nsammāsamādhivūpasamapaccayāpi vedayitaṁ;\nchandapaccayāpi vedayitaṁ;\nchandavūpasamapaccayāpi vedayitaṁ;\nvitakkapaccayāpi vedayitaṁ;\nvitakkavūpasamapaccayāpi vedayitaṁ;\nsaññāpaccayāpi vedayitaṁ;\nsaññāvūpasamapaccayāpi vedayitaṁ;\nchando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṁ;\nchando ca vūpasanto hoti, vitakko ca vūpasanto hoti, saññā ca vūpasantā hoti, tappaccayāpi vedayitaṁ;\nappattassa pattiyā atthi āyāmaṁ, tasmimpi ṭhāne anuppatte tappaccayāpi vedayitan’”ti.\nDutiyaṁ.","en":"Then after three months had passed, the Buddha came out of retreat and addressed the mendicants:\n“Mendicants, I’ve been practicing part of the meditation I practiced when I was first awakened.\nI understand that\nthere’s feeling conditioned by wrong view\nand by the settling of wrong view,\nby right view\nand by the settling of right view. …\nThere’s feeling conditioned by wrong immersion\nand by the settling of wrong immersion, by right immersion\nand by the settling of right immersion.\nThere’s feeling conditioned by desire\nand by the settling of desire.\nThere’s feeling conditioned by thought,\nand by the settling of thought.\nThere’s feeling conditioned by perception,\nand by the settling of perception.\nAs long as desire, thought, and perception are not stilled, there is feeling conditioned by that.\nWhen desire, thought, and perception are stilled, there is feeling conditioned by that.\nThere is effort to attain the unattained. When that state has been attained, there is also feeling conditioned by that.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn45.12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}